26 اقپان, 2024 استانا
استانادا كريپتوۆاليۋتاسى بار 535 ادام قارجى پيراميداسىنىڭ قۇربانى بولدى
استانادا سالىمدى كريپتوۆاليۋتا تۇرىندە تارتقان eolus قارجى پيراميداسىنىڭ قۇرىلىمدىق بولىمشەسىن ۇيىمداستىرۋشى ۇزاق مەرزىمگە باس بوستاندىعىنان ايىرىلدى.
![](/media/2024/02/26/crop-25_0_97x130_krip.jpg?width=600&height=480)
اشىق دەرەككوزدەن الىندى
ونىڭ 2023 جىلى اقش-تا ورنالاسقان جاڭارتىلاتىن ەنەرگيا كوزدەرىنە ينۆەستيسيا سالۋ جەلەۋىمەن جەكە تۇلعالاردان اقشا تارتۋ ماقساتىندا كەڭسە جالداپ, "energy eolus qazaqstan" جشس-نى تىركەگەنى انىقتالدى.
ينۆەستورلاردىڭ قاراجاتى كريپتوۆاليۋتا تۇرىندە تارتىلدى جانە ەسەپكە الۋ مەن قايتا ءبولۋ ءۇشىن شەتەلدىك حاكەرلەر جاساعان "energyeolus.info" پلاتفورماسىندا كورسەتىلدى.
"استانادا اقشاسىن سالعان 535 ادام تارتىلدى. ؛سوت شەشىمىمەن 187 ملن تەڭگەگە تەڭ 408 مىڭ usdt كولەمىندەگى كريپتوۆاليۋتا مەملەكەت پايداسىنا تاركىلەندى. سوت ۇكىمىمەن ۇيىمداستىرۋشى كىنالى دەپ تانىلىپ, وعان مۇلكى تاركىلەنىپ, 6 جىل مەرزىمگە باس بوستاندىعىنان ايىرۋ, 5 جىل مەرزىمگە ازاماتتاردىڭ قاراجاتى مەن ينۆەستيسيالارىن تارتۋعا بايلانىستى قىزمەتپەن اينالىسۋ قۇقىعىنان ايىرۋ جازاسى تاعايىندالدى" دەپ حابارلايدى قارجىلىق مونيترينگ اگەنتىگىنىڭ ءباسپاسوز قىزمەتى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر