فوتو: ۆيدەودان كادر
ايەلىن ءولتىردى دەگەن ايىپپەن سوتتالىپ جاتقان ەكس-مينيستر قۋاندىق بيشىمباەۆتىڭ اتا-اناسى رەسەيلىك بلوگەر ناتاليا گرەيسكە سۇحبات بەردى.
بلوگەر ءوز سوزىندە سالتانات نۇكەنوۆانىڭ اعاسىن "اپكەسىنىڭ ءولىمىن كوممەرسيالىق ماقساتتا پايدالانىپ ءجۇر" دەپ ايىپتاپ, بيشىمباەۆتىڭ اتا-اناسى كولەڭكەدە قالىپ قويعانىن ايتادى. ؛ ؛
سۇحباتتا ەكس-مينيستردىڭ اناسى الميرا بيشىمباەۆا ۇلىن "انا رەتىندە قولىنان كەلگەنشە قورعاپ جۇرگەنىن" ايتىپ, كوزىنە جاس الدى.
"قۋاندىق سالتاناتتى ادەيى ءولتىردى دەگەنگە كەلىسپەيمىن. ول سالتاناتتى قاتتى جاقسى كورەتىن, وتباسى بولىپ كەتۋ ءۇشىن بارىن جاسايتىن. قۋاندىق وتە مەيىرىمدى, قامقور ادام. سالتاناتتىڭ اتا-اناسىن تۇسىنەمىن. مۇنداي نارسەنى ەشكىمگە تىلەمەيمىن. ۇلىمدى وتە قاتتى جاقسى كورەمىن, ۇلىمىزبەن ماقتانامىز. ءبىراق وسىنداي جاعداي بولىپ قالدى. نەگە بۇلاي بولعانىن اكەسى ەكەۋىمىز دە تۇسىنە المادىق. قۋاندىق بالا كۇنىنەن وزىنە جاۋاپكەرشىلىك الا الاتىن ادام بولاتىن. ۇنەمى ءبىز ءۇشىن الاڭداپ, قامقورلىق كورسەتىپ جۇرەتىن" - دەپ مالىمدەدى. ؛
ال ەكس-مينيستردىڭ اكەسى ؛ۋاليحان بيشىمباەۆ "وتباسى بولعان سوڭ ۇرىس-كەرىس بولاتىن, ءبىراق بالالارىما دا, جۇبايىما دا قول كوتەرگەن ەمەسپىن. بۇل ءبىزدىڭ وتباسىمىزعا جات دۇنيە" دەدى. سونىمەن قاتار, ۇلىنىڭ ارەكەتىنە قاتىستى دا ءوز ويىن ايتتى. ؛
"قۋاندىق كىنالى, ول جازالانۋى كەرەك. ءبىز ءۇشىن بۇل ۇلكەن تراگەديا. سەبەبى سالتانات تا ءبىزدىڭ وتباسىمىزدىڭ مۇشەسى. وعان ءوز قىزىمىزداي قارايتىنبىز" &ndash؛ دەپ مالىمدەدى ءۋاليحان بيشىمباەۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر