كورنەكى سۋرەت
قازاقستان مۇسىلماندارى ءدىني باسقارماسى اراپا كۇنى بيىل 15 ماۋسىمعا, قۇربان ايت مەرەكەسىنىڭ ءبىرىنشى كۇنى 16 ماۋسىمعا سايكەس كەلەتىنىن حابارلادى.
"زۋل-حيججا ايىن انىقتاۋ ءۇشىن زۋل-قاعدا ايىنىڭ 29-ندا ايدى باقىلايدى. كۇن باتقان كەزدە جاڭا اي كورىنسە, كەلەسى كۇنى زۋل-حيججا ايى باستالعان بولىپ سانالادى. ەگەر اۋا بۇلتتى بولىپ, اي كورىنبەسە, زۋل-قاعدا ايىن 30 كۇنگە تولىقتىرادى. وسىعان وراي, ؛2024 جىلى 6 ماۋسىمدا جاڭا ايدىڭ كورىنۋىنە بايلانىستى بيىل زۇلحيججا ايى 7 ماۋسىمدا باستالىپ, اراپا 15 ماۋسىمعا, ال قۇربان ايت 16 ماۋسىمعا ساي كەلەدى" دەلىنگەن ءمۇفتيات حابارلاماسىندا.
بۇعان دەيىن ؛egov.kz پورتالىندا جاريالانعان ؛مەرەكە جانە دەمالىس كۇندەر تىزبەسىندە 17 ماۋسىم ؛قۇربان ايت مەرەكەسىنىڭ ءبىرىنشى كۇنى رەتىندە كورسەتىلىپ, دەمالىس كۇنى دەپ بەلگىلەنگەن.
ەڭبەك جانە حالىقتى الەۋمەتتىك قورعاۋ مينيسترلىگىنە سىلتەگەن ينفورمبيۋرو سايتى قۇربان ايتتىڭ ءبىرىنشى كۇنى سايكەس كەلەتىن جەكسەنبى دەمالىس كۇنى سانالاتىندىقتان, دۇيسەنبى جۇمىس كۇنى بولىپ قالا بەرەتىنىن حابارلادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر