الماتىدا ءبىرقاتار كوشەگە تانىمال تۇلعالاردىڭ ەسىمى بەرىلەدى

قالانىڭ بىرنەشە اۋدانىندا ورنالاسقان اتاۋى جوق كوشەلەرگە كورنەكتى تۇلعالاردىڭ ەسىمدەرى بەرىلەدى. ياعني, وندا الاتاۋ اۋدانى «؛نۇركەنت»؛ شاعىناۋدانىنداعى № 1 جوبالىق اتاۋى بار كوشەگە ادنان مەندەرەستىڭ ەسىمى بەرىلەتىنى جازىلعان. بوستاندىق اۋدانى «؛ەرمەنساي»؛ شاعىناۋدانىنداعى № 2 جوبالىق اتاۋى بار كوشەگە جاقسىلىق ۇشكەمپىروۆتىڭ ەسىمى, № 4 جوبالىق اتاۋى بار كوشەگە قارشىعا احمەدياروۆتىڭ, № 5 جوبالىق اتاۋى بار كوشەگە شولپان جانداربەكوۆانىڭ ەسىمدەرى بەرىلەدى.

بوستاندىق اۋدانى «؛نۇرالاتاۋ»؛ شاعىناۋدانىنداعى № 12 جوبالىق اتاۋى بار كوشە عازيزا جۇبانوۆا كوشەسى, № 13 جوبالىق اتاۋى بار كوشە كاكىمبەك سالىقوۆ كوشەسى دەپ اتالماق. سول سياقتى, بوستاندىق اۋدانى «؛نۇرلىتاۋ»؛ شاعىناۋدانىنداعى № 6 جوبالىق اتاۋى بار كوشە روزا جامانوۆا كوشەسى دەپ اتالادى. مەدەۋ اۋدانىنداعى № 2 جوبالىق اتاۋى بار كوشەگە تيموفەي سەدەلنيكوۆتىڭ ەسىمى, № 7 جوبالىق اتاۋى بار كوشەگە ءماشھۇر ءجۇسىپتىڭ ەسىمى تاڭىلادى. مەدەۋ اۋدانى «؛الاتاۋ»؛ شاعىناۋدانىنداعى №14 جوبالىق اتاۋى بار كوشە لەۆ گۋميلەۆ كوشەسى دەپ اتالماق.

الماتى قالاسى ءماسليحاتىنىڭ تۇراقتى كوميسسياسىنىڭ جانە الماتى قالاسىنىڭ ونوماستيكالىق كوميسسياسىنىڭ, رەسپۋبليكالىق ونوماستيكالىق كوميسسيانىڭ وڭ قورىتىندىلارى قابىلداندى.

قۇجات 27 ساۋىرگە دەيىن قوعامدىق تالقىلاۋ ءۇشىن «؛اشىق نقا»؛ ۆەب-سايتىندا جاريالاندى.