09 اقپان, 2024 الەم
سولتۇستىك كورەيا 2020 جىلدان بەرى بيىل العاش رەت تۋريستەردى قابىلداي باستادى
وندا دا تۋريستەر دەگەنىمىز رەسەيلىكتەر ەكەن.
wikipedia
the telegraph باسىلىمىنىڭ مالىمەتىنشە, سوڭعى ءتورت جىلدا العاش رەت كحدر-عا ساياحاتتاۋعا رۇقسات العان تۋريستەر رەسەيلىكتەر ەكەن. سولتۇستىك كورەيا 2020 جىلى covid-19-دىڭ تارالۋىنا بايلانىستى شەكاراسىن تارس بەكىتكەن.
كحدر-عا ءتورت كۇندىك تۋردى رەسەيلىك تۋروپەراتورلاردىڭ ءبىرى ۇيىمداستىرىپ وتىرعانى ناقتىلانادى. ونىڭ اياسىندا ۆلاديۆوستوكتان پحەنيانعا جانە سولتۇستىك كورەيانىڭ ماسيكرەن تاۋ شاڭعىسى كۋرورتىنا بارىپ دەمالۋعا بولادى. ساپار قۇنى - ءبىر ادامعا 750 دوللار (337,3 مىڭ تەڭگە). بۇل سوماعا بەس جۇلدىزدى قوناقۇيدە ەكى ءتۇن جانە ءتورت جۇلدىزدى قوناقۇيدە ءبىر ءتۇن تۇنەۋ قۇنى دا ەنەدى.
ال ۆيكيپەديانىڭ بۇل ەل تۋرالى اقپارات بەرگەن پاراقشاسىنىڭ توبەسىندە مىنانداي ەسكەرتۋ ءىلىنىپ تۇر:
"سولتۇستىك كورەيادا تۋريستىك ساپار تەك ەكسكۋرسيا تۇرىندە جۇرگىزىلەدى. جەكەلەي, ءوز بەتىمەن بۇل ەلگە بارۋ مۇمكىن ەمەس. جەرگىلىكتى زاڭنىڭ, ءجۇرىس-تۇرىس تارتىبىمەن كەلىسپەيمىن دەسەڭىز, وندا بۇل ەلگە بارۋ رايىڭىزدان قايتقانىڭىز ءجون". ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر