• usd 468.56

  • eur 497.56

  • rub 7.3

  • cny 67.18

12 ءساۋىر, 19:21:00
+35°

21 اقپان, 2024 الەم

دالادا ساپقا تۇرعان رەسەي اسكەرى قىرىلىپ قالدى

ۋكراين جاعىنان ەكى himars "؛اسسالاۋمالەيكۋم"؛ دەپ جەتىپ كەلىپتى.

فوتو: telegram

 ؛

ۋكراينا جەرىندەگى رەسەي وككۋپاسيالاعان دونەسك وبلىسىندا رەسەي جاۋىنگەرلەرى جاپپاي قىرىلدى.

كومانديرلەر ترۋدوۆسكوە پوسەلكەسىنىڭ ماڭىندا ءۇش روتا مەن گۆارديالىق اتقىشتار بريگاداسىن شىعىس اسكەري وكرۋگىنىڭ قولباسشىسى گەنەرال-مايور ولەگ مويسەەۆ دەگەن شەندى كەلەدى دەپ, سونى قارسى الۋ ءۇشىن ساپقا تۇرعىزعانى حابارلانىپ جاتىر.

الايدا كۇتكەن گەنەرال سول كۇيى كەلمەگەن, ەسەسىنە ۋكراينا قارۋلى كۇشتەرى تاراپىنان ەكى himars زىمىرانى ۇشىپ كەلىپ, شامامەن 60 جاۋىنگەردى جەر جاستاندىرعانى حابارلانىپ جاتىر.

 ؛

"15 اقپاننان بەرى قاراي كۇنىنە مىڭنان كەم ەمەس ورىس جاۋىنگەرى جەر جاستانىپ جاتىر, ال 18 اقپاندا ءتىپتى 1290 ورىس ءاۋمين بولىپتى", دەيدى سوعىستان حابار جەتكىزىپ جۇرگەن قازاق ساراپشىسى قۋانىش ەدىلحانتەگى.

 ؛

جالپى, 2022 جىلدىڭ 24 اقپانىندا ۋكرايناعا سوعىسپەن كىرگەن رەسەيدىڭ وسى كەزگە دەيىن 45 مىڭ جاۋىنگەرى ولگەنى انىق بولىپ, راستالدى.

تاۋەلسىز زەرتتەۋ جۇرگىزگەن جۋرناليستەر ۋكرايناداعى سوعىستا ولگەن 45 123 رەسەيلىكتىڭ ءاتى-جونىن انىقتادى. رەسەيدىڭ ادام شىعىنىن bbc تەلەارناسىنىڭ ورىس قىزمەتى مەن «؛مەديازونا»؛ ەرىكتىلەر توبىمەن بىرگە ساناپ شىقتى, دەگەن اقپارات پايدا بولدى.

ولگەندەردىڭ ۇشتەن ەكىسى سوعىس باستالعانعا دەيىن ارميامەن بايلانىسى بولماعان ادامدار: ەرىكتىلەر, موبيليزاسيالانعاندار, تۇرمەدە جازا وتەۋشىلەر جانە جەكەمەنشىك اسكەري كومپانيا جيناعان جاۋىنگەرلەر. موبيليزاسياعا ىلىگىپ, مايداندا ولگەن 5406 ادامنىڭ 80 پايىزى سوعىستىڭ ەكىنشى جىلى قازا بولعان.

كراسنودار ءوڭىرى, سۆەردلوۆسك وبلىسى, باشقۇرتستان جانە چەليابينسك وبلىسى سوعىستا ولگەندەر سانى جونىنەن الدا كەلەدى ەكەن.

ماسكەۋ مەن كيەۆ ۋكرايناداعى سوعىستا قانشا ادام ولگەنى تۋرالى مالىمەتتى بەرمەي, تاراتپاي وتىر.

ەكى تاراپ مايدانداعى جەتىستىگىن اسىرەلەپ, ساتسىزدىگىن ايتپاۋعا تىرىسادى.

"قامشى" سىلتەيدى
ىلمەك سوزدەر: رەسەي ۋكراينا سوعىسى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر