"؛وتىرىكتەن ابدەن شارشادىم"؛. جەتىبايداعى مۇنايشىلار ەرەۋىلى نە بولىپ جاتىر؟

ماڭعىستاۋ وبلىسى جەتىباي كەنتىندە west oil software كومپانياسىنىڭ جۇمىسشىلار ەرەۋىلدەتىپ جاتقانىنا 75 كۇن بولدى. مۇنايشىلار جۇمىستاعى تۇراقتىلىقتى قامتاماسىز ەتۋ ءۇشىن كومپانيانى "قازمۇنايگاز" قۇرىلىمىنا قوسۋدى, ەسوت جۇيەسىنە سايكەس جالاقىنى تەڭەستىرۋدى, تەحنيكانى جاڭارتۋدى تالاپ ەتەدى. وسى ۋاقىتقا دەيىن ەرەۋىلشىلەرمەن ءارتۇرلى دەڭگەيدە كەلىسسوز جۇرگەنىمەن, ەكى تاراپ ىمىراعا كەلە الماعان. ال كەشە «؛قازمۇنايگاز»؛ ۇلتتىق كومپانياسى جۇمىستىڭ تۇراقتىلىعىنا, جالاقى ماسەلەسى مەن تەحنيكالاردى جاڭارتۋ جايىن ءسوز ەتكەن مالىمدەمە جاساپ, مۇنايشىلاردى جۇمىسقا شىعۋعا شاقىردى.

قمگ مۇناي سەرۆيسى دەپارتامەنتىنىڭ ديرەكتورى جاسۇلان بالۋانوۆتىڭ ايتۋىنشا, ۇزاققا سوزىلعان ەرەۋىل west oil software مەكەمەسىنە عانا شىعىن كەلتىرىپ قويماي, جەتىباي كەن ورنىندا مۇناي ءونىمىن جوعالتۋعا بايلانىستى «؛ماڭعىستاۋمۇنايگاز»؛ اق-عا قوماقتى كولەمدە زالال كەلتىرگەن.

«؛قازىرگى ۋاقىتتا ونىڭ سوماسى 1 ملرد 320 ملن تەڭگەنى قۇراپ, وندىرىسكە جانە تاپسىرىس بەرۋشىلەردىڭ قارجىلىق جاعدايىنا زيانىن تيگىزىپ وتىر»؛ دەيدى ول.

جاسۇلان بالۋانوۆ «؛قازمۇنايگاز»؛ كومپانيانىڭ كەن ورىندارىندا قىزمەت كورسەتەتىن مەردىگەر ۇيىمداردا ەڭبەك ەتەتىن جۇمىسشىلاردىڭ تۇراقتىلىعى مەن ەڭبەك جاعدايىنا ەرەكشە نازار اۋداراتىنىن اتاپ ءوتتى.

 ؛

 ؛

ازاتتىق راديوسى نارازىلاردىڭ بىرىنەن مالىمدەمەگە بايلانىستى ء"قازىر ءوزارا تالقىلاپ, اقىلداسىپ, سوسىن جاۋابىمىزدى ايتامىز, ءبىراق تالاپتارىمىز سول كۇيى قالادى" دەگەن جاۋاپ العانىن جازدى.

مۇنايشىلار نارازىلىعى باستالعان 75 كۇندە ەرەۋىلشىلەر سانى بىردە ارتىپ وتىرسا, بىردە كەرىسىنشە كەمىپ, جۇمىسىنا ورالعاندار دا بار. بۇگىن ماڭعىستاۋ وبلىسىنداعى جەرگىلىكتى lada.kz, mangystaumedia.kz سايتتارىندا ەرەۋشىلەرمەن بىرگە 50 كۇننەن استام ۋاقىت الاڭدا تۇردىم دەگەن انونيم مۇنايشىنىڭ سۇحباتى شىقتى. ماتەريالدا سۇحبات بەرۋشى نارازىلىققا شىعۋدان باس تارتقاندار قىسىمعا ۇشىراپ وتىرعانىن جەتكىزىپ, ءاتى-جونىن قۇپيا قالدىرۋدى وتىنگەنى ايتىلعان. ءبىراز نارسە ءسوز بولعان سۇحبات تومەندە تولىق نۇسقادا ۇسىنىلىپ وتىر.

