قما ءتوراعاسى "؛اتامەكەن"؛ ۇكپ باسشىسىمەن كەزدەسىپ, ءوزارا ىنتىماقتاستىق تۋرالى كەلىسىمگە كەلدى

قما ءتوراعاسىنىڭ "اتامەكەن" ۇكپ وكىلدەرىمەن جانە كاسىپكەرلەردىڭ قۇقىقتارىن قورعاۋ جونىندەگى ۋاكىلمەن كەزدەسۋى ءوتتى, ونىڭ بارىسىندا 2024 جىلعا ارنالعان ءوزارا ىنتىماقتاستىق تۋرالى ءۇشجاقتى كەلىسىمگە قول قويىلدى.  ؛

قارجىلى مونيتورينگ اگەنتتىگىنىڭ ءتوراعاسى دميتريي مالاحوۆ اگەنتتىك ادال بيزنەستى قورعاۋ بويىنشا جۇيەلى جۇمىس جۇرگىزىپ جاتقانىن اتاپ ءوتتى.

بۇگىنگى تاڭدا قىلمىستىق ىستەردى جاپپاي تىركەۋ الىنىپ تاستالدى, ونىڭ ۇلەسى 40%-عا تومەندەدى. ىستەردىڭ 80%-دان استامى ەلەكتروندى فورماتتا تىركەلەدى.

"قىلمىستىق ىستەر بويىنشا كاسىپكەرلەردى شاقىرۋ ءۇردىسى بويىنشا كەلىسۋ الگوريتمى ەنگىزىلدى. ناتيجەسىندە كاسىپكەرلەردى كۋاگەر رەتىندە شاقىرۋ سانى 40%-عا تومەندەدى", - دەدى دميتريي مالاحوۆ.

وز كەزەگىندە "اتامەكەن" ۇكپ ءتوراعاسى رايىمبەك باتالوۆ قما-عا بيزنەستى قورعاۋداعى ۇستانىمى ءۇشىن العىسىن ءبىلدىردى, ويتكەنى قىلمىستىق پروسەسكە تارتۋ كاسىپكەرلەر ءۇشىن ۋاقىت پەن ماتەريالدىق شىعىندارعا الىپ كەلەدى.

ر.باتالوۆ ەكونوميكالىق قىلمىستاردى ودان ءارى قىلمىسسىزداندىرۋ جانە كاسىپكەرلەردىڭ قۇقىقتارىن قورعاۋدى كۇشەيتۋ جونىندەگى قما قىزمەت باعىتىن, ونىڭ ىشىندە زاڭ جوباسىن ازىرلەۋ كەزىندە اگەنتتىك قولداعان ۇكپ ۇسىنىستارى كولەڭكەلى ەكونوميكانىڭ وسۋىنە ىقپال ەتپەي, مەملەكەت پەن بيزنەس مۇددەلەرىنىڭ تەپە-تەڭدىگىن ساقتاۋعا مۇمكىندىك بەرەتىنىن اتاپ ءوتتى.

كاسىپكەرلەردىڭ قۇقىقتارىن قورعاۋ جونىندەگى ۋاكىل قانات نۇروۆ بارلىق تاراپتاردىڭ ورتاق ماقساتى كاسىپكەرلىكتى قورعاۋ ەكەنىن اتاپ ءوتتى. ول كەزدەسۋ بارىسىندا تانىستىرىلىعان قما جۇمىسىنىڭ الگوريتمدەرى كولەڭكەلى ەكونوميكامەن كۇرەستە ماڭىزدى بۋىن بولىپ تابىلاتىنىن اتاپ ءوتتى.

دميتريي مالاحوۆ قما اۋماقتىق دەپارتامەنتتەرىنىڭ باسشىلارىنا مەملەكەت باسشىسىنىڭ "ەكونوميكانى ليبەراليزاسيالاۋجونىندەگى شارالار تۋرالى" جارلىعىنىڭ ساپالى ورىندالۋىن قامتاماسىز ەتۋدى تاپسىردى.

اتاپ ايتقاندا, تەرگەۋ ارەكەتتەرىن جۇرگىزۋ كەزىندە كاسىپكەرلەردىڭ قۇقىقتارى مەن مۇددەلەرىنىڭ بۇزىلۋىنا جول بەرمەۋ, شاعىمدانۋ ءراسىمى كەزىندە, سونداي-اق ەسەپتەلگەن سالىق سومالارىن تولىق ەرىكتى تۇردە وتەۋ كەزىندە, مەملەكەتتىك ورگاننىڭ نەمەسە سوتتىڭ شەشىمى كۇشىنە ەنگەنگە دەيىن قىلمىستىق ىستەردى تىركەۋ كەزىندە تىيىم سالۋدى تاپسىردى.

كەزدەسۋ سوڭىندا تاراپتار كاسىپكەرلەردىڭ قۇقىقتارىن قورعاۋعا جانە بيزنەس سۋبەكتىلەرىن قىلمىستىق قۋدالاۋ وربيتاسىنا نەگىزسىز تارتۋدان قورعاۋعا باعىتتالعان ءوزارا ىنتىماقتاستىق تۋرالى ءۇشجاقتى كەلىسىمگە قول قويدى.

قۇجات ەلدەگى كاسىپكەرلىكتىڭ ءوسۋى مەن ودان ءارى دامۋى ءۇشىن ينستيتۋسيونالدىق نەگىزدى قالىپتاستىرۋ بويىنشا بىرلەسكەن جانە كەلىسىلگەن ءىس-قيمىلداردى جەتىلدىرۋگە باعىتتالعان.