اقىلى جولداردى تەز ارادا جويۋ كەرەك!

بىلتىر جەلتوقساندا كولىك ءمينيسترى مارات قاراباەۆ اقىلى جولداردىڭ ءتاريفى قىمباتتايتىنىن ءمالىم ەتكەن.

حالقى كەدەيلەنىپ كەلە جاتقان قازاقستاندا ءبىراز جىلدان بەرى جولدار اقىلى بولىپ بارا جاتقانى بەلگىلى. ءبىراق ساپاسىنا ءالى سىن كوپ.

«؛قىزىلوردا &ndash؛ الماتى باعىتىمەن جۇك كولىگىمىزبەن بارىپ-كەلگەنگە 40 مىڭ تەڭگە تولەيمىز. اقىسى مەن ايىپپۇلىن تولەۋدى ءسال كەشىكتىرسەڭ, سوت ورىنداۋشىلارى شوتىمىزدى بۇعاتتاپ تاستايدى. جەڭىل كولىك يەلەرى دە ايىنا اقىلى جولمەن جۇرگەنى ءۇشىن ايىنا 15 مىڭ تەڭگە تولەپ ءجۇر. بۇعان جاعدايى جوقتاردىڭ شاماسى كەلمەيدى»؛, دەيدى جۇك كولىك جۇرگىزەتىن عازيز وقاپ.

«؛شىمكەنت &ndash؛ تۇركىستان اراسىنداعى جول وتە ناشار. اقىلى دەۋگە ۇيالاسىڭ. ؛ جول تەگىس ەمەس, وي-شۇقىر. كوپىرلەردىڭ ءۇستىن ايتپاي-اق قويايىن. دارەتحانالارىنا كىرۋدىڭ ءوزى قورقىنىشتى. تازالاپ جاتقان ەشكىم جوق. تولەپ جاتقان اقشالارىمىز قايدا كەتىپ جاتىر سوندا؟ ودان بولەك, وسى اقىلى جولداردىڭ كەسىرىنەن, ازىق-تۇلىك تە قىمباتتاپ كەتتى. جول اقىسى قىمباتتاسا, ارتىنشا وڭىرلەردەگى ازىق-تۇلىكتەر دە قىمباتتاپ كەتەدى»؛, دەيدى نۇرمۇحانبەت امانوۆ ەسىمدى ازامات.

ايتپاقشى, اقىلى جولدىڭ اقىسىن تولەمەگەندەرگە 5 اەك &ndash؛ 17 250 تەڭگە ايىپپۇل, زاڭدى تۇلعالارعا 10 اەك 34 500 تەڭگە ايىپپۇل سالىنادى.

ساياساتتانۋشى سانجار بوقاەۆ اقىلى جولداردىڭ اقشاسى كولىككە تولەنەتىن سالىقتان ءبولىنۋى قاجەت دەيدى.

&ndash؛ اقىلى جول &ndash؛ كوپتەگەن ەلدە بار نارسە. ءبىراق ول ەلدەردە جولدى بيزنەس ءوز اقشاسىنا سالىپ, اقىسىن الىپ, سول جولداردى ساپالى ۇستايتىن بيزنەس مودەلى قالىپتاسقان. ال بىزدە جولدىڭ ءبارى بيۋدجەت ەسەبىنەن, ياعني قازاقستاندىقتاردىڭ قالتاسىنان الىنعان اقشاعا سالىنعان. ەندەشە قازاقستاندا جولدىڭ اقىسى كولىككە تولەيتىن سالىقتان ءبولىنۋى كەرەك. ءبىز ءقازىر كولىك ءۇشىن ءبىر سالىق تولەيمىز, جولدى سالۋعا ەكى تولەيمىز, سوسىن ونىمەن جۇرگەنىمىز ءۇشىن تاعى دا تولەيمىز بە؟ بۇل دۇرىس ەمەس!

ەكىنشىدەن, اقىلى جولداردىڭ ساپاسى تومەن, اقىسى جوعارى. اسىرەسە, بيزنەس وكىلدەرى كوپ تولەيدى. مىسالى, تاۋار تاسۋمەن اينالىساتىن ءبىر كومپانيانىڭ يەسى جەكە كولىگى ءۇشىن ءبىر جىلدا 1 ميلليون تەڭگەدەن استام اقشا تولەگەن.

اقىلى جولداردان تۇسەتىن اقشا جولدى جوندەۋگە ەمەس, «؛قازاۆتوجول»؛ شتاتىنداعىلاردىڭ ايلىعىنا تولەنىپ جاتىر. مۇنى كولىك ءمينيسترىنىڭ بىلمەۋى ۇيات.

«؛قازاۆتوجولدىڭ»؛ شتاتى وتە ۇلكەن. حالىقتىڭ جول اقىسىنا تولەپ جاتقان اقشاسى قۇر ايلىق الىپ قانا جۇرگەن ادامدارعا كەتەتىن بولسا, وندا اقىلى جول نەسىنە كەرەك. وندا سول پەرسونالداردى الىپ تاستاپ, جولداردى تەگىن قىلۋ كەرەك, &ndash؛ دەيدى سانجار بوقاەۆ.