نازارباەۆتار وتباسى يسپانيا سوتىندا جەڭىلدى

قازاقستاننىڭ بۇرىنعى پرەزيدەنتىنىڭ وتباسى جەرورتا تەڭىزىنىڭ جاعاسىنداعى can juncadella مۇلكىنە يەلىك ەتەدى جانە 15 جىلدان استام ۋاقىت بويى بۇل جول ءۇشىن للورە دە مار قالاسىنىڭ مۋنيسيپالدى بيلىگىمەن سوتتاسىپ كەلەدى. ؛

2009 جىلى نازارباەۆتار وتباسى كوپشىلىك وتەتىن جولدى بوگەپ, ارنايى كۇزەتپەن جاۋىپ تاستادى. ارتىنشا ولار مىلتىق داۋىسىمەن جەرگىلىكتى تۇرعىنداردى قورقىتپاق بولعان. الايدا تۇرعىندار بۇرىنعى پرەزيدەنتتىڭ وتباسىن سوتقا بەرىپ, جوعارعى سوتقا دەيىن جەتتى. ؛كاتالونيا جوعارعى سوتىنىڭ شەشىمىنە سايكەس, تيمۋر قۇلىباەۆ پەن ونىڭ جۇبايى نازارباەۆتىڭ ورتانشى قىزى دينارانىڭ قۇرىلىمدارى باقىلايتىن يسپاندىق flinder data sl كومپانياسى جولدى كوپشىلىك پايدالانۋ ءۇشىن اشۋعا مىندەتتەلدى.

can juncadella جىلجىمايتىن مۇلىك كەشەنى كوستا براۆادا ورنالاسقان شاعىن لورەتتا دە مار كۋرورتتىق قالاسىندا ورنالاسقان. 2007 جىلى ونى نازارباەۆتار وتباسى ساتىپ العان. بۇل جەرورتا تەڭىزىنىڭ ۇستىندەگى باقىلاۋ پالۋباسىنا كىرۋ مۇمكىندىگى بار 18 گەكتاردان استام كەڭ اۋماق. 3200 شارشى مەترلىك ۆيللادا 19 جاتىن بولمە, 13 ۆاننا بولمەسى, باسسەين جانە ساۋنا بار.