دەپۋتات ۋتيلالىم مولشەرىن 150 مىڭ تەڭگەدەن اسىرماۋدى ۇسىندى

سەنات دەپۋتاتى بەكبول ورىنباساروۆ كولىككە قاتىستى ۋتيلالىم جانە العاشقى تىركەۋ تولەمدەرىنە قاتىستى ۇكىمەت باسشىسىنا دەپۋتاتتىق ساۋال جولدادى. ؛

دەپۋتات ءوز ساۋالىن پرەمەر-مينيستر ولجاس بەكتەنوۆكە جولدادى.

وندا سەناتور اۆتوكولىك الۋعا جەڭىلدەتىلگەن نەسيە بەرۋ باعدارلاماسى حالىقتى جاڭا اۆتوموبيلدەرمەن قامتاماسىز ەتۋ ماقساتىن ورىنداي الماعانىن جەتكىزدى. سونداي-اق جاڭا جانە ساپالى اۆتوموبيلدەرگە قول جەتكىزۋدىڭ قيىندىعى كولىكتى ەسەپكە قويۋداعى زاڭسىزدىقتىڭ كوبەيۋىنە سەبەپ بولعانىن اتادى.

«؛قوزعالتقىش كولەمى ەكى مىڭ تەكشە سانتيمەترگە دەيىنگى, شىققانىنا 3 جىلدان اسپاعان اۆتوموبيلدەر ءۇشىن ۋتيلالىم مولشەرىن 150 000 تەڭگەدەن اسپايتىنداي ەتىپ قايتا قاراۋدى سۇرايمىن. كەدەندىك باجدى ەسەپتەۋ كەزىندە ونىڭ كورسەتكىشىن ازايتۋ جاعىنا قاراي قايتا قاراۋ كەرەك. قازىرگى كەزدە اۆتوكولىكتەردىڭ ءبىرازىن قىتايدان قازاقستانعا قىرعىز رەسپۋبليكاسى ارقىلى اكەلىنەتىن فاكتىلەر بار. ويتكەنى اۆتوكولىك يەلەرى ققس پەن باجدى ءبىزدىڭ مەملەكەتىمىزگە قاراعاندا بىرنەشە ەسە از تولەيدى. شىعارىلعان جىلىن قوسا العاندا, بەس جىلعا دەيىن كولىك قۇرالدارىن مەملەكەتتىك تىركەگەنى ءۇشىن الىم مولشەرلەمەسىن 0,25 اەك كولەمىندە قاراستىرۋدى ۇسىنامىن»؛, &ndash؛ دەدى بەكبول ورىنباساروۆ.

سەناتور اتالعان ۇسىنىستار قازاقستان ازاماتتارىنا ساپالى جانە باعاسى ءتيىمدى اۆتوكولىكتەردى الۋعا مۇمكىندىك بەرەتىنىن ايتتى.