استاناسىن شىعىس يەرۋساليم دەپ بەلگىلەپ, پالەستينا مەملەكەتىن قۇرۋ كەرەك – توقاەۆ

اقوردانىڭ مالىمەتىنشە, مەملەكەت باسشىسى زاڭ شىعارۋ ورگاندارىنىڭ سپيكەرلەرىنە ءىلتيپات بىلدىرە وتىرىپ, رەسەيدىڭ ۇقشۇ پارلامەنتتىك اسسامبلەياسىنا تۇراقتى مارتەبە بەرۋ تۋرالى ۇسىنىسىن قولدايدى.
پرەزيدەنت باسقا ەلدەردىڭ دەلەگاسيالارىن وسى باستامانى قولداۋعا شاقىردى.

قاسىم-جومارت توقاەۆ پارلامەنتارالىق ديالوگ مەملەكەتارالىق بايلانىستاردى نىعايتۋ ىسىندە ماڭىزدى ءرول اتقاراتىنىن اتاپ ءوتتى.

&ldquo؛بۇگىنگى كەزدەسۋ حالىقارالىق احۋال تىم شيەلەنىسكەن جاعدايدا ءوتىپ وتىر. گەوساياسي تەكەتىرەس ورشىگەن كەزدە وڭىرلىك قاۋىپسىزدىككە تونەتىن قاۋىپ-قاتەردىڭ اۋقىمى دا ايتارلىقتاي وزگەردى. الەمدەگى قاقتىعىس ءقاۋىپتى دەڭگەيگە جەتتى. اسىرەسە, تاياۋ شىعىستاعى احۋال قاتتى الاڭداتادى. گازا سەكتورىندا كۇن سايىن جۇزدەگەن ادام قازا تاۋىپ, جاراقات الىپ جاتىر. ولاردىڭ اراسىندا قاراپايىم ازاماتتار, ايەلدەر مەن بالالار بار. ميلليوننان استام بەيبىت تۇرعىن قيىن جاعدايعا تاپ بولدى. بارلىق نەگىزگى حالىقارالىق ۇيىمدار پالەستيناداعى گۋمانيتارلىق احۋالدى مۇشكىل دەپ اتادى. شىن مانىندە, اپاتتى جاعداي شەگىنە جەتۋگە تاياپ قالدى&rdquo؛, &ndash؛ دەدى پرەزيدەنت.