• usd 468.56

  • eur 497.56

  • rub 7.3

  • cny 67.18

22 ءساۋىر, 19:26:34
الماتى
+35°

02 ءساۋىر, 2024 بارلىق ايماقتار

بالانىڭ ەسىرتكى تاسىمالداۋشى بولىپ جۇمىس ىستەيتىنىن قالاي بىلۋگە بولادى؟ ءىىم ەسكەرتۋ جاسادى

ىشكى ىستەر مينيسترلىگىنىڭ رەسمي وكىلى شىڭعىس الەكەشەۆ بالانىڭ "؛زاكلادچيك"؛ بولىپ جۇمىس ىستەيتىنىن قالاي بىلۋگە بولاتىنىن ايتىپ, اتا-انالارعا ۇندەسۋ جاسادى.

فوتو: pixabay

ونىڭ ايتۋىنشا, بۇگىندە كەز كەلگەن وقۋشى ينتەرنەتتى ەركىن پايدالانا الادى.

"سوندىقتان بالانىڭ ەسىرتكى كۋرەرلەرىنىڭ نەمەسە ناشاقورلاردىڭ قاتارىنا قوسىلىپ كەتۋ ءقاۋپى جوعارى. ەسىرتكىگە "بوس جۇرگەن" جاستاردىڭ, ستۋدەنتتەر مەن وقۋشىلاردىڭ قوسىلۋى - بۇل ەرەسەكتەردىڭ ءوز بالالارىنا جانە ولاردىڭ پروبلەماسىنا نازار اۋدارماۋىنىڭ سالدارى. ەسىرتكى ساتۋشىلار جاسوسپىرىمدەردىڭ پسيحولوگيالىق تۇرعىدا جەتىلمەگەنىن پايدالانادى", - دەدى شىڭعىس الەكەشەۆ ىىم-دە وتكەن ءباسپاسوز ءماسليحاتىندا.

ول بالانىڭ "زاكلادچيك" بولىپ جۇمىس ىستەيتىنىن قالاي بىلۋگە بولاتىنىن ايتىپ, اتا-انالارعا ۇندەۋ جاسادى:

  • بالانىڭ تەلەفونىندا پودەزدەردىڭ, ايالدامالاردىڭ, ءۇي قابىرعالارىنىڭ سۋرەتتەرى پايدا بولسا؛
  • جەكە زاتتارىنىڭ اراسىندا يزولەنتا, پاكەتتەر, ەلەكتروندى تارازى, تابلەتكا نەمەسە كوزگە ارنالعان تامشىلارعا ۇقساس زاتتار تابىلسا؛
  • ارالاساتىن ورتاسى وزگەرسە؛
  • بويىندا دورەكەلىك, تاكاپپارلىق پايدا بولسا, اڭگىمەنى توقتاتۋعا ۇمتىلىس بايقالسا؛
  • كۇن ءتارتىبى وزگەرسە؛
  • ەڭ باستىسى - اقشا نەمەسە جاڭا زاتتار پايدا بولسا جانە ءجاسوسپىرىم ولاردىڭ قايدان كەلگەنىن تۇسىندىرە الماسا.

رەسمي وكىل وسى بەلگىلەر انىقتالسا, تەز ارادا بالامەن سويلەسىپ, ونى باقىلاۋعا الۋ كەرەگىن ايتتى.

"ولارعا ەسىرتكىنى تاراتقانى ءۇشىن قىلمىستىق جاۋاپكەرشىلىك 16 جاستان باستالىپ, 10 جىلدان باستاپ ءومىر بويىنا باس بوستاندىعىنان ايىرۋ جازاسى قاراستىرىلعانىن ەسكەرتۋ كەرەك", - دەدى ول.

شىڭعىس الەكەشەۆ ەسىرتكى دۇكەندەرى ادەتتە "زاكلادچيككە" جاسىرىلعان ەسىرتكى ءۇشىن 2 مىڭ تەڭگە تولەيتىنىن جەتكىزدى.

"وسى ءۇشىن ولار ەسىرتكىنى وراۋعا قاجەت نارسەلەردى ساتىپ الادى, قالانى ارالايدى, ءوز ءومىرىنىڭ كەم دەگەندە 10 جىلىن تاۋەكەلگە تىگەدى. ال دۇكەننىڭ ءبىر زاكلادكا ءۇشىن تابىسى - 20 مىڭ تەڭگە. قىلمىستىق ءىس ماتەريالدارى كورسەتكەندەي, "زاكلادچيكتەر" باستاپقىدا بۇل ىسپەن ۇزاق اينالىسپايمىن دەپ ويلايدى. ءبىراق جەڭىل اقشانىڭ بۋىمەن ولار بۇل بيزنەستەن شىعا الماي قالادى. سوڭىندا ولاردىڭ كوپشىلىگى ەسىرتكىگە وزدەرى تاۋەلدى بولادى", - دەدى رەسمي وكىل.

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر