استانادا "؛سارىعا"؛ وتكەن كولىكتەرگە 340 ميلليون تەڭگە ايىپپۇل سالىنعان

ناۋرىزدا استانا پوليسياسى تۇرعىندارعا باعدارشامنىڭ سارى تۇسىنە وتۋگە تىيىم سالىنعانىن ەسكە سالدى. زاڭبۇزۋشىلىقتى كامەرالار اۆتوماتتى تۇردە تۇسىرە باستادى.

دەگەنمەن, كوپتەگەن جۇرگىزۋشى ءالى كۇنگە دەيىن "سارىعا" ءوتىپ جانە ايىپپۇل الىپ ءجۇر.

"شىنىمدى ايتسام, ءالى ۇيرەنە الماي جاتىرمىن. وسى ۋاقىتقا دەيىن سارى تۇسكە وتۋگە بولاتىن جانە ول ءۇشىن ەشقانداي جازا بولمادى. ءبىراق ءقازىر ەرەجە وزگەردى جانە بۇل ۇيرەنشىكتى بولماي جاتىر. مەن ونى وسى ۋاقىتقا دەيىن ءبىر رەت عانا بۇزدىم. ءبىراق, كەلىسەمىن, ەنگىزىلگەنى دۇرىس بولدى", - دەپ مويىندادى استانالىق جۇرگىزۋشى سەرگەي.

ايتا كەتۋ كەرەك, ءقازىردىڭ وزىندە استانانىڭ بارلىق دەرلىك قيىلىستارى باعدارشامنىڭ تىيىم سالىنعان تۇسىنە وتكەن كولىكتەردى اۆتوماتتى تۇردە انىقتايدى. ءبىر جىل ىشىندە قايتالاپ جاسالعان قۇقىق بۇزۋشىلىق ءۇشىن 15 اەك (55 380 تەڭگە) كولەمىندە ايىپپۇل قاراستىرىلعان.

تىلشىنىڭ رەسمي ساۋالىنا جاۋاپ بەرگەن استانا پوليسيا دەپارتامەنتى تىركەۋ ەنگىزىلگەننەن بەرى قالادا ؛13 مىڭ 200-دەن ؛استام زاڭبۇزۋشىلىق تىركەلگەنىن حابارلادى.

"3 ناۋرىزدان باستاپ "سەرگەك" اپپاراتتىق-باعدارلامالىق كەشەندەرىنىڭ جۇمىسىنا مۇنداي زاڭبۇزۋشىلىقتاردى تىركەۋ ەنگىزىلدى. وسى كەزەڭنەن بەرى باعدارشامنىڭ سارى تۇسىنە وتكەندەر 13 مىڭ 200-دەن استى, جالپى سوماسى ؛343 ميلليون 300 مىڭ تەڭگە ؛بولادى.

سونداي-اق, استانادا وسى وزگەرىس ەنگىزىلگەننەن بەرى جول-كولىك وقيعالارىنىڭ سانى ازايعانىن حابارلايمىز (جاراقاتپەن ءبىر عانا جكو تىركەلدى)", - دەپ حابارلايدى استانا جول پوليسياسى.