فوتو: الماتى قالاسى اكىمدىگى
ەكونوميست زامير قاراجانوۆ وتكەن جىلى الماتى قالاسى ەكونوميكاسىنىڭ دامۋىنا ءوز باعاسىن بەردى. ماماننىڭ ايتۋىنشا, وتكەن جىلدىڭ قورىتىندىسى بويىنشا الماتى جوعارى ەكونوميكالىق ناتيجە كورسەتتى. بۇل مەگاپوليستىڭ دامۋىىڭ جالعاسىپ جاتقانىن, قالانىڭ ەكونوميكالىق الەۋەتىنىڭ ساقتالعانىن كورسەتەدى.
ايتا كەتەرلىگى, 2023 جىلى الماتى قالاسىنىڭ جالپى وڭىرلىك ءونىمى ناقتى ماندە 10,1% - عا ۇلعايىپ, 24,8 ترلن تەڭگەنى قۇرادى, بۇل سوڭعى 10 جىلداعى رەكوردتىق كورسەتكىش بولىپ تابىلادى. ەكونوميكانى دامىتۋدىڭ درايۆەرلەرى وڭدەۋ ونەركاسىبى (+17,5%), ساۋدا (+14,5%), قارجى جانە ساقتاندىرۋ قىزمەتى (+12,0%), اقپارات جانە بايلانىس (+11,3%), جىلجىمايتىن مۇلىكپەن وپەراسيالار (+6,9%), كولىك جانە قويمالاۋ (+5,7%) بولدى. ساراپشى قالا رەسپۋبليكالىق بيۋدجەت دونورلارىنىڭ ءبىرى بولىپ تابىلاتىنىن اتاپ ءوتتى. بۇگىنگى تاڭدا الماتىنىڭ قازاقستان ەكونوميكاسىنداعى ۇلەسى شامامەن 20% -دى قۇرايدى جانە بۇل ايتارلىقتاي ەلەۋلى كورسەتكىش. ءقازىر قالادا قۇرىلىس, ساۋدا جانە قىزمەت كورسەتۋ سالالارى بەلسەندى دامىپ كەلەدى.
«؛الماتىدا ەلىمىزدىڭ شاعىن جانە ورتا بيزنەسىنىڭ وزەگى شوعىرلانعان. وسى كاسىپورىنداردىڭ سانى بويىنشا قالا رەسپۋبليكادا باسقالاردان وزىپ تۇر. بۇل الماتىنىڭ ودان ءارى دامۋىن ايقىندايتىن بولادى. شاعىن جانە ورتا بيزنەس وتە يكەمدى, تەز قايتا قۇرىلادى جانە قاجەت بولعان جاعدايدا جاڭا جاعدايلارعا بەيىمدەلەدى, ياعني وسىلايشا ءوزىنىڭ باسەكەگە قابىلەتتىلىگىن, تۇراقتىلىعىن ساقتايدى. ول ءداستۇرلى تۇردە جۇمىس ورىندارىن اشادى جانە بۇل ادەتتە وتباسىلىق بيزنەس. ونىڭ ۇلەسى تەك قىزمەتتەر مەن ساۋدا سالاسىندا عانا ەمەس, سونىمەن قاتار ستارتاپتار مەن باسقا دا سالالاردا وسكەنىن قالايمىن. سونىمەن قاتار, قالادا ءبىلىمدى حالىقتىڭ ۇلەسى جوعارى, جوعارى وقۋ ورىندارىنىڭ سانى كوپ, دامۋ دەڭگەيى جوعارى سالالار ءۇشىن كادرلار دايارلاۋ جۇرگىزىلۋدە»؛, - دەدى زامير قاراجانوۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر