06 ءساۋىر, 2024 news
فوتو: اقوردا سايتى
پرەزيدەنت قاسىم-جومارت توقاەۆ سۋ تاسقىنى سالدارىنان قالىپتاسقان اۋىر جاعدايعا بايلانىستى ۇندەۋى جاريالادى.
پرەزيدەنت قاردىڭ كۇرت ەرۋىنەن قالىپتاسقان ؛كۇردەلى جاعداي كولەمى جاعىنان سوڭعى 80 جىلدان بەرگى ەڭ ءىرى تابيعي اپات ەكەنىن ايتتى.
مەملەكەت باسشىسى سۋ تاسقىنىنا بايلانىستى ەلدىڭ ون ايماعىندا توتەنشە جاعداي جاريالانعانىن اتاپ ءوتتى. ولار: اباي, اقمولا, اقتوبە, اتىراۋ, باتىس قازاقستان, قاراعاندى, قوستاناي, پاۆلودار, سولتۇستىك قازاقستان جانە ۇلىتاۋ وبلىستارى.
؛
&ndash؛ ءبىز الاپات سۋ تاسقىنىنان ءتيىستى قورىتىندى شىعارۋىمىز كەرەك. ياعني, جىبەرىلگەن ولقىلىقتاردى تۇزەتىپ, ءتيىستى ساباق الۋىمىز قاجەت. ال ونداي ساباقتار از ەمەس.
اپاتتاردىڭ الدىن الۋ جۇمىسىنداعى كەمشىلىكتەن باستاپ, سۋ شارۋاشىلىعى ماماندارىنىڭ تاپشى بولۋى, تابيعاتقا نەمقۇرايلى قاراۋعا دەيىن كوپ ماسەلەنى رەتتەۋ قاجەت. ۇكىمەت جانە جەرگىلىكتى اتقارۋشى ورگاندار سۋ تاسقىنىمەن كۇرەستى ءتيىمدى ۇيلەستىرىپ وتىرۋعا ءتيىس. سۋ باسقان اۋماقتاردا قۇقىقتىق ءتارتىپتى قامتاماسىز ەتۋ قاجەت.
مەنىڭ بۇيرىعىممەن اپاتقا قارسى كۇرەسكە قورعانىس مينيسترلىگى قوسىمشا اسكەري كۇشتەرىن جولدايدى. حالىققا كومەكتەسۋ ءۇشىن ۇكىمەتكە مەملەكەتتىك ماتەريالدىق رەزەرۆتى پايدالانۋدى تاپسىرامىن. سونداي-اق ۇكىمەت شىعىنداردى وتەۋدىڭ ءتيىمدى جولدارىن شۇعىل قاراستىرۋعا ءتيىس. ونى زارداپ شەككەن ازاماتتارعا جان-جاقتى ءتۇسىندىرۋ كەرەك. بەرىلەتىن وتەماقى شىعىندى تولىق جابۋى قاجەت, &ndash؛ دەدى پرەزيدەنت.
؛
مەملەكەت باسشىسى بۇقارالىق اقپارات قۇرالدارىن, بەلسەندى ازاماتتار جانە بلوگەرلەردى جۇرتتى دۇربەلەڭگە سالاتىن جالعان اقپاراتتاردى تاراتپاۋعا, ازاماتتاردى تەك قانا رەسمي اقپارات كوزدەرىنە سۇيەنۋگە شاقىردى.
سونداي-اق قۇتقارۋشىلارعا, ءتارتىپ ساقشىلارىنا, ۆولونتەرلەرگە جانە اپاتپەن كۇرەسۋگە اتسالىسىپ جاتقان بارشا جۇرتقا العىسىن ءبىلدىردى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر