17 شىلدە, 2024 news
قازاقستاندا جىل باسىنان بەرى 9 مىڭعا جۋىق كولىك ايىپپۇل تۇراعىنا قويىلعان
ءىىم 6 ايدىڭ جۇمىسىن قورىتىندىلادى. بۇگىندە ەلىمىز بويىنشا 1,3 ميلليون بەينەباقىلاۋ كامەراسى جۇمىس ىستەيدى, ونىڭ ىشىندە 291 مىڭ كامەرا پوليسيانىڭ جەدەل باسقارۋ ورتالىقتارىنا جانە كەزەكشى بولىمدەرىنە قوسىلعان.
![](/media/2024/07/17/crop-14_7_213x378_qlim4y6slvrxhaa6ietajfztnxteav8q3dfkxtio.jpg_width=400xheight=autoxtype=1.jpg?width=600&height=480)
فوتو: اشىق دەرەككوزدەن
ولاردىڭ كومەگىمەن جىل باسىنان بەرى بەس مىڭنان استام قىلمىس جانە 324 مىڭ اكىمشىلىك قۇقىق بۇزۋشىلىق انىقتالعان. اۆتوماتتى تىركەۋ جۇيەلەرىمەن 3,9 ميلليون جول ءجۇرىسى قاعيدالارىن بۇزۋ دەرەگى تىركەلگەن.
ىىم "قورعاۋ" باعدارلاماسى ازىرلەنگەن. ول پوليسياعا جولدا ورەسكەل زاڭ بۇزاتىن جۇرگىزۋشىلەردى انىقتاۋعا جانە ولارمەن الدىن الۋ جۇمىستارىن جۇرگىزۋگە مۇمكىندىك بەرەدى. مۇنداي باعدارلاما بارلىق 20 ايماقتا قولدانىلاتىنى ايتىلدى.
"بيىل "قورعاۋدىڭ" كومەگىمەن 339 مىڭنان استام كولىك قۇرالى تەكسەرىلىپ, 20 مىڭنان استام اكىمشىلىك قۇقىق بۇزۋشىلىق انىقتالدى. توعىز مىڭعا جۋىق اۆتوكولىك ايىپپۇل تۇراعىنا قامالدى. جالعان ءنومىرلى 173 كولىك انىقتالدى", - دەلىنگەن حابارلامادا.
سونىمەن قاتار, پوليسيا جۇرگىزۋشىلەر ءتارتىبىن نىعايتۋ بويىنشا شارالار قابىلدادى.
"التى ايدا 12 مىڭنان استام ماس جۇرگىزۋشى ۇستالىپ, جۇرگىزۋ قۇقىعىنان ايىرىلدى. ۆەدومستۆو "sos" باتىرمالارىن ورناتۋ جۇمىستارىن جالعاستىرىپ جاتىر. بۇگىندە رەسپۋبليكا بويىنشا 284 قۇرىلعى جۇمىس ىستەيدى. ولاردا دا بەينەباقىلاۋ كامەراسى بار. بۇل &ndash؛ الدىن الۋ مەن قاۋىپسىزدىكتىڭ ءتيىمدى قۇرالى. جالپى مۇنداي تۇيمەلەر قىلمىس دەڭگەيىن تومەندەتۋگە جانە قالا تۇرعىندارى مەن تۋريستەردىڭ ءومىر ءسۇرۋ ساپاسىن جاقسارتۋعا كومەكتەسەدى".
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر