16 اقپان, 2024 news
فوتو: getty images
رەسەيدەگى جازانى وتەۋ بويىنشا فەدەرالدىق قىزمەت 19 جىلعا سوتتالعان رەسەيلىك وپپوزيسيالىق ساياساتكەر الەكسەي ناۆالنىي قايتىس بولعانىن حابارلادى, دەپ ءجازدى ؛ۆۆس-دىڭ ورىس قىزمەتى.
"16.02.2024 جىلى № 3 تۇزەتۋ مەكەمەسىندە سوتتالۋشى ناۆالنىي ءوزىن جايسىز سەزىنىپ, بىردەن ەسىنەن تانىپ قالدى" دەلىنگەن فەدەرالدىق قىزمەت حابارلاماسىندا.
حابارلامادا بىردەن جەتكەن مەديسينا ماماندارى ەشتەڭە ىستەي الماعانى, ءولىم سەبەبى انىقتالىپ جاتقانى ايتىلادى.
ناۆالنىيدىڭ ءباسپاسوز حاتشىسى كيرا يارمىش ساياساتكەردىڭ ولگەنىن راستاعان جوق, تەك انىقتاپ جاتقانىن جەتكىزدى.
پۋتيننىڭ وپپونەنتى, وپپوزيسيالىق ساياساتكەر الەكسەي ناۆالنىي بىلتىر ەكسترەميستىك ءىس بويىنشا 19 جىلعا سوتتالىپ, جازاسىن ۆلاديمير وبلىسىندا قاتاڭ رەجيمدەگى كولونيادا وتەپ جاتقان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر