"؛شترافستان با"؛: مينيستر ەلدە ايىپپۇل نەگە جوعارى ەكەنىن ءتۇسىندىردى

جۋرناليستەر مينيسترگە ءماجىلىس كۋلۋارىندا ەلدەگى ايىپپۇل سوماسى كوپ ەكەنىن العا تارتىپ, ەل اراسىندا "شترافستان" دەپ اتاۋىنا قاتىستى سۇراق قويعان.

"زاڭدى بۇزبايتىن ازامات ءۇشىن قورقاتىن ەشتەڭەسى جوق. زاڭ بۇزدى ما, جازالانادى. بۇل زاڭ مەن ەرەجەنى بۇزباۋعا شاقىرادى. ايىپپۇلدى كوبەيتۋدەگى ماقسات &ndash؛ زاڭعا قۇلاق اساتىن قوعام قالىپتاستىرۋ. ءبىز ەرەجە ساقتامايتىن ازاماتتاردى تاربيەلەپ جاتىرمىز", - دەدى مينيستر.

ايىپپۇلدىڭ وسۋىنە بايلانىستى بيۋدجەتكە ءتۇسىم قانشالىقتى ارتقانىنا قاتىستى سۇراققا مينيستر جاۋاپ بەرمەدى.

"بىز مۇنداي بولجام جاساي المايمىز", - دەپ قىسقا قايىردى ول.

ايتا كەتەيىك, 2024 جىلى اەك 3692 تەڭگەگە دەيىن ءوستى. وسىعان بايلانىستى قازاقستاندىقتار ءۇشىن ايىپپۇل مولشەرى وزگەردى. 2024 جىلى اۆتوموبيل قوزعالىسىنىڭ جىلدامدىعىن 10-20 كيلومەترگە ارتتىرعانى ءۇشىن ايىپپۇل 5 اەك نەمەسە 18 460 تەڭگە.

جىلدامدىقتى ساعاتىنا 20-40 كيلومەترگە ارتتىرعانى ءۇشىن 10 اەك نەمەسە 36 920 تەڭگە مولشەرىندە ايىپپۇل, ساعاتىنا 40 شاقىرىمنان اسىرعانى ءۇشىن 20 اەك نەمەسە 73 840 ايىپپۇل سالىنادى.

اكىمشىلىك جازا قولدانىلعاننان كەيىن ءبىر جىل ىشىندە جىلدامدىقتى قايتا ارتتىرۋ 30 اەك نەمەسە 110 760 تەڭگە ايىپپۇلمەن جازالانادى.

اۆتوكولىكتى باسقارۋعا قۇقىعى جوق جۇرگىزۋشىگە كولىك تىزگىندەگەنى ءۇشىن 20 اەك نەمەسە 73 840 تەڭگە ايىپپۇل سالىنادى.

كولىك قۇرالىن باسقارۋ قۇقىعىنان ايىرىلعاندار ءۇشىن كولىك جۇرگىزۋ 50 اەك نەمەسە 184 600 تەڭگە ايىپپۇل سالىنادى نە 20 تاۋلىككە قاماۋعا الىنادى.

جول بەلگىلەرىمەن نەمەسە جولدىڭ ءجۇرۋ بولىگىن بەلگىلەۋمەن بەلگىلەنگەن تالاپتاردى ساقتاماعانى ءۇشىن ايىپپۇل 11 076 تەڭگە.

باعدارشامنىڭ تىيىم سالۋ بەلگىسىنە نەمەسە رەتتەۋشىنىڭ تىيىمىنا قاراماستان ءجۇرۋ 10 اەك نەمەسە 36 920 تەڭگە ايىپپۇل سالۋعا اكەپ سوعادى.

قۇقىق بۇزۋشىلىقتى قايتالاسا, 15 اەك نەمەسە 55 380 تەڭگە تولەيدى.