جاڭا نورما. جەمقورلىق بويىنشا مەمقىزمەتتەن قۋىلعاندار قىزمەتكە قايتا تۇرا الادى

قازاقستاندا تەرىس قىلىعى ءۇشىن مەملەكەتتىك قىزمەتتەن بوساتىلعاندارعا تاعى ءبىر مۇمكىندىك بەرىلەتىن بولدى. ءتيىستى زاڭ قابىلدانىپ جاتىر. وعان ساي, ؛بەيادەپ سويلەپ, ورتاشا اۋىر قىلمىس جاساعاندار, نە جەمقورلىقپەن ۇستالعاندار 2-3 جىلدان سوڭ مەملەكەتتىك قىزمەتكە قايتا كەلە الادى. ونىڭ ىشىندە كاسىبي جارامسىز دەپ تانىلعان سۋديالار, تورەشىلەر اراعا ۋاقىت سالماي بىردەن جۇمىسىنا قايتا ورالا الادى.

بۇل زاڭعا كەيبىر دەپۋتاتتار قارسى بولسا دا, كونستيتۋسيالىق سوتتىڭ شەشىمى بولعان سوڭ امال جوق, كونەتىندەرىن ايتادى. ماسەلەن, ءماجىلىس دەپۋتاتى مۇرات ابەنوۆ:

&ndash؛ امال جوق, قابىلداپ جاتىرمىز دەپ ايتساق, ول وتىرىك ەمەس. شىنىمەن دە ءقازىر حالىقتىڭ الدىنا شىعامىز, پارلامەنت سوندا زاڭسىز قىزمەت اتقارعان, جۇمىستان بوساتىلعان قىزمەتكەرلەردى قايتادان جۇمىسقا الىپ جاتىر ما, دەپ سۇراق قويادى عوي. كونستيتۋسيالىق سوتتىڭ شەشىمى, امال جوق. بولماسا ءبىز ولاردى جارىلقايىن دەپ تۇرعانىمىز جوق, &ndash؛ دەيدى.

ال ساياساتكەر ءامىرجان قوسان الدىمەن ماسەلەنىڭ ءمان-جايىن انىقتاپ, شەنەۋنىكتىڭ قانداي سەبەپپەن جۇمىستان شەكتەتىلگەنىنە ءمان بەرۋ قاجەت ەكەنىن ايتادى.

&ndash؛ ارينە, كونستيتۋسيالىق سوت شەشىمىنىڭ ءوز ءۋاجى بار. ول ادام قۇقىقتارى سالاسىنا تىكەلەي قاتىستى. ءبىراق تا ناقتى بولمىسقا كەلسەك, ماسەلەنىڭ كەم دەگەندە ءۇش جاعى بار. بىرىنشىدەن, مەملەكەتتىك قىزمەتكە بارام دەگەن كەز-كەلگەن ازامات ءوزىنىڭ كونستيتۋسيالىق قۇقىقتارى ءسوزسىز شەكتەلەتىنىن, ونىڭ بۇكىل تىنىس-تىرشىلىگى قوعام نازارىندا بولاتىنىن ءبىلۋى ءتيىس. ماسەلەن, ازاماتتاردىڭ جەكە ءومىرىنىڭ قۇپياسى بولسا, بيۋدجەتتىك قارجىعا ءومىر ءسۇرىپ وتىرعان اتقامىنەرلەردە ونداي قۇقىق بولماۋى ءتيىس. ەگەر دە ادام ونداي شەكتەۋلەردى قالاماسا, مەملەكەتتىك قىزمەتكە بارماي-اق قويسىن. سول سەبەپتى كونستيتۋسيا مەن مەملەكەتتىك قىزمەت تۋرالى زاڭنامانى بىر-بىرىنە سايكەستەندىرۋ كەرەك بولار.

ەكىنشىدەن, ارينە, بىزدە بەلگىلى ءبىر شەنەۋنىككە زاڭسىز ايىپ تاعىلىپ, جۇمىستان شىعارىلۋى مۇمكىن. ومىردە ونداي دا بولىپ تۇرادى. ماسەلەن, مەمقىزمەتتەگى باسەكە, كلان نەمەسە توپارالىق تارتىس, باقتالاستىق پەن كورەالماۋشىلىق دەگەندەي. ونداي جاعدايدا ناقاقتان-ناقاق قۋدالانعان شەنەۋنىك ءادىل سوتقا جۇگىنىپ, ءوزىنىڭ ادالدىعىن قوعام الدىندا دالەلدەسىن. سوندا ونىڭ مەمقىزمەتكە قايتىپ كەلۋىنە تولىق مورالدىق قۇقى بار.

ال مەمقىزمەتتە ءجۇرىپ, قىلمىس جاساعان كەز-كەلگەن ادامنىڭ ءبىراز ۋاقىتتان كەيىن سول قىزمەتكە قايتىپ كەلۋىن نونسەنس دەپ سانايمىن! سوندىقتان زاڭعا ەنگىزىلۋى مۇمكىن مۇنداي وزگەرىستەردىڭ ارتىندا كەزىندە جۇمىستان شىعىپ قالعان, ەندى سول جىلى ورىندارىنا قايتىپ كەلگىسى كەلەتىن تۇلعالاردىڭ مىقتى ءلوببيى تۇر دەپ سانايمىن, &ndash؛ دەدى ول.

 ؛  ؛  ؛ناقتى ايتقاندا, ەندى:

• قىزمەتتىك ادەپتى ساقتاماعانى ءۇشىن جۇمىستان شىعارىلعاندار &ndash؛ 1 جىلدان سوڭ,
• تارتىپتىك تەرىس قىلىقتارى ءۇشىن جۇمىستان شىعارىلعاندار &ndash؛ 2 جىل,
• اكىمشىلىك سىبايلاس جەمقورلىق قۇقىق بۇزۋشىلىقتارى نە قىلمىستىق تەرىس قىلىق جاساعاندار &ndash؛ 3 جىل,
• ونشا اۋىر ەمەس جانە اۋىرلىعى ورتاشا قىلمىس جاساعاندارعا &ndash؛ 5 جىل ىشىندە قايتا قىزمەتىنە ورالا الادى.