"؛دجۋنگليدىڭ ىشىندە ءجۇرمىز"؛. تايلاندتا قۇلدىقتا بولعان ەكى قىز قۇتقارىلدى

مينيسترلىكتىڭ دەرەگىنشە, قازىرگى تاڭدا وڭتۇستىك شىعىس ازيا ەلدەرىندە 100-گە جۋىق قازاقستاندىقتار قۇلدىقتا ءجۇر. سوڭعى ەكى جىلدا تايلاندپەن شەكارالاس ورنالاسقان ميانما, لاوستا 200-گە جۋىق وتانداسىمىز ءتانىن ساۋدالاۋعا, ەركىنەن تىس قارا جۇمىسقا جەگىلگەن. سول جاقتاعى ديپلوماتتارىمىزدىڭ كومەگىمەن ميانما مەن لواس اۋماعىنان 28 قازاقستاندىق شىعارىلىپتى. تاعى 60-قا جۋىق وتانداسىمىز ەلشىلىككە جۇگىنبەي, ءوز كۇشىمەن ەلگە ورالعان, دەپ حابارلايدى كتك تەلەارناسى.

"قاڭتاردىڭ سوڭىندا تايلانداعى كونسۋلدىققا «؛مەن قازاقستاننىڭ ازاماتىمىن, دجۋنگليدىڭ ىشىندەمىن, قاي مەملەكەت ەكەنىن بىلمەيمىن... جۇمىس بابىمەن قۇلدىققا ءتۇسىپ قالدىم, كومەكتەسىڭىزدەر»؛ دەگەن حابارلاما ءتۇستى. سويتسەك, ءبىزدىڭ ەكى ازاماتىمىز الدانىپ, «؛التىن ءۇشبۇرىشتا»؛ قۇلدىققا ءتۇسىپ قالعان. قىزىعى, ەكەۋىنىڭ دە جوعارى ءبىلىمى بار, بىرنەشە ءتىل بىلەدى. ولار ينتەرنەتتەگى حابارلامانى كورىپ تايلاندقا بارعان عوي, جۇمىس ىستەۋگە. ءار ادامنىڭ باسىنا 10 مىڭ دوللاردان اقشا سۇراعان. جەرگىلىكتى بيلىكپەن قوسىلىپ ەكى قىزدى قۇتقاردىق. ءقازىر قازاقستانعا ۇشاقپەن ۇشىپ كەلە جاتىر", دەيدى قر ءسىم رەسمي وكىلى ايبەك سمادياروۆ.