لادا: ءسىز جۇمىسقا قايتا ورالعان ەكەنسىز. وتباسىڭىز بۇل شەشىمگە ريزا شىعار؟

west oil جۇمىسشىسى: ءيا, شۇكىر, ارينە, ريزا. اسىرەسە بالالار جاعى.

لادا: ءسىز بارىمەن بىرگە نارازىلىق اكسياسىنا قاتىستىڭىز. ءسىز ەرەۋىلدە قانشا كۇن تۇردىڭىز؟

west oil جۇمىسشىسى: ەلۋ كۇننەن ارتىق تۇردىم. ەشتەڭە شەشىلمەدى. ادامداردى سول جەردە الداپ, الدەنەنى جاسىرعانداي كورىندى. سودان كەيىن ەشكىمدى تىڭداماي جۇمىسقا شىقتىم.

لادا: ءسىز ادامداردى الدادى دەپ وتىرسىز. قالاي الدادى؟ كىم؟

west oil جۇمىسشىسى: ول جەردە بەلسەندىلەر بار, كۇندە ءبىر وتىرىگىمەن ءبارىن تويدىرىپ جۇرەدى.

لادا: بەلسەندىلەر؟ ولار قانشا ادام؟

west oil جۇمىسشىسى: ناقتى پالەن ادام دەپ ايتا المايمىن. جوبامەن 10 شاقتى ادام بار.

لادا: قازىرگى ۋاقىتتا قانشا ادام جەتىبايدا نارازىلىق اكسياسىنا قاتىسىپ جاتىر؟

west oil جۇمىسشىسى: (اۋىر كۇرسىندى, رەد.) ءقازىر جوبامەن 110 ادام جۇمىسقا شىقتى, ودان باسقا ۇيىندە وتىرىپ, جۇمىسقا كەلمەي وتىرعان ادامدار بار. ول جەردە قانشا ادام بار ەكەنىن ناقتى تاپ باسىپ ايتا المايمىن. جوبالاپ ايتسام, 150-200 ادام بار بولۋى كەرەك.

لادا: ءسىز بۇل نارازىلىققا قالاي شىققانىڭىزدى ايتىپ بەرىڭىزشى. ءوزىڭىز ايتقان 10 بەلسەندىنىڭ ىشىندە قايسىسى ءسىزدى نارازىلىققا قاتىسۋعا شاقىردى؟

west oil جۇمىسشىسى: نەگىزىنەن ولار 14 قاراشادا شىعاتىنىمىزدى ايتتى. ءبىراق ءبىز 11 جەلتوقساننان باستاپ الاڭدا تۇردىق. ول جاعىن ءوزىم قاتتى بىلمەيمىن. بىرگە جۇمىس ىستەگەن سوڭ كوپپەن بىرگە ءبىز دە قالماي شىقتىق.

لادا: ءسىز سول كوپتىڭ اراسىندا بولدىڭىز عوي؟ سولاي ەمەس پە؟

west oil جۇمىسشىسى: ءيا, كوپشىلىكپەن بىرگە سول جەردە تۇردىم. وتىرىكتىڭ كوپ بولعانى سونشا, ەڭ سوڭىندا جۇمىسقا قايتا شىعۋدان باسقا جول جوعىن ءتۇسىندىم. سولاي ىستەگەندە عانا ءبارى دۇرىس بولارىن ۇقتىم. ءالى كۇنگە دەيىن كوپشىلىگى سول جەردە. ادامداردى الداپ الاڭدا ۇستاپ وتىر.

لادا: سوندا قالاي, نە دەپ ايتادى؟ ادامدار ولارعا قالاي سەنەدى؟

west oil جۇمىسشىسى: ەندى, سەنەتىندەر بار&hellip؛

لادا: سوندا نە دەپ ايتادى؟ نەلىكتەن كوپشىلىك ولارعا سەنەدى؟

west oil جۇمىسشىسى: ەندى, سەنگەندە ولار... بۇگىن 23 اقپان بولسا, 1 ناۋرىزعا دەيىن ءبارى شەشىلەدى. كۇتەيىك, از عانا قالدى, اناۋ-مىناۋ دەيدى. قىسقاسى, الداي بەرەدى.

لادا: سوندا نە ماسەلە شەشىلۋى كەرەك؟ بارلىعىن "قازمۇنايگازعا" اۋىستىرادى دەپ پە

 ؛west oil جۇمىسشىسى: ءيا, ولار ءبارىمىزدى "قازمۇنايگازعا" الادى. ياعني, "ماڭعىستاۋمۇنايگازدىڭ" ترانسپورتتىق كومپانياسى بولامىز دەيدى. قالاي ايتىلاتىن ەدى؟ وتك - سول جاققا ءبارىمىزدى الادى دەگەندى ايتادى. تىڭداي بەرسەڭ باسىڭ اينالادى.

لادا: ءسىز جوعارىدا بەلسەندىلەر تۋرالى ايتتىڭىز. ءسىزدىڭ ويىڭىزشا ولاردىڭ ماقساتى قانداي؟

west oil جۇمىسشىسى: ولاردىڭ ناقتى قانداي ويدا ەكەنىن ايتا المايمىن (كۇرسىندى). بۇعان دەيىن ءبىر كومپانيا بولاتىنى تۋرالى قاڭقۋ تارادى. اليانس دەدى مە ەكەن... ولار west oil كومپانياسىنىڭ ورنىن باسىپ, الگى بەلسەندىلەر سول جەردەگى باسشىلىق قىزمەتتەن ءۇمىتتى بولدى.

لادا: سوندا بەلسەندىلەر باسشىلىق قىزمەتتى الىپ, وزگەلەرى ورىنباسارى بولامىز دەگەن ويدا ءجۇردى مە؟ سولاي ما؟

west oil جۇمىسشىسى: ءيا, بىرەۋى ديرەكتور, ەكىنشىسى ورىنباسارى بولادى. جالپى, ونداعى ماقساتتار باسقاشا ەدى.

لادا: سىزدەر ەرەۋىلگە شىققان كەزدە كوپشىلىگىڭىز تىكەلەي ەفيردە بولدىڭىزدار, بەينە حابارلامالار جازىپ جاتتىڭىزدار. باق-پەن تىعىز بايلانىستا بولدىڭىز. مۇنىڭ ءبارىن كىم ۇيىمداستىردى؟ بەلسەندىلەر مە؟

west oil جۇمىسشىسى: ول جەردە تەك 7-8 بەلسەندى ەمەس. ولاردىڭ كومانداسى بار. ءبىز بىلمەيتىن ادامدار. مەن بەينەۇندەۋلەردىڭ ماتىندەرىن كىم جازاتىنىن ناقتى بىلمەيمىن, ءبىراق ەرەۋىلشىلەر ىشىندە مۇنداي سوزدەردى جازاتىن ساۋاتتى ادامدار جوق. بىلمەيمىن, ءبىراق قانداي دا ءبىر كۇش بار سياقتى. ماتىندەردى بىرەۋ جازىپ جىبەرەدى, ولار جاي عانا وقىپ وتىرادى.

لادا: ءبىز سىزدەردىڭ كاسىپورىننىڭ جانىنا شاتىر ورناتقىلارىڭىز كەلگەن بەينەجازبانى كوردىك, ءبىراق پوليسيا بۇل شاتىردى ورناتۋعا رۇقسات بەرمەدى. جالپى, وسىنداي ارەكەتتەردى جاساۋدى كىم باسقارىپ, شەشىم شىعارىپ وتىردى؟ مىسالى, شاتىر قويۋ كەرەك پە, جوق پا, ءبىز بەينە جازامىز نەمەسە جازبايمىز دەگەن ماسەلەلەردە&hellip؛

west oil جۇمىسشىسى: ول جەردە بەلسەندىلەردىڭ بارلىعى ءتۇرلى كۇشتەردىڭ قولداۋىنا يە سياقتى.

لادا: بەلسەندىلەر دەگەنىمىز - بۇلار west oil قىزمەتكەرلەرى مە؟

west oil جۇمىسشىسى: ءيا, ولار 2021 جىلدان بەرى بەلسەندى بولىپ شىعا كەلدى.

لادا: سىزدەرگە قولداۋ كورسەتۋ نەمەسە كەڭەس بەرۋ ءۇشىن سىرتتان كەلگەندەر بولدى ما؟

west oil جۇمىسشىسى: ءيا, «؛وزەنمۇنايگاز»؛ بجب-نىڭ جىگىتتەرى ءبىر رەت كەلدى, ونى بارلىعى بەينەجازبادان كورگەن شىعار. ولار باسىندا كەلدى. ءقازىر ەشكىم بۇلاي قولداۋ كورسەتپەيدى. العاشقى 20-30 كۇن بوي كەلىپ ءجۇردى. ءقازىر ەشكىم كەلمەيدى دە.

لادا: بەلسەندىلەر تاراپىنان ءسىز سياقتى جۇمىسقا قايتا ورالۋعا شەشىم قابىلداعان ادامدارعا ءقاۋىپ, قىسىم ءتوندى مە؟

west oil جۇمىسشىسى: ءيا. ولار جۇمىسقا ورالعىسى كەلەتىندەردىڭ كولىكتەرىنىڭ كىلتتەرىن الىپ الادى. ولار ۇيگە بار, ءبىراق ءماشىننىڭ كىلتىن قالدىرىپ كەت دەيدى.

لادا: سىزگە دە سولاي دەدى مە؟

west oil جۇمىسشىسى: جوق. ولار ماعان ولاي دەگەن جوق. ويتكەنى مەن ولاردىڭ ايتقانىنا كونگەم جوق. مەن كەلەتىنىمدى نەمەسە كەلمەيتىنىمدى ءوزىم شەشەمىن. ءبىراق بەلسەندىلەردەن قورقاتىندار بار, ولار وزدەرى ءۇشىن تۇرا المايدى.

لادا: ولار كىلتتەن بولەك باسقا نەنى تارتىپ الدى؟ نەمەن قورقىتتى؟

west oil جۇمىسشىسى: بىلمەيمىن. ولار كوبىنەسە كىلتتەرىن تارتىپ الاتىن. جانە مۇنى ەشكىمگە جىمىن بىلدىرمەي جاسايدى. بەلسەندىلەر "اعايىن, كولىكتى بىزگە قالدىرىڭىزدار, ءبىزدىڭ ۇيىقتاۋىمىز كەرەك. سىزدەر تاڭەرتەڭ ءبارىبىر ورالاسىزدار", دەيدى. جاعداي وسىلاي بولدى.

لادا: ءسىز ءوزىم ءۇشىن جاۋاپ بەرە الام دەيسىز. اينالاڭىزداعىلارعا جۇمىسقا قايتا ورالايىق دەپ ايتتىڭىز با؟

west oil جۇمىسشىسى: مەن ولارعا تالاي ايتتىم. تۇرا بەرۋدەن تۇك تە شىقپايدى دەپ. ءبىراق ەشكىم تىڭداعان جوق. ءتىپتى, قمگ-دان ارنايى وكىلدەر كەلىپ, كەلىسسوز جۇرگىزۋگە شاقىرعان كەزدە دە ءدال وسىلاي بولدى.

لادا: قالعاندارى جۇمىسسىز قالامىز دەپ قورىققان جوق پا؟

west oil جۇمىسشىسى: ولار جۇمىستان شىعاراتىنىنا سەنبەيدى. باسىندا 100 ادامعا جۇمىستان شىعارۋ تۋرالى حابارلاما جىبەردى. كەيىن 18 ادامدى جۇمىستان شىعاردى. ولار تۇرۋىن جالعاستىرا بەردى. قانداي جاعداي بولسا دا تۇرامىز دەپ وتىر. بۇل قاعازدار ەشتەڭە شەشپەيدى دەيدى.

لادا: ءسىز ەرەۋىلشىلەرگە بىرەۋ كومەكتەسەدى دەدىڭىز. ولارعا ءماتىندى جازىپ بەرەدى, تاعىسىن تاعىلار... ءسىز بۇل كومەكتى كىمدەر بەرەدى دەپ ويلايسىز؟

west oil جۇمىسشىسى: بىلمەيمىن. بايقاعانىم تەكست وتە ساۋاتتى ءارى ادەمى ەتىپ جازىلعان. قاتە اتىمەن جوق.

لادا: ول ءماتىندى كىمدەر وقيدى؟ بەلسەندىلەر مە؟

west oil جۇمىسشىسى: ساكەن ەسىمدى بەلسەندى وقىدى. تانا دەگەن تاعى بار. تاعى قۋانىش دەگەن بەلسەندى وقىپ ءجۇردى. ءبىراق قۋانىشتى بەدەلدى دەي المايمىن. ال ساكەن ول وتە ىقپالدى.

لادا: ەرەۋىلشىلەردىڭ تۋىستارى بۇعان قالاي قارايدى؟ ۇيگە قايتىڭدار, جۇمىسقا شىعىڭدار دەپ ايتپاي ما؟

west oil جۇمىسشىسى: ايتىپ جاتىر عوي, ءبىراق ولار تىڭدامايدى. ونداي اقىل ايتقان تۋىستارىمەن ءتىپتى تەلەفون ارقىلى سويلەسپەيدى. تەلەفوندارىن الماي قويادى. ولار سول جەردە تۇنەپ ءجۇر.

لادا: ءسىزدى ءقازىر نە مازالايدى؟ قانشا دەگەنمەن 50 كۇننەن ارتىق تۇردىڭىز عوي.

west oil جۇمىسشىسى: مەن سول جەردە 50 كۇننەن ارتىق تۇردىم. ەگەر ەشتەڭە شەشىلمەيتىنىن باسىندا بىلسەم, ول جەردە تۇرماس ەدىم. وكىنەمىن راسىمەن

لادا: 50 كۇن جۇمىسقا شىققان جوقسىز, وسى ۋاقىتتا نەسيەڭىزدى قالاي تولەدىڭىز؟

west oil جۇمىسشىسى: قارىزعا باتىپ, بىرەۋدەن اقشا الۋعا تۋرا كەلدى. جاعداي ناشارلادى, جالپى.

لادا: جۇمىسقا قايتا ورالۋعا قورقىنىش بولعان جوق پا؟

west oil جۇمىسشىسى: ءقازىر مەنىڭ جالاقىم بۇرىنعىداي, وزگەرىس جوق, سول مەكەمەدەمىن. ءبارى بۇرىنعىداي بولدى. جۇمىسىمدى جالعاستىرىپ جاتىرمىن. ەڭ باستىسى وتباسىم قۋانۋدا. ءوزىم دە ايلىق الام, قارىزىمدى تولەيمىن دەپ ىشتەي وزىمە قايتا ورالعانىما ريزا بوپ ءجۇرمىن. باسقالار دا جۇمىسقا ورالۋى كەرەك. سەبەبى, بارلىعىنىڭ بالالارى, وتباسى بار. كرەديتى بار دەگەندەي. نەگىزى جۇمىستارىنا قايتا ورالعىسى كەلەتىندەر بارشىلىق, ءبىراق ولار باسقالاردىڭ الدىندا ۇيات بولادى دەپ ءالى تۇر. باياعى ساسىق كوكىرەكتىك قو, باسقا دىمدا ەمەس.

لادا: ءبىرى قورقادى, تاعى ءبىرى ۇيالادى دەيسىز عوي؟

west oil جۇمىسشىسى: ءيا, قورقادى. سەبەبى, ولار, ەرەۋىلشىلەر, تۇبىندە جەڭىسكە جەتە مە دەپ ويلايدى. ماعان دا باستا سولاي ايتتى. ءبىراق مەن سەنگەم جوق, تىڭداماي جۇمىسقا شىقتىم.

لادا: ەرەۋىلشىلەر جۇمىسقا شىققاندارعا قالاي قارايدى؟

west oil جۇمىسشىسى: ەندى قالاي&hellip؛ نەشە ءتۇرلى ايتادى, ايەلدىڭ كيىمىن كيىپ جۇرىڭدەر, يۋبكا كيىڭدەر دەپ كەلەمەجدەگەندەر بولدى.

لادا: ەرەۋىلشىلەرگە ءبىراز ادام قوماقتى اقشا جيناعانىن بىلەمىز. ول اقشانىڭ جايى نە بولدى؟ سىزدەرگە جەتتى مە؟

west oil جۇمىسشىسى: جوق, قايدان, بىزگە بەرمەدى. تەك جالپىعا ورتاق تاماق الىندى. بۇل اقشا جيناۋمەن بەلسەندىلەر اينالىستى. مۇمكىن, وزدەرىنىڭ نەسيەسىن جاپقان شىعار. كىم بىلەدى؟! ول جەردە 20 ميلليون تەڭگەدەي اقشا جينالدى.

لادا: 20 ميلليون تەڭگە &mdash؛ بۇل وتە قوماقتى سوما. بارلىعىن حالىق جيناپ بەردى مە؟

west oil جۇمىسشىسى: مەكەمەلەر, كومپانيالار 100, 600 مىڭداپ اقشا جىبەردى.

لادا: ءبىراق ول قارجىنىڭ بارلىعى ادامدارعا بەرىلمەگەنى راس قوي؟

west oil جۇمىسشىسى: ەشكىمگە ەشتەڭە بەرمەدى. ورتاق كاسسا بولدى. وعان ءبىر ادام جاۋاپتى بولدى. ودان بارلىعى ازىق-تۇلىككە, باسقا دا شىعىستارعا اقشا الدى. بەلسەندىلەر دە جەكە باستارىنا اقشا الدى دەپ ويلايمىن. ءوز قاجەتتىلىكتەرى ءۇشىن. ايتپەسە ولار نەسيەسىن قالاي تولەيدى؟

لادا: ولار بارلىعىن جۇمىستان شىعارادى دەگەنگە نە دەيدى؟

west oil جۇمىسشىسى: وي, اسەر ەتپەيدى. باسىندا جۇمىستان شىعارىلعان 18 ادام وزدەرىن ليدەر ساناپ ءجۇر. ولار ءبىزدى جۇمىستان شىعارسا دا ءبىز وسىندا تۇرمىز, باسقالارعا قولداۋ كورسەتەمىز دەيدى.

لادا: ءبىر ۇيدەن بىرنەشە ادام بولىپ ەرەۋىلگە شىققانى بار ما؟

west oil جۇمىسشىسى: ءيا, بار. ءبىر اعالى ءىنىلى بولدى. اعاسى جۇمىسقا شىعىپ, ءىنىسىن دە اقىماق بولماۋعا شاقىرايىن دەپ تەلەفون سوعىپ ەدى, تەلەفونىن مۇلدەم الماي قويدى. تۋعان اعاسىن تىڭداماعانىنا قاراعاندا بەلسەندىلەردىڭ سوزىنەن شىعا الماي وتىرعان بولدى بالا.

لادا: ال ەرەۋىلشىلەر west oil-دە جۇمىس ىستەگىسى كەلەتىن جۇمىسسىزداردىڭ بەينەۇندەۋلەرىنە, مالىمدەمەلەرىن قالاي قابىلداپ جاتىر؟

west oil جۇمىسشىسى: مۇنداي بەينەۇندەۋدى ءبىرىنشى بولىپ جەتىبايدان كەلگەن جۇمىسسىز جىگىتتەر جازعان ەكەن. ەرەۋىلدە تۇرعان جىگىتتەر 5-6 كولىككە ءمىنىپ الىپ, سول جىگىتتەردىڭ ۇيىنە بارىپ قورقىتىپتى. ول جىگىتتەر ءجۇمىسقا تۇرعىسى كەلەتىندەرىن اشىق ايتىپتى. جىگىتتەر دۇرىس جاسادى. قانشا ادام جۇمىسسىز ءجۇر. نە وزدەرى شىقپايدى, نە باسقاعا ورىن بەرمەيدى, تۇسىنبەيمىن.

لادا: جاۋاپ بەرگەنىڭىزگە راحمەت. ءاتى-جونىڭىز قۇپيا ساقتالادى. ۋايىمداماڭىز.

بۇعان دەيىن قىسىم تۋرالى مۇنايشىلار دا مالىمدەگەن. ولار قاراقيا اۋداندىق سوتى ەرەۋىلدى "زاڭسىز" دەپ تاۋىپ, قىسىم كورسەتىپ وتىر دەگەن بولاتىن.