27 ناۋرىز, 2024 بارلىق ايماقتار
ەندى ونلاين نەسيە بيومەتريالىق سايكەستەندىرۋدەن كەيىن بەرىلەدى
قارجى نارىعىن رەتتەۋ جانە دامىتۋ اگەنتتىگى شاعىن نەسيەلەردى ەلەكتروندى تۇردە بەرۋ قاعيدالارىنا قارجىلىق قىزمەتتەردى كورسەتۋ قاۋىپسىزدىگىن ارتتىرۋعا ءتيىس تۇزەتۋلەر ازىرلەدى.
![](/media/2024/03/27/crop-59_0_682x909_img_2223.jpeg?width=600&height=480)
فوتو: كورنەكى سۋرەت
جوبا ميكروقارجى ۇيىمى (مقۇ) مەن قارىز الۋشى اراسىندا ميكروكرەديت بەرۋ تۋرالى شارت جاساسۋ, سونداي-اق وعان وزگەرىستەر مەن تولىقتىرۋلار ەنگىزۋ بيومەتريالىق سايكەستەندىرۋ ارقىلى جۇزەگە اسىرىلاتىنى قاراستىرىلعان.
سونداي-اق, كليەنتتى جەكە كابينەتكە تىركەگەن كەزدە ونىڭ ۇيالى تەلەفونىنىڭ نومىرىنە نەمەسە بانك شوتىنىڭ دەرەكتەمەلەرىنە وزگەرىستەر ەنگىزۋ ءۇشىن (تەرمينالدار ارقىلى شاعىن نەسيە بەرۋدى قوسپاعاندا) ازاماتتان بيومەتريالىق دەرەكتەر تالاپ ەتىلەدى.
بۇل رەتتە كليەنتكە بانكتىك شوتتىڭ نەمەسە تولەم كارتاسىنىڭ مەنشىك قۇقىعىن انىقتاۋ مۇمكىن بولماسا, اقشا اۋدارىلمايدى.
ميكروقارجى قىزمەتىن جۇزەگە اسىراتىن ۇيىم ساتىپ الىنعان تاۋارلار نەمەسە ورىندالعان جۇمىستار, قىزمەتتەر ءۇشىن اقى تولەۋدى كوزدەيتىن شارت جاساسقان زاڭدى تۇلعانىڭ بانكتىك شوتىنا قارىز الۋشىنىڭ ءوتىنىشى بويىنشا ميكروكرەديتتى اۋدارۋ كوزدەلگەن. قارىز الۋشى دەرەكتەردى وڭدەۋ ورتالىعىنىڭ قىزمەتتەرىن پايدالانۋ ارقىلى بيومەتريالىق سايكەستەندىرۋدى پايدالانا وتىرىپ نەمەسە ميكروقارجى قىزمەتىن جۇزەگە اسىراتىن ۇيىمنىڭ قۇرىلعىلارى ارقىلى كليەنتتى تىركەۋ كەزىندە الىنعان كليەنتتىڭ بيومەتريالىق دەرەكتەرىن پايدالانا وتىرىپ جۇزەگە اسىرىلادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر