20 اقپان, 2024 بارلىق ايماقتار
ەلىمىزدە ەندى ينفلياسيا باسقا تاسىلمەن ەسەپتەلەدى
2024 جىلى مامىر ايىندا ينفلياسيانى ەسەپكە الۋدىڭ جاڭا ادىستەمەسىنە كوشۋ جونىندەگى پيلوتتىق جوبا تىزگىن تارتادى. جاڭا ادىستەمەنى ازىرلەۋمەن قاتار, قازاقستاندا الەۋمەتتىك ماڭىزى بار ازىق-تۇلىك تاۋارلارىن ساتاتىن بارلىق ساۋدا جەلىسى مەن بولشەك ساۋدا ورنىندا باعا مونيتورينگىن نەعۇرلىم ەگجەي-تەگجەيلى جانە اشىق جۇرگىزۋ ءۇشىن ۇلتتىق ونىمدەر كاتالوگى ەنگىزىلگەلى جاتىر.
![](/media/2024/02/20/crop-53_1_278x371_inf.webp?width=600&height=480)
اشىق دەرەككوزدەن الىندى
ۇكىمەتتە ۆيسە-پرەمەر سەرىك ءجۇمانعاريننىڭ توراعالىعىمەن وتكەن كەڭەستە ينفلياسيا كورسەتكىشتەرىن ەسەپتەۋدىڭ جاڭا ادىستەمەسىنە كوشۋ جونىندەگى جۇمىس قورىتىندىلارى قارالدى.
ۇلتتىق ستاتيستيكا بيۋروسىنىڭ باسشىسى ماقسات تۇرلىباەۆ بيۋروعا وسى ءادىسناماعا كوشۋگە كومەك كورسەتەتىن حۆق ساراپشىسى ساپارىنىڭ قورىتىندىسى بويىنشا نەگىزگى ۇسىنىمدار بەرىلگەنىن مالىمدەدى. ولاردىڭ اراسىندا:
&ndash؛ اپتا سايىن ەمەس, ءۇش اپتانىڭ دەرەكتەرىن ەسكەرە وتىرىپ, ينفلياسيانىڭ ايلىق كورسەتكىشىن قالىپتاستىرۋ؛
&ndash؛ دەرەكتەردىڭ كورىنۋىنە تالداۋ جۇرگىزۋ, بۇل ولاردىڭ بولشەك ساۋداداعى ءۇي قوجالىقتارىن ساتىپ الۋلارىن ايتارلىقتاي كورسەتەدى؛
&ndash؛ تاۋارلاردىڭ جەكەلەگەن تۇرلەرى ءۇشىن تاجىريبەلىك يندەكستەر ەسەبىن جۇرگىزۋ.
«؛جۇمىس جوسپارىنا سايكەس ناۋرىز ايىندا جاڭا ءادىسنامانى پىسىقتاۋدى اياقتايمىز. ءساۋىر ايىندا باعدارلامالىق كەشەنگە وزگەرىستەر ەنگىزىلىپ, مامىر ايىندا يندەكستەردى ەسەپتەۋ بويىنشا پيلوتتىق جوبانى باستاۋدى جوسپارلاپ وتىرمىز. كەلەسى جىلدىڭ باسىنان باستاپ ءبىز جاڭا ادىستەمەگە تولىعىمەن كوشەمىز»؛, ؛- ؛دەدى ماقسات تۇرلىباەۆ.
سەرىك جۇمانعارين بۇل ماسەلەدە بەلسەندى تۇردە ىلگەرىلەۋدى ماقۇلداپ, 2023 جىلعا جاڭا ادىستەمە بويىنشا تالداۋ جۇرگىزۋ جانە اۋىتقۋ دارەجەسىن ءتۇسىنۋ ءۇشىن ەكى ادىسپەن الىنعان دەرەكتەردى ۇسىنۋ قاجەتتىگىن اتاپ ءوتتى.
«؛سيفرلىق ەكونوميكانى دامىتۋ ورتالىعى»؛ جشس باس ديرەكتورى بيكەش قۇرمانعاليەۆا ساۋدا جەلىلەرىنىڭ تاۋارلاردىڭ جاڭا نومەنكلاتۋراسىنا كوشۋى تۋرالى مالىمدەدى.
ينفلياسيا مونيتورينگىنىڭ قولدانىستاعى ءداستۇرلى جۇيەسى باعا كورسەتكىشتەرىن جيناۋ مەن تالداۋدىڭ ۇزاق جانە كوپ رەسۋرستى قاجەت ەتەتىن پروسەسىمەن كۇردەلەنە تۇسكەنى بۇرىننان تالقىلانىپ جاتىر. فيسكالدىق دەرەكتەر وپەراتورىندا تاۋارلاردى ءبىرىڭعاي جىكتەۋ جۇيەسى مەن ولاردى كودتاۋ جوق. دەرەكتەردى وڭدەۋ پروسەسىنىڭ دۇرىستىعىن جەڭىلدەتۋ جانە ارتتىرۋ ءۇشىن تاۋارلاردىڭ ءبىرىڭعاي نومەنكلاتۋراسىن ەنگىزۋ قاجەت.
تاۋارلاردىڭ ۇلتتىق كاتالوگى انىقتاما رەتىندە مىندەتتى تۇردە پايدالانۋ زاڭمەن بەلگىلەنگەن. قازىرگى ۋاقىتتا قازاقستاندا تاۋارلار مەن قىزمەتتەر تۋرالى اقپاراتتى جيناۋ مەن ەسەپكە الۋدى سيفرلاندىرۋ بويىنشا جۇمىس كەزەڭ-كەزەڭمەن جۇرگىزىلۋدە. سيفرلانعان دەرەكتەر ينفلياسيانى باقىلاۋ ءۇشىن قاجەتتى ستاتيستيكانىڭ ساپاسىن جاقسارتۋعا ءارنالعان.
«؛بىز ولاردىڭ ەسەپ جۇيەلەرىمەن ينتەگراسيالانىپ, ءقازىر تۇبىرتەكتەردى بەلسەندى ءارى اۋقىمدى زەرتتەۋ جۇمىستارىن جۇرگىزىپ جاتىرمىز»؛, - دەدى بيكەش قۇرمانعاليەۆا.
كەڭەس قورىتىندىسى بويىنشا تالداۋ ءۇشىن دەرەكتەردى بەرۋ كەزىندە تۋىندايتىن كەدەرگىلەردى تەزىرەك شەشۋ ءۇشىن بارلىق مۇددەلى مەملەكەتتىك ورگان جانە ۇيىممەن جۇمىس توبىن قۇرۋ تۋرالى شەشىم قابىلداندى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر