20 مامىر, 2024 news
فوتو: reuters/wana news agency
يران پرەزيدەنتى ؛يبراحيم رايسي ؛ مىنگەن تىكۇشاق اپاتقا ۇشىراپ, بۇكىل ەكيپاج قازا تاپتى. بورتتا ەل پرەزيدەنتىمەن قاتار سىرتقى ىستەر ءمينيسترى حوسەين امير ابدوللاحيان, شىعىس ازەربايجان وبلىسىنىڭ گۋبەرناتورى مالەك راحماتي جانە تابريز قالاسىنىڭ جۇما يمامى موحامماد الي الە حاشەم بولعان. بۇل تۋرالى ؛يراننىڭ قىزىل جارتى اي قوعامىنىڭ باسشىسى پير حوسسەين كوليۆاند مالىمدەدى.
"قۇلاعان تىكۇشاقتىڭ ورنالاسقان جەرى انىقتالعان كەزدە, تىكۇشاق جولاۋشىلاردىڭ تىرشىلىك بەلگىلەرى تابىلمادى", - دەدى ول irib تەلەارناسىندا.
بۇعان دەيىن باق يران پرەزيدەنتى مىنگەن تىكۇشاق جوعالىپ كەتكەنىن حابارلاعان بولاتىن. ساياساتكەرلەر كورشىلەس ازەربايجاندا سۋ بوگەتىن اشۋ سالتاناتىنا قاتىسىپ, ەلگە قايتىپ كەلە جاتقان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر