وڭتۇستىك كورەيا قازاقستان مۇنايىن ساتىپ الۋدان باس تارتتى

وڭتۇستىك كورەيا قازاقستاننىڭ cpc blend دەپ اتالاتىن مۇنايىن ساتىپ الۋدى توقتاتتى. ولاردىڭ مۇنداي شەشىم قابىلداۋىنا نە سەبەپ دەسەڭىز, كورەيالىقتار از كۇكىرتتى مۇنايدى ساتىپ الۋ قىزىل تەڭىزدەگى حۋسيتتەردىڭ شابۋىلى اياسىندا تىم قىمبات جانە ءتيىمسىز دەپ وتىر. ؛

بۇعان دەيىن وڭتۇستىك كورەيا cpc blend مۇنايىنىڭ تۇراقتى ساتىپ الۋشىسى بولدى.

نوۆوروسسييسك قارا تەڭىز پورتىنان cpc blend سورتىنىڭ مۇنايى سۋەس كانالى ارقىلى وڭتۇستىك كورەيا پورتتارىنا جەتكىزىلەدى. اقپان ايىندا قىزىل تەڭىز ارقىلى لوگيستيكاداعى قيىندىقتارعا بايلانىستى بىردە-بىر پارتيا جەتكىزىلمەگەن. ال جەتكىزۋ قۇنى وسكەن.

وڭتۇستىك كورەيانىڭ ءىرى مۇناي وڭدەۋ كومپانياسى sk innovation جانە ونىڭ كولىكتىك ەنشىلەس كومپانياسى sk shipping قازاقستاندىق مۇنايدى جەتكىزۋگە ارنالعان cpc blend لوگيستيكالىق شىعىندارىنىڭ كۇرت كوبەيگەنىن ايتتى. سوندىقتان سەۋلدە ورنالاسقان كورەي مۇناي قاۋىمداستىعىنىڭ ساراپشىلارى مۇناي وڭدەۋ زاۋىتتارى بولاشاقتا cpc blend سورتىنىڭ شيكى مۇنايىن ساتىپ الۋدى ايتارلىقتاي ازايتادى دەپ ەسەپتەيدى.

 ؛