اباي وبلىسىندا 60 مىڭعا جۋىق كوشەت وتىرعىزىلدى

وبلىس تۇرعىندارى «؛تازا قازاقستان»؛ رەسپۋبليكالىق اكسياسى اياسىندا بەسقاراعاي اۋدانىنىڭ جىلاندى اۋىلىنىڭ ماڭىندا كوشەت وتىرعىزدى. 12 گەكتار جەرگە 57 120 ءتۇپ كوشەت ەگىلدى.

اكسياعا قاراعايلى ورماندى قالپىنا كەلتىرۋگە ۇلەس قوسقىسى كەلەتىن جەرلەستەرىمىز قاتىستى. ولاردىڭ اراسىندا جاستار, ءماسليحات دەپۋتاتتارى, ەرىكتىلەر, باق وكىلدەرى مەن سپورتشىلار بار.

اكسياعا كەزەكتى مارتە قاتىسقان وبلىس اكىمى نۇرلان ۇرانحاەۆ بۇل باستامانىڭ باستى ماقساتى ءوڭىردىڭ بيوالۋانتۇرلىلىگى مەن ەكوجۇيەسىن قورعاۋدا شەشۋشى ءرول اتقاراتىن ورماندى ساقتاۋ ەكەنىن اتاپ ءوتتى.

«؛بۇل اكسيا ءبىر رەتتىك شارا ەمەس. الداعى ۋاقىتتا دا جالعاسادى. سەمەي قالاسىندا «؛ەلىماي»؛ فك, كلۋب تاربيەلەنۋشىلەرى, «؛سەمەي»؛ فۋتزال كومانداسىنىڭ ويىنشىلارى كوشەت وتىرعىزىپ, اكسياعا ءوز ۇلەستەرىن قوسۋدا. تازالىق جۇمىستارىنا ءبارىمىز ءبىر كىسىدەي اتسالىسىپ, ايماعىمىزدى كوركەيتۋ ارقىلى وسكەلەڭ ۇرپاققا ۇلگى بولا الامىز»؛, - دەدى وبلىس اكىمى ءوز سوزىندە.

بيىل رەزەرۆات اۋماعىنداعى 6100 گەكتار جەرگە 28 ملن 700 مىڭ كوشەت وتىرعىزۋ جوسپارلانعان. بۇل جۇمىس ەكى كەزەڭدى قامتيدى. ماسەلەن, كوكتەمدە 5 مىڭ گەكتاردان استام, ال قالعان 961 گەكتارعا كۇزدە قاراعايدىڭ جاس وسكىندەرىن جەرسىندىرۋ مىندەتى تۇر.

انىقتاما: اكسيا باستالعاننان بەرى وبلىستا 12 مىڭعا جۋىق اۋلا رەتكە كەلتىرىلىپ, تۇرمىستىق قاتتى قالدىقتار پوليگونىنا 13 مىڭ توننادان استام قالدىق شىعارىلدى. 80 مىڭ اعاش, 22 مىڭ بۇتا وتىرعىزىلىپ, 218 ساياباق پەن 85 تاريحي-مادەني ەسكەرتكىش اباتتاندىرىلدى.