20 اقپان, 2024 بارلىق ايماقتار
سۋ تاسقىنى: بەكتەنوۆ جاۋاپتى لاۋازىمدى تۇلعالار جازالاناتىنىن ەسكەرتتى
قازگيدرومەتتىڭ بولجامى بويىنشا اقپان جانە ناۋرىز ايلارىنىڭ سوڭىندا مول جاۋىن-شاشىن ءتۇسۋى مۇمكىن. وسىعان بايلانىستى 10 ءوڭىردىڭ ەلدىمەكەندەرىن سۋ باسۋ ءقاۋپى بار.
![](/media/2024/02/20/crop-301_-4_1089x1451_bekten.jpeg?width=600&height=480)
primeminister.kz
اتاپ ايتقاندا, تاۋ سۋلارىنىڭ تاسۋى سالدارىنان: الماتى, تۇركىستان, شىعىس قازاقستان جانە جەتىسۋ وبلىستارى؛ قاردىڭ كوپ ەرۋىنە بايلانىستى: باتىس قازاقستان, اقمولا, سقو, قاراعاندى, پاۆلودار جانە قوستاناي وڭىرلەرىندە ءقاۋىپ بار.
 ؛
بۇل تۋرالى ۇكىمەتتىڭ سۋ تاسقىنى جاعدايىنا قاتىستى بۇگىنگى تالقى وتىرىسىندا تجم باسشىسى شىڭعىس ءارىنوۆ ايتتى.
مينيستر «؛كوكتەم»؛ رەسپۋبليكالىق كوماندالىق-شتابتىق وقۋ-جاتتىعۋ شەڭبەرىندە باسقارۋ ورگاندارىنىڭ كۇشتەرى مەن قۇرالدارىنىڭ ناقتى دايىندىعى تەكسەرىلگەنىن جەتكىزدى.
الايدا ؛پرەمەر-مينيستر بۇعان دەيىن وڭىرلەردە سۋ تاسقىنىنا قارسى بارلىق ءىس-شارانى ساپالى ىسكە اسىرۋ قاجەتتىگى تۋرالى بىرنەشە رەت تاپسىرمالار بەرىلگەنىن, ءبىراق مەملەكەتتىك ورگاندار مەن اكىمدىكتەر ءتيىستى شارالاردى تولىق كولەمدە قابىلداماعانىن سىنعا الدى. ؛
«؛ناتيجەسىندە 218 ءىس-شارانىڭ ء92-سى وسى ۋاقىتقا دەيىن ورىندالماي وتىر. جۇمىسقا بۇلايشا سەلقوس قاراۋعا بولمايدى. توتەنشە جاعدايلار مينيسترىنە جوسپارلانعان ءىس-شارالاردىڭ ورىندالماۋىنا جول بەرگەن ورتالىق جانە جەرگىلىكتى مەملەكەتتىك ورگانداردىڭ لاۋازىمدى تۇلعالارىنىڭ جاۋاپكەرشىلىگى تۋرالى ۇسىنىستار ەنگىزۋدى تاپسىرامىن»؛, ؛&mdash؛ دەدى ولجاس بەكتەنوۆ.
ول قالىڭ قار مەن جاڭبىر دا ءقاۋىپتى ارتتىرا تۇسەتىنىن اتاپ ءوتتى. بۇل رەتتە جەكەلەگەن وڭىرلەردە قار شىعارۋعا ارنالعان قاراجات تەك ءىرى قالالار مەن وبلىس ورتالىقتارىنا بولىنەدى. ال اۋىلدىق ەلدى مەكەندەردە قار شىعارۋ جۇمىستارى نازاردان تىس قالىپ وتىر.
ونىڭ ايتۋىنشا, ەلدىمەكەندەردىڭ كوشەلەرىن سۋ باسىپ قالۋ جانە ءبىرقاتار وڭىرلەردە جولداردى شايىپ كەتۋ فاكتىلەرى ءقازىردىڭ وزىندە تىركەلىپ وتىر. جالپى 217 ەلدىمەكەندە تاسقىن ءقاۋپى ساقتالۋدا.
