فوتو: اشىق دەرەككوزدەن
جوعارعى سوت قاڭتار وقيعاسى كەزىندە قايتىس بولعان ءتورت جاسار ايكوركەمنىڭ ولىمىنە قاتىستى ۇكىم شىعاردى. ونىڭ ءولىمى ءۇشىن ەشكىم جاۋاپقا تارتىلمايدى.
قازاقستان جوعارعى سوتى وسى كەزگە دەيىنگى اپەللياسيالىق سوت شەشىمىنىڭ كۇشىن جويىپ, اسكەري قىزمەتكەر ارمان جۇماندى اقتاپ الدى.
باستاپقى ينستانسيا دا ايكوركەم مەدەلحاننىڭ ولىمىنە كۇدىكتى بولعان ارمان جۇماندى اقتاپ العان. الايدا اپەللياسيالىق سوت اقتاپ الۋ ۇكىمىنىڭ كۇشىن جويىپ, اسكەري قىزمەتكەردى 7 جىلعا باس بوستاندىعىنان ايىرۋ تۋرالى شەشىم شىعارعان.
«؛جۇمانعا قاتىستى قىلمىستىق ءىس قۇپيا رەجيمدە قارالدى. كاسساسيالىق قاراۋ ناتيجەلەرى بويىنشا وسىعان دەيىنگى سوت اكتىلەرىنىڭ كۇشى جويىلدى. ءىس كەلەسى ساتىداعى اپەللياسيالىق سوت قاراۋىنا جىبەرىلدى»؛ دەلىنگەن جوعارعى سوت حابارلاماسىندا.
2022 جىلدىڭ 7 قاڭتارى ساعات 19:30 شاماسىندا توتەنشە جاعداي كەزىندە الماتى اكىمدىگىنىڭ ماڭىندا كەتىپ بارا جاتقان اۆتوكولىككە وق اتىلعان. سالدارىنان 2017 جىلى تۋعان ايكوركەم مەلدەحان قايتىس بولىپ, كامەلەتكە تولماعان جانەل مەلدەحانعا 5 وق تيگەن.
ەسكە سالا كەتسەك, 2023 جىلدىڭ 15 قاراشاسىندا ءىس بويىنشا ۇكىم شىعىپ, الماتى گارنيزونى اسكەري سوتى ايىپتالۋشىنى اقتاعان بولاتىن. ؛ال پروكۋرور ۇكىمنىڭ كۇشىن جويۋ جونىندە اپپەلياسيالىق شاعىم تۇسىرەتىنىن مالىمدەگەن. 2024 جىلدى 28 ناۋرىزىندا ايكوركەم مەدەلحاننىڭ ولىمىنە كىنالى دەگەن ايىپپەن اسكەري قىزمەتكەر 7 جىلعا سوتتالعان بولاتىن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر