13 مامىر, 2024 بارلىق ايماقتار
جۇمىسسىزدار تاسقىننان زارداپ شەككەن وڭىرلەرگە جۇمىسقا ورنالاسا الادى
ەڭبەك جانە حالىقتى الەۋمەتتىك قورعاۋ مينيسترلىگى «بىرگە سالايىق!» اتتى جۇمىسسىز ازاماتتاردى سۋ تاسقىنىنان زارداپ شەككەن وڭىرلەردە تۇرعىن ءۇي سالۋ جانە ينفراقۇرىلىمدى قالپىنا كەلتىرۋ جۇمىستارىنا جۇمىسقا ورنالاستىرۋ بويىنشا جوباسىنا باستاما جاسادى,- دەپ حابارلايدى qamshy.kz اقپارات اگەنتتىگى baq.kz-كە سىلتەمە جاساپ.
![](/media/2024/05/13/crop-20_11_539x959_photo_467085.jpeg?width=600&height=480)
فوتو: massaget
قۇرىلىس كومپانيالارى ۇسىناتىن بوس جۇمىس ورىندارىن ەلەكتروندىق ەڭبەك بيرجاسىنان كورۋگە بولادى.
ەحاقم ەڭبەك رەسۋرستارىن دامىتۋ ورتالىعى «؛بىرگە سالايىق!»؛ جوباسى شەڭبەرىندە ازاماتتاردى جۇمىسقا ورنالاستىرۋدى سۇيەمەلدەۋ جونىندەگى ارنايى پلاتفورما ازىرلەدى. بۇل enbek.kz ەلەكتروندىق ەڭبەك بيرجاسىنداعى جاڭا مودۋل بولادى, وسىندا جۇمىسقا ورنالاسۋعا جانە وڭىرلەرگە تۇرعىن ءۇي قورى مەن ينفراقۇرىلىمدى قالپىنا كەلتىرۋگە كومەكتەسۋگە نيەت بىلدىرگەن كەز كەلگەن ادام بوس ورىندارمەن تانىسىپ, وزىنە ۇناعان كەز كەلگەنىنە ىنتا ءبىلدىرىپ, اڭگىمەلەسۋدەن وتە الادى. قازىرگى ۋاقىتتا پلاتفورمادا 42 بوس جۇمىس ورنى بار.
بۇل جوبانىڭ ماڭىزدىلىعى سول, ءبىز جۇمىس تابۋعا جانە سۋ تاسقىنىنان زارداپ شەككەن وڭىرلەردى قالپىنا كەلتىرۋگە قاتىسۋعا نيەت بىلدىرگەن ءاربىر ادامدى جەدەل جۇمىسقا ورنالاستىرۋ ءۇشىن سيفرلىق ورتانى قامتاماسىز ەتەمىز. قازىرگى ۋاقىتتا ءبىز جۇمىس بەرۋشىلەر بازاسىن جانە بوس جۇمىس ورىندارىن تولىقتىرۋمەن اينالىسۋدامىز. وڭىرلەر ءۇشىن كىم-كىمنىڭ دە قاتىسۋى وتە ماڭىزدى, ويتكەنى, ءقازىر بىلىكتى ماماندار دا, بەيىندى ءبىلىمى جوق ماماندار دا قاجەت ەكەنىن ايتا كەتۋ كەرەك, &ndash؛ دەپ اتاپ ءوتتى ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا.
ەڭبەك جانە حالىقتى الەۋمەتتىك قورعاۋ مينيسترلىگى قازاقستاندىقتاردى جوباعا قاتىسۋعا جانە زارداپ شەككەن وڭىرلەردى قالپىنا كەلتىرۋگە ءوز ۇلەستەرىن قوسۋعا شاقىرادى!
ەستەرىڭىزگە سالا كەتەيىك, سۋ تاسقىنى سالدارىنان اقمولا, اقتوبە, اتىراۋ, باتىس قازاقستان, قوستاناي, پاۆلودار, سولتۇستىك قازاقستان وبلىستارىنىڭ تۇرعىندارى مەن ينفراقۇرىلىمى زارداپ شەكتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر