06 ماۋسىم, 2024 news
فوتو: midjourney
پارلامەنت سەناتى ماسس-مەديا تۋرالى ءماجىلىس قابىلداعان نەگىزگى زاڭدى ماقۇلدادى. ؛زاڭ جوباسى ۇكىمەتتىڭ باستاماسىمەن ازىرلەنگەن.
"ماسس-مەديا تۋرالى" زاڭعا "بۇقارالىق اقپارات تۋرالى" جانە "تەلەراديو حابارلارىن تاراتۋ تۋرالى" قولدانىستاعى زاڭدارعا تومەندەگى نورمالاردى ەنگىزۋ كوزدەلەدى:
- مەملەكەتتىك ەمەس بۇقارالىق اقپارات قۇرالدارىنا وتاندىق كونتەنتتى دامىتۋ, قازاقستاننىڭ اقپاراتتىق ەگەمەندىگىن نىعايتۋ جانە قورعاۋ ءۇشىن گرانتتىق قارجىلاندىرۋ بەرىلەتىن بولدى؛
- بۇقارالىق اقپارات قۇرالىندا جاريالانعان اقپاراتتار بويىنشا جەكە نەمەسە زاڭدى تۇلعالاردىڭ تالاپ قويۋ مەرزىمى 1 جىل بولىپ بەلگىلەندى؛
- باق سۇراۋلارىن قاراۋ مەرزىمى 7 جۇمىس كۇننەن 5 جۇمىس كۇنىنە دەيىن قىسقارتىلدى؛
- باق قىزمەتىنە ءوزىن-وزى رەتتەۋگە, مەديا سالاسىن دامىتۋعا مۇمكىندىك بەرۋ ماقساتىندا ەرىكتى نەگىزدە قوعامدىق-كاسىپتىك كەڭەس قۇرۋعا جانە جۋرناليستەردىڭ ادەپ كودەكسىن ازىرلەۋگە مۇمكىندىك بەرىلدى؛
- مەملەكەتتىك تىلدەگى تەلە-راديوباعدارلامالاردىڭ اپتا سايىنعى كولەمىن 50%-دان 60%-عا دەيىن كەزەڭ-كەزەڭىمەن ۇلعايتۋ بەلگىلەندى (2025 جىلدان باستاپ 55%, 2027 جىلدان باستاپ 60%)؛  ؛ ؛ ؛ ؛ ؛
- وتاندىق تەلە, راديو باعدارلامالاردىڭ جانە قازاقستاندىق اۆتورلاردىڭ/ورىنداۋشىلاردىڭ مۋزىكالىق شىعارمالارىنىڭ وتاندىق تەلە, راديوارنالارداعى كولەمىن 50%-دان 60%-عا دەيىن كەزەڭ-كەزەڭىمەن ۇلعايتۋ (2025 جىلدان باستاپ 55%, 2027 جىلدان باستاپ 60%) كوزدەلدى؛
- وتاندىق تەلە, راديوارنالارداعى شەتەلدىك باعدارلامالاردىڭ رەترانسلياسياسىن 20%-دان 10%-عا دەيىن ازايتۋ بەلگىلەندى؛
- جۋرناليستىڭ كاسىبي قىزمەتىنىڭ قۇقىقتىق كەپىلدىكتەرىن قامتاماسىز ەتۋ جونىندە نورمالار ەنگىزىلدى.
زاڭ جوباسى پرەزيدەنتتىڭ قول قويۋىنا جولداندى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر