• usd 468.56

  • eur 497.56

  • rub 7.3

  • cny 67.18

19 مامىر, 09:04:19
الماتى
+35°

06 مامىر, 2024 بارلىق ايماقتار

رەسەي ۋكراينا پرەزيدەنتى ۆلاديمير زەلەنسكييگە ىزدەۋ جاريالادى

رەسەي ىشكى ىستەر مينيسترلىگى ۋكراينا پرەزيدەنتى ۆلاديمير زەلەنسكييگە ىزدەۋ جاريالادى. دەرەكقورداعى اقپاراتقا "؛ريا نوۆوستي"؛ نازار اۋداردى, - دەپ حابارلايدى qamshy.kz اقپارات اگەنتتىگى ازاتتىق راديوسىنا سىلتەمە جاساپ.

فوتو: اشىق دەرەككوزدەن

زەلەنسكييگە قانداي قىلمىستىق باپ نەگىزىندە ىزدەۋ جاريالانعانى جانە ونىڭ ءاتى-جونى ىزدەۋ قورىنا قاشان ەنگىزىلگەنى بەلگىسىز.

2022 جىلى ساۋىردە رەسەي تەرگەۋ كوميتەتىنىڭ جەتەكشىسى الەكساندر باسترىكين زەلەنسكييدىڭ bbc-گە بەرگەن سۇحباتىندا ايتقان "ۋكراينانىڭ رەسەيمەن سوعىسقا الدىن الا دايىندىعى" تۋرالى ءسوزىن تەكسەرۋدى تاپسىرعان. تەكسەرۋ ناتيجەسى حابارلانبادى.

ۋكراينانىڭ بۇرىنعى پرەزيدەنتى پەتر پوروشەنكوعا دا ىزدەۋ جاريالانعان.

كەيىنگى بىرنەشە ايدا رەسەيدە ۋكراينانىڭ قازىرگى جانە بۇرىنعى باسشىلارىنا ىزدەۋ جاريالانعان. 3 ساۋىردە ىزدەۋ قورىندا ۋكراينانىڭ ۇلتتىق قاۋىپسىزدىك جانە قورعانىس كەڭەسىنىڭ جەتەكشىسى الەكساندر ليتۆينەنكو بارى بەلگىلى بولعان.

ىزدەۋ قورىندا سونىمەن بىرگە ۋكراينا قورعانىس مينيسترلىگىنە قاراستى بارلاۋ باسقارماسىنىڭ جەتەكشىسى كيريلل بۋدانوۆ, ۋكراينا قاۋىپسىزدىك قىزمەتىنىڭ جەتەكشىسى ۆاسيليي ماليۋك, ۋكراينا قاۋىپسىزدىك قىزمەتىنىڭ بۇرىنعى جەتەكشىلەرى ۆالەنتين ناليۆايچەنكو جانە ۆاسيليي گريساك تا بار.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر