21 اقپان, 2024 بارلىق ايماقتار
ەلىمىزدە ترانسۇلتتىق ۇيىمداسقان قىلمىستىق توپتىڭ قىزمەتىنە توسقاۋىل قويىلدى
ەلىمىزدە ترانسۇلتتىق ۇيىمداسقان قىلمىستىق توپپەن بايلانىستى سينتەتيكالىق ەسىرتكى ءوندىرۋ جانە تاراتۋ ارناسىنىڭ جولى كەسىلدى. شەتەلدىك ءۇش ازاماتقا قاتىستى ترانسۇلتتىق ۇيىمداسقان توپ قۇرعانى, وعان باسشىلىق جاساعانى جانە قاتىسقانى ءۇشىن قىلمىستىق ءىس قوزعالدى.
![](/media/2024/02/21/crop-91_4_757x1010_ps.jpg?width=600&height=480)
polisia.kz
قىلمىستىق توپتىڭ مۇشەلەرى اقمولا وبلىسى ەرەيمەنتاۋ قالاسىنىڭ شەتىندە ورنالاسقان, ۇيىمداستىرۋشى ساتىپ العان جەكە ۇيدە قۇرىقتالدى. وندا كۇدىكتىلەر پسيحوتروپتىق زاتتاردى دايىنداپ, ساقتاعان.
"توپ مۇشەلەرىنىڭ اراسىندا رولدەر مەن مىندەتتەر ناقتى ءوزارا ايقىندالعان. ەسىرتكى زەرتحاناسىندا سالقىنداتۋ, جەلدەتۋ جۇيەلەرى, سونداي-اق سينتەتيكا ءوندىرۋ ءۇشىن ارنايى جابدىقتار بولعان. ەسىرتكى جاسىرىن تۇردە, قاتاڭ قۇپيالىقتى ساقتاۋمەن دايىندالعان. كۇدىكتىلەر كورشىلەردە كۇدىك تۋدىرماس ءۇشىن ۇيدەن تەك قاجەت بولعاندا عانا شىعىپ, ءۇيدىڭ پەريمەترى بويىنشا ۇيىمداستىرۋشىنىڭ wi-fi جەلىسىنە شىعاتىن بەينەباقىلاۋ كامەرالارىن ورناتقان. سونىمەن قاتار ەسىرتكى ازىرلەۋگە ارنالعان شيكىزاتتار مەن دايىن ءونىمدى ساقتايتىن گاراج جانە اۆتوكولىك ساتىپ الىنعان. بۇل مۇلىكتەردىڭ بارلىعى كولەڭكەلى سحەمامەن تولەنىپ, شەتەلدىك ساتىپ الۋشىنىڭ اتىنا تىركەلمەگەن", &ndash؛ دەدى ءىىم يميدجدىك جۇمىس جانە ىشكى كوممۋنيكاسيالار دەپارتامەنتىنىڭ باستىعى شىڭعىس الەكەشەۆ.
جالپى ءتىنتۋ كەزىندە 12 كەلىدەن استام مەفەدرون جانە 17 كەلىدەن استام پرەكۋرسور تاركىلەندى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر