• usd 468.56

  • eur 497.56

  • rub 7.3

  • cny 67.18

22 ءساۋىر, 20:31:42
الماتى
+35°

28 ناۋرىز, 2024 بارلىق ايماقتار

قاڭتار وقيعاسى: 4 جاسار ايكوركەمنىڭ ولىمىنە كىنالى دەپ تانىلعان اسكەري قىزمەتكەرگە ۇكىم شىقتى

قاڭتار وقيعاسى كەزىندە قازا تاپقان 4 جاسار ايكوركەم مەدەلحاننىڭ ولىمىنە كىنالى دەپ تانىلعان اسكەري قىزمەتكەر 7 جىلعا سوتتالدى.

فوتو: عالامتور جەلىسىنەن

اسكەري سوتىنىڭ قىلمىستىق ىستەر جونىندەگى سوت القاسى قارۋ قولدانۋ ارقىلى بيلىكتى اسىرا پايدالانۋ بويىنشا ؛(قك 451-بابى 2-بولىگىنىڭ 1-تارماعىمەن) ؛ايىپتالعان اسكەري قىزمەتشى ج.-عا قاتىستى قىلمىستىق ءىستى اپەللياسيالىق تارتىپتە قايتا قارادى. بۇعان دەيىن ءبىرىنشى ساتىداعى سوت اسكەري قىزمەتشىنىڭ ىس-ارەكەتىندە قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى ونى اقتاعان.

قىلمىستىق ءىس جابىق سوت وتىرىسىندا «؛قۇپيا»؛ بەلگىسىمەن قارالعان. اپەللياسيالىق سوت القاسى جابىرلەنۋشى تاراپتىڭ شاعىمدارى مەن پروكۋروردىڭ نارازىلىعى نەگىزىندە ءىستى قايتا قارادى.

«؛2022 جىلعى 7 قاڭتاردا ساعات 19.30 شاماسىندا, سوتتالۋشى ج., بلوك بەكەتىندە بولا تۇرا, ونىڭ قاراماعىنداعى اسكەري قىزمەتشىلەرگە بلوك بەكەتىنە جاقىنداپ كەلە جاتقان اۆتوكولىككە وق اتۋ تۋرالى زاڭسىز بۇيرىق بەرگەن. ناتيجەسىندە, العان وق جاراقاتى سالدارىنان جاس بالا ؛(2017 ج.ت. ا.مەلدەحان) ؛قايتىس بولىپ, ال, كامەلەتكە تولماعانىنا ؛(2006 ج.ت. ج.مەلدەحان) ؛5 وق جاراقاتىنان دەنساۋلىعىنا اۋىر زيان كەلتىرىلگەن. سوتتالۋشىنىڭ كىناسى ءىس بويىنشا جينالعان دالەلدەمەلەرمەن, ياعني جابىرلەنۋشىلەر مەن كۋاگەرلەردىڭ ايعاقتارىمەن, سوت ساراپتامالارىنىڭ قورىتىندىلارى جانە زاتتاي دالەلدەمەلەرىمەن دالەلدەندى. قر اسكەري سوتىنىڭ سوت القاسى اقتاۋ ۇكىمىنىڭ كۇشىن جويىپ, جاڭا ايىپتاۋ ۇكىمىن شىعاردى, وعان سايكەس قك-نىڭ 451-بابى 2-بولىگىنىڭ 1-تارماعى بويىنشا ج. كىنالى دەپ تانىلىپ, باس بوستاندىعىنان ايىرىلىپ, 7 جىلعا سوتتالدى»؛, - دەلىنگەن جوعارعى سوتتىڭ حابارلاماسىندا. ؛

سونداي-اق, سوت القاسى قر قورعانىس ءمينيسترىنىڭ اتىنا اسكەري قىزمەتشىلەردىڭ جول بەرگەن زاڭ بۇزۋشىلىقتارى, سونداي-اق ولاردى جويۋ جانە ودان ءارى بولدىرماۋ جونىندە شارالار قابىلداۋ ءۇشىن قىلمىس جاساۋعا ىقپال ەتكەن سەبەپتەر مەن جاعدايلار تۋرالى جەكەشە قاۋلى شىعاردى.

اپەللياسيالىق ۇكىم زاڭدى كۇشىنە ەندى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر