• usd 468.56

  • eur 497.56

  • rub 7.3

  • cny 67.18

19 ءساۋىر, 06:45:10
الماتى
+35°

23 اقپان, 2024 بارلىق ايماقتار

پرەمەر-مينيستر لاۋازىمى بۇيىرماعان تيمۋر سۇلەيمەنوۆ: تۇك قىنجىلمادىم

بۇگىن ارنايى وتكەن بريفينگ بارىسىندا ۇلتتىق بانك ءتوراعاسى تيمۋر سۇلەيمەنوۆكە جۋرناليستەر جەكە باسىنا قاتىستى توسىن سۇراقتار دا قويدى.

ۇلتتىق بانك ءباسپاسوز قىزمەتى

ۇكىمەت وتستاۆكاعا كەتكەندە ء"اليحان سمايىلوۆتىڭ ورنىن باساتىن وسى ادام" دەگەن بولجامدى ءتىزىم اراسىندا تيمۋر سۇلەيمەنوۆتىڭ ەسىمى دە اراكىدىك بوي كورسەتكەن بولاتىن. وسىعان قاتىستى تىلشىلەر ۇلتتىق بانك ءتوراعاسىنىڭ پىكىرى قانداي ەكەنىن ءبىلىپ كورۋگە تىرىستى.

"شىنىمدى ايتسام, (بولجامدى) ەلەمەدىم. راسىندا, بىزدە اۆتورلارى بەلگىلى-بەلگىسىز كوپتەگەن ءارتۇرلى telegram ارنالار بار. ەندى سولاردىڭ ءارقايسىسى نە جازدى دەپ قاراپ وتىرمايمىن عوي. شەشىم قابىلداندى, amanat پارتياسى باستاماشى بولدى, مەملەكەت باسشىسى قولداپ, ءماجىلىس تە داۋىس بەردى, سوندىقتان بۇل شەشىم دۇرىس دەپ سانايمىن", دەدى ۇلتتىق بانك باسشىسى.

سونداي-اق ول بۇعان دەيىن دە ۇكىمەتپەن دە, ولجاس بەكتەنوۆپەن دە ارادا سىندارلى قارىم-قاتىناس ورناتىلعانىن باسا اتاپ وتتى.

"مەن پرەزيدەنت اكىمشىلىگىندە ونىمەن بىرگە (ولجاس بەكتەنوۆپەن) جۇمىس ىستەگەنمىن, ونىڭ ءبىرىنشى ورىنباسارى دا بولدىم, سوندىقتان بىزگە بىرگە جۇمىس ىستەۋ وڭاي. ءبىز ءبىر-بىرىمىزدى جاقسى تۇسىنەمىز. كوپتەگەن جوبا مەن رەفورمالار ورنىنان قوزعالادى دەپ ويلايمىن", دەدى تيمۋر سۇلەيمەنوۆ.

«؛ۇكىمەت باسشىسى بولماي قالعانىڭىزعا ەش وكىنبەيسىز بە»؛ دەپ قايتالانعان سۇراققا ول:

«؛تۇك قىنجىلمادىم»؛ دەپ قىسقا جاۋاپ قايىردى.

ايتا كەتسەك, 2024 جىلى 6 اقپاندا ۇكىمەت باسشىسى بولىپ ولجاس بەكتەنوۆ تاعايىندالدى. ۇكىمەت وتستاۆكاسىنان كەيىن جاڭا پرەمەر-مينيستر تيمۋر سۇلەيمەنوۆ, نە بولماسا ەرلان قوشانوۆ بولادى دەگەن بولجامدار بولعان.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر