12 اقپان, 2024 الەم
پاكىستاندا كوتەرىلىس بولىپ جاتىر
پاكىستاندا پارلامەنتتىك سايلاۋعا تاۋەلسىز كانديداتتار رەتىندە تۇسكەن ەكس-پرەمەر يمران حاننىڭ «تەحريك-ە-ينساف» پارتياسىنىڭ وكىلدەرى كۇتپەگەن جەردەن كوپ داۋىس جيناپ قويىپ, بيلىكتى ساستىردى.
ۆيدەودان الىندى
پاكىستاندا پارلامەنتتىك سايلاۋ ءوتتى. ونىڭ رەسمي ناتيجەسى ەكى اپتادان كەيىن جاريالانادى. ال الدىن الا جاريالانعان ناتيجەلەر ەلدە نارازىلىقتىڭ بۇرق ەتۋىنە تۇرتكى بولدى. پوليسيا شەرۋگە شىققانداردى باسۋ ءۇشىن كوزدەن جاس اعىزاتىن گاز قولدانعانى دا حابارلانادى.
the guardian باسىلىمى: «؛پاكىستاننىڭ بۇكىل وڭىرىندە پارلامەنتتىك سايلاۋ ناتيجەلەرى بۇرمالاندى دەگەن ۇرانمەن جاپپاي شەرۋ ءوتىپ جاتىر. ءىستى بولعان ەكس-پرەمەر يمران حاننىڭ جاقتاستارى كوشەگە شىعىپ, ءوز كانديداتتارىنا بەرىلگەن داۋىستاردى ساناۋ كەزىندە زاڭسىزدىق ورىن العانىن مالىمدەدى»؛ دەپ جازادى.
جەكسەنبىدە پارتيا بۇكىل ەل بويىنشا سايلاۋ كوميسسياسى فيليالدارى الدىندا جاپپاي نارازىلىق اكسيالارىن ۇيىمداستىردى. پاكىستان استاناسى لاحوردادا پوليسيا كەيبىر نارازىلىق بىلدىرۋشىلەردىڭ قولىن قايىرىپ, اباقتىعا قامادى. راۆالپيندي قالاسىندا شەرۋگە شىققاندار مەن پوليسەيلەر اراسىندا قاقتىعىس بولدى. پوليسيا كوزدەن جاس اعىزاتىن گازدى قولداندى. نارازىلىق اكسياسىنا ەلدىڭ وڭتۇستىگىندەگى كاراچي قالاسى, سونداي-اق بەلۋدجيستان, سيند جانە حايبەر-پاحتۋنحۆا سىندى ايماقتار دا قوسىلدى.
جاپپاي نارازىلىق اكسيالارىن ۇيىمداستىرعان تەحريك-ە-ينساف پارتياسى پاكىستاننىڭ بۇرىنعى پرەمەر-مينيسترى يمران حانمەن بايلانىستى. ول مەملەكەتتىك سىيلىقتاردى زاڭسىز ساتتى دەگەن ايىپپەن سوتتالعان. قاڭتار ايىنىڭ سوڭىندا وعان باسقا ءىس بويىنشا تاعى ەكى سوت ۇكىمى شىقتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر