• usd 468.56

  • eur 497.56

  • rub 7.3

  • cny 67.18

13 شىلدە, 23:39:04
الماتى
+35°

مەملەكەت باسشىسى شانحاي ىنتىماقتاستىق ۇيىمىن رەفورمالاۋ جانە جاڭعىرتۋ قاجەتتىگىنە ارنايى توقتالدى, - دەپ حابارلايدى ؛qamshy.kz اقپارات اگەنتتىگى.

"قارقىندى جاھاندىق وزگەرىستەرگە بايلانىستى ءبىزدىڭ الدىمىزدا شىۇ قىزمەتىن ودان ءارى جەتىلدىرۋگە باعىتتالعان ماڭىزدى مىندەت تۇر. ۇيىم اياسىنىڭ كەڭەيۋ ۇدەرىسى جاڭا مۇمكىندىكتەرگە جول اشىپ, ونى دامىتۋعا تىڭ سەرپىن بەرەدى. ەلىمىز شىۇ-عا ءتوراعا رەتىندە ۇيىمدى ىنتىماقتاستىقتىڭ بۇدان دا ءتيىمدى ءارى كوپجاقتى مەحانيزمىنە اينالدىرۋدى كوزدەيتىن تەڭگەرىمدى ۇسىنىستارىن ورتاعا سالدى. اتاپ ايتقاندا, ءبىز شىۇ حاتشىلىعى مەن باس حاتشىنىڭ ءرولىن كۇشەيتۋدى قۇپتايمىز", &ndash؛ دەدى قاسىم-جومارت توقاەۆ.

قازاقستان پرەزيدەنتى ايتىلعان بارلىق ۇسىنىس شىۇ-عا مۇشە ەلدەرگە ورتاق يگى ماقساتتارعا قول جەتكىزۋگە بارىنشا ۇلەس قوسۋعا دەگەن شىنايى نيەتتەن تۋىنداعانىن اتاپ ءوتتى. مەملەكەت باسشىسى ءسوزىن قورىتىندىلاي كەلە, قولداعاندارى ءۇشىن ۇيىمعا مۇشە ەلدەردىڭ باسشىلارىنا ريزاشىلىعىن بىلدىردى.

سونىمەن قاتار, قىتاي حالىق رەسپۋبليكاسىنىڭ ءتوراعاسى سي ءسزينپيندى شىۇ-عا مۇشە مەملەكەتتەر باسشىلارىنىڭ كەڭەسىنە ءتوراعا بولۋىمەن شىن جۇرەكتەن قۇتتىقتاپ, قىتاي تاراپىنا تابىس تىلەدى. قاسىم-جومارت توقاەۆ وتىرىستى قورىتىندىلاي كەلە, كوپجاقتى ىنتىماقتاستىقتى ىلگەرىلەتۋ جونىندەگى اۋقىمدى ماسەلەلەر تالقىلانعانىن, ۇيىمدى ودان ءارى دامىتۋ باعىتى ايقىندالعانىن اتاپ ءوتتى.

"بىز شانحاي ىنتىماقتاستىق ۇيىمىنىڭ كەلەشەگىنەن زور ءۇمىت كۇتەمىز. وسىعان وراي ۇيىمنىڭ حالىقارالىق ارەناداعى بەدەلى مەن ىقپالىن ودان ءارى ارتتىرۋ ءۇشىن شىۇ تەتىكتەرىنىڭ جۇمىسىن جەتىلدىرۋگە باسا ءمان بەرىلدى. ءقازىر ءبىز قول قوياتىن قۇجاتتار شىۇ تاريحىنداعى تاعى ءبىر ماڭىزدى كەزەڭگە جول اشاتىنىنا, سونداي-اق ۇيىمنىڭ جۇيەلى ءارى جان-جاقتى دامۋىنا سەپتىگىن تيگىزەتىنىنە سەنىمدىمىن", &ndash؛ دەدى قازاقستان پرەزيدەنتى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر