پەدوفيلدەر ءومىر بويىنا باس بوستاندىعىنان ايىرىلادى

 ؛  ؛ قۇجات مەملەكەت باسشىسىنىڭ جولداۋىنداعى تاپسىرمالارىن ىسكە اسىرۋ ءۇشىن دەپۋتاتتاردىڭ باستاماسىمەن ازىرلەندى. ؛ماجىلىس دەپۋتاتى, amanat پارتياسى فراكسياسىنىڭ دەپۋتاتى جۇلدىز سۇلەيمەنوۆا زاڭ جوبالارىنا زورلىق-زومبىلىققا, باسقا دا قاتىگەزدىككە نەمەسە ادامنىڭ ار-نامىسىن قورلاۋعا جول بەرمەۋ ءۇشىن ءبىرقاتار نورما ەنگىزىلگەنىن ايتتى.

- بىرىنشىدەن, دەنساۋلىققا جەڭىل زيان كەلتىرگەنى ءۇشىن 200 اەك-كە دەيىن ايىپپۇل تۇرىندەگى جازا نە 200 ساعاتقا دەيىن قوعامدىق جۇمىستارعا تارتۋ نەمەسە 50 تاۋلىككە دەيىن قاماۋعا الۋ. ۇرىپ-سوققانى ءۇشىن 80 اەك-كە دەيىن ايىپپۇل نە 80 ساعاتقا دەيىن قوعامدىق جۇمىستارعا تارتۋ نەمەسە 25 تاۋلىككە دەيىن قاماۋعا الۋ. ەكىنشىدەن, كامەلەتكە تولماعان نە دارمەنسىز كۇيدەگى ادامدى ازاپتاۋ, دەنساۋلىعىنا اۋىر جانە ورتاشا زيان كەلتىرگەنى ءۇشىن جازانىڭ «؛باس بوستاندىعىن شەكتەۋ»؛ بالاما ءتۇرى الىنىپ تاستالىپ, تەك باس بوستاندىعىنان ايىرۋ قاراستىرىلادى, - دەدى ول.

دەپۋتاتتىڭ ايتۋىنشا, جاس بالانى ولتىرگەنى نەمەسە پەدوفيليا ءۇشىن ء«؛ومىر بويى باس بوستاندىعىنان ايىرۋ»؛ جازاسى قولدانىلادى.

- ۇشىنشىدەن, كامەلەتكە تولماعاندارعا قاتىستى نەمەسە وتباسىندا اكىمشىلىك, قىلمىستىق قۇقىقبۇزۋشىلىق جاساعان ادامداردىڭ مىنەز-قۇلقىنا ەرەكشە تالاپتار قولدانىلادى. اتاپ ايتقاندا, سوت شەشىمى بويىنشا ولاردان مەديسينالىق ۇيىمداردان پسيحولوگيالىق كومەك تالاپ ەتىلۋى مۇمكىن. سونداي-اق زورلىق-زومبىلىق دەرەكتەرىن ۋاقىتىلى انىقتاۋ ءۇشىن ۋاكىلەتتى ورگانداردىڭ بۇقارالىق اقپارات قۇرالدارىنداعى حابارلامالارعا دەن قويۋ مۇمكىندىگى قاراستىرىلعان, - دەدى ول.

سونداي-اق سۋيسيدكە يتەرمەلەگەندەر دە قىلمىستىق جاۋاپكەرشىلىككە تارتىلادى.

- ءسۋيسيدتىڭ الدىن الۋ ماقساتىمەن ءوزىن-وزى ءولتىرۋ نەمەسە وعان يتەرمەلەگەنى ءۇشىن 5 جىلدان 9 جىلعا دەيىن باس بوستاندىعىنان ايىرۋ جازاسى ۇسىنىلادى. ءسۋيسيدتى ناسيحاتتاعانى ءۇشىن 200 اەك مولشەرىندە ايىپپۇل تۇرىندە جاڭا قىلمىستىق جاۋاپكەرشىلىك قاراستىرىلادى. سونىمەن قاتار كامەلەتكە تولماعان بالانى قورقىتۋ جانە كيبەربۋللينگ ءۇشىن اكىمشىلىك جاۋاپكەرشىلىك ەنگىزىلەدى, - دەدى ول.