17 شىلدە, 2024 news
10 مىڭنان استام تالاپكەر گرانت كونكۋرسىنا قاتىسۋ ءۇشىن قۇجاتتارىن تاپسىردى. كوبى پەداگوگيكا عىلىمدارىن تاڭداعان
كونكۋرس 24 شىلدەگە دەيىن جۇرگىزىلەدى.
كورنەكى سۋرەت
بۇگىن ەلىمىز بويىنشا ءبىلىم بەرۋ گرانتتارى تاعايىنداۋ كونكۋرسىنا قاتىسۋ ءۇشىن وتىنىشتەر قابىلداۋ كامپانياسى باستالدى, دەپ حابارلادى عىلىم جانە جوعارى ءبىلىم مينيسترلىگى.
"قازىرگى تاڭدا 10 مىڭنان استام تالاپكەر گرانت كونكۋرسىنا قاتىسۋعا نيەت ءبىلدىرىپ, وتىنىشتەرىن جىبەردى. ەڭ كوپ ءوتىنىش "پەداگوگيكالىق عىلىمدار" جانە "ينجەنەرلىك, وڭدەۋ جانە قۇرىلىس سالالارى" باعىتتارىنا بەرىلدى, &ndash؛ دەلىنگەن حابارلامادا.
ەسكە سالايىق, بيىل قۇجاتتاردى قابىلداۋ ەgov ارقىلى ونلاين فورماتتا نەمەسە جوو-لاردىڭ قابىلداۋ كوميسسيالارى ارقىلى وفلاين فورماتتا جۇزەگە اسىرىلادى.
قۇجاتتاردى كەز كەلگەن جوو (ورنالاسقان جەرى بويىنشا) ارقىلى تاپسىرۋعا بولادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر