«شىمشىق سويسا دا, قاساپشى سويسىن»

قازاقستاندا ەندى ارنايى پەداگوگيكالىق ماماندىعى جوقتار دا ساباق بەرە الادى. ياعني, 4 جىل پەداگوگيكالىق ماماندىقتى وقىماي-اق كەز كەلگەن ادام مەكتەپتە ءبىلىم بەرە الادى دەگەن ءسوز. ؛ ء

بىلىم ساپاسى ونسىز دا ناشار ەل ەدىك, ەندى بار-جوعى 6 اي كۋرستان ءوتىپ الىپ ءمۇعالىم بولۋ قيسىنعا سىيمايتىن سەكىلدى.

"qazbilim group" كومپانياسى باسقارما ءتوراعاسى اياتجان احمەتجانۇلى مۇنى جىلدان-جىلعا مەكتەپتە وقۋشى سانىنىڭ ارتۋىنان تۋىنداعان كادر تاپشىلىعىمەن تۇسىندىرەدى.

&ndash؛ بۇل شەشىم قابىلدانۋىنىڭ باستى سەبەبى &ndash؛ كادرلاردىڭ جەتىسپەۋى. شىنى كەرەك, مەكتەپتەردە ءوسىم بار. 2023 جىلى ء11-شى سىنىپتى 176 مىڭ بالا ءبىتىردى, ءتورتىنشى سىنىپتى 410 مىڭعا جۋىق بالا ءبىتىردى. ەلىمىزدە 3 مىڭنان استام پەداگوگ مامان جەتىسپەيدى. الداعى بەس جىلدا كادر جەتىسپەۋشىلىگى 10 مىڭعا جەتۋى مۇمكىن. سوندىقتان پەداگوگيكالىق ماماندىعى جوقتار قايتا دايارلاۋدان ءوتىپ, ساباق بەرۋىنە قارسى ەمەسپىن. سەبەبى, بۇرىن پەداگوگ ماماندىعىن تولىق بىتىرمەي, عىلىمي ماماندىققا نە باسقا سالاعا كەتكەن ءبىلىمى جاقسى ماماندار بار. سولار قايتا ورالسا, قارسى ەمەسپىن. ءبىراق پەداگوگيكالىق ماماندىق اركىم كەلىپ-كەتەتىن ماماندىق بولماۋى ءتيىس, &ndash؛ دەيدى ول.

انىعىندا, ەلىمىزدە پەداگوگ مامانداردى دايىندايتىن جوعارى وقۋ ورىندارى كوپ. جىلدا پەدوگوگيكالىق ماماندىقتاردى تاڭدايتىن تۇلەكتەر دە از ەمەس. سولاي بولا تۇرا, نەگە كادردى سىرتتان ىزدەۋ كەرەك دەگەن سۇراققا اياتجان احمەتجانۇلى ارنايى پەداگوگ ماماندىعىن بىتىرگەن ستۋدەنتتەردىڭ كوبىنىڭ ءبىلىمى ناشار ەكەنىن ايتتى. ؛

&ndash؛ پەداگوگيكالىق ماماندىقتى كەزىندە باللدارى تومەن تۇلەكتەر تاڭداعان. جالپى بۇل ماماندىققا بەلگىلