تازا سۋدى قاشانعى دالاعا توگىپ جۇرەمىز؟

سۋ تاپشىلىعى ماسەلەسىنە قاتىستى سۇراقتى qamshy.kz سۋ رەسۋرستارىن زەرتتەۋشى جانيا حايبۋلليناعا جولداعان ەدى.

«؛شىنىندا دا بيىلدان باستاپ سۋ تاپشىلىعىن كورەمىز»؛, دەيدى ول.

&ndash؛ قازاقستان سۋ تاپشىلىعىنا ۇشىراۋى مۇمكىن ەكەنىن عالىمدار بەكەردەن ايتىپ جۇرگەن جوق. ترانسشەكارالىق وزەندەر ماسەلەسى بار. ىلە مەن ەرتىس وزەندەرىنىڭ سۋى قىتايدان كەلسە, سىرداريانىڭ باسىندا قىرعىزستان مەن وزبەكستان وتىر, جايىقتىڭ باستاۋى رەسەيدەن كەلەدى. ەرتىستىڭ سۋى ازايسا زايسان كولىندە, ىلەنىڭ سۋى ازايسا قاپشاعاي مەن بالقاشتا, جايىقتىڭ سۋى ازايسا كاسپيي تەڭىزىندە سۋ ازايادى دەگەن سوز.

ەكىنشى ماسەلە, سۋدى بارىنشا ءتيىمدى پايدالانۋ كەرەك. رەسمي دەرەكتەرگە سۇيەنسەك, ەلىمىزدە سۋدىڭ 67 پايىزى اۋىل شارۋاشىلىعىنا جۇمسالادى. مەنىڭشە, ودان دا كوپ جۇمسالاتىن سەكىلدى. ال ونەركاسىپكە سۋدىڭ 30 پايىزى كەتەدى. قالعانى تۇرمىس-تىرشىلىككە جۇمسالادى. وكىنىشتىسى, ونەركاسىپكە پايدالانعان سۋدى ەكىنشى رەت پايدالانا المايمىز.

سۋ تاپشىلىعىنىڭ الدىن الۋ ماقساتىندا سۋ رەسۋرستارى مينيسترلىگى گيدروتەحنيكالىق قۇرىلىس ارقىلى سۋ قورىن جيناقتاۋ جۇمىستارىن باستاپ كەتتى. ودان بولەك, ءبىز حالىقارالىق تاجىريبەلەرگە سۇيەنىپ, سۋ تاپشىلىعىنىڭ الدىن الۋىمىزعا بولادى.

ماسەلەن, كورەيادا اسفالتتىڭ استىنا سورعىش ورناتىلادى. ول اسفالت استىنان سۋدى تارتىپ, كوشەگە سەبەدى. ول سۋ سوسىن جەر استىنا قايتا جينالادى. بۇل كوشە تازالاۋعا ارتىق سۋ شىعىنداماۋ ءۇشىن ويلاپ تابىلعان ءادىس. يزرايلدە ماسەلەن, تامشىلاتىپ سۋارۋ تەحنولوگياسى دامىعان. ال بىزدە شە؟ قازاقستاندا كوشەلەردى سۋ شاشىپ سىپىراتىن كولىكتەر سۋدى مۇلدەم ۇنەمدەمەيدى. بىزگە دە جاڭاعىداي تەحنولوگيالاردى ەنگىزىپ, سونىڭ ماماندارىن دايىنداۋ كەرەك, - دەيدى جانيا حايبۋللينا. ؛