«؛مۇنداي پروبلەما ەلدى مەكەندەردىڭ كوپشىلىگىندە جىلدان-جىلعا قايتالانىپ كەلەدى. مىسالى, قوستاناي وبلىسىنداعى قارامىرزا اۋىلى سوڭعى 4 جىل بويى قار سۋىنىڭ قۇرساۋىنان شىعا الماي وتىر. بيىل دا ەلدى مەكەنگە ءقاۋىپ تونۋدە. جولداردىڭ سۋ باسىپ قالۋىنا بايلانىستى اقمولا وبلىسىندا ياگودنوە, قوستاناي وبلىسىندا ەكىدىڭ, اقتوبە وبلىسىنداعى ويماۋىت, جارىق, وتەك جانە قۇمتوعاي اۋىلدارىمەن جىل سايىن قاتىناس ءۇزىلىپ قالادى»؛, ؛&mdash؛ دەدى ولجاس بەكتەنوۆ.
ۇكىمەت باسشىسى ءبىراز شارۋا اكىمدىكتەردىڭ ناقتى جۇمىسىنا بايلانىستى ەكەنىن اتاپ ءوتتى. وسىعان بايلانىستى ول ارىقتاردى, جاۋىن-شاشىن كارىزدەرىن ۋاقتىلى تازارتۋ, ۋاقىتشا بوگەتتەر سالۋ جانە ەلدى مەكەندەردە توپىراق ۇيىندىلەرىمەن بەكىتۋ جۇمىستارىن قامتاماسىز ەتۋدى تاپسىردى. ؛
«؛توتەنشە جاعدايلار مينيسترلىگى جىل سايىن «؛كوكتەم»؛ رەسپۋبليكالىق كوماندالىق-شتابتىق وقۋ-جاتتىعۋى شەڭبەرىندە سۋ تاسقىنى كەزەڭىنە ازىرلىك بارىسىن تەكسەرەدى. بارلىق وڭىرلەر سۋ تاسقىنىنا تولىق دايىنبىز دەپ باياندايدى. ال سايىپ كەلگەندە تۇرعىندار جانە سۋ باسقان عيماراتتار مەن ينفراقۇرىلىم زارداپ شەگەدى. ياعني, بۇل وقۋ-جاتتىعۋلار فورمالدى تۇردە وتكىزىلەتىنىن, ال دايىندىق قاعاز جۇزىندە عانا قالاتىنىن كورسەتەدى. ءبىز پارمەندى شارالار قابىلداۋىمىز قاجەت»؛, ؛&mdash؛ دەگەن ولجاس بەكتەنوۆ, وقۋ-جاتتىعۋ وتكىزۋ فورماتىن قايتا قاراۋدى تاپسىردى.
پرەمەر-مينيستر توتەنشە جاعدايلار مينيسترلىگىنە اكىمدىكتەرمەن بىرلەسىپ, ارنايى جانە ينجەنەرلىك تەحنيكانى شوعىرلاندىرۋى, بيزنەسپەن ولاردىڭ تەحنيكاسىن رەزەرۆ رەتىندە پايدالانۋ تۋرالى كەلىسىمگە كەلۋى, اسا ءقاۋىپتى ۋچاسكەلەردىڭ ماڭىندا قاجەتتى ماتەريالدار قورىن قامتاماسىز ەتۋدى مىندەتتەدى.
«؛كولىك قاتىناسى ءۇزىلىپ قالۋى مۇمكىن ەلدى مەكەندەردى الدىن الا ايقىنداپ, ونداعى ازىق-تۇلىك پەن دارى-دارمەكتىڭ قاجەتتى قورىن دايىنداۋ قاجەت»؛, &mdash؛ دەپ اتاپ ءوتتى ول. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر