06 ماۋسىم, 2024 news
ۇكىمەتتىڭ قارىزى 25 ترلن تەڭگەگە جەتتى – سمايىلوۆ
جوعارى اۋديتورلىق پالاتا ءتوراعاسى ءاليحان سمايىلوۆ ءماجىلىستىڭ جالپى وتىرىسىندا ۇكىمەتتىك بورىشتاردىڭ ارتقانىنا الاڭداۋشىلىق ءبىلدىردى.
فوتو: اشىق دەرەككوزدەن
- ءقازىر مەملەكەتتىك بورىش ءقاۋىپسىز شەكتە بولعانىمەن, ۇكىمەتتىڭ بورىشتىق مىندەتتەمەلەرى بيىل قاڭتار ايىنداعى جاعداي بويىنشا 24,9 ترلن تەڭگە بولدى. 2024-2025 جىلدارى وتكەن ونجىلدىقتا تارتىلعان قارىزداردى قايتارۋ بويىنشا بيۋدجەتكە ەڭ جوعارى جۇكتەمە ءتۇسىپ وتىر. 2023 جىلى قارىزداردى وتەۋگە جانە قىزمەت كورسەتۋگە ۇلتتىق قوردىڭ ترانسفەرتتەرىن ەسەپكە الماعاندا, بيۋدجەت كىرىستەرىنىڭ 28%-ى نەمەسە بارلىق شىعىسىنىڭ 19%-ى جىبەرىلدى, - دەدى ول.
جوعارى اۋديتورلىق پالاتا باسشىسى مەملەكەتتىك جانە كۆازيمەملەكەتتىك بورىشتىڭ جاي-كۇيى تۋرالى اقپاراتتى اشىعىراق كورسەتۋ كەرەك ەكەنىن ايتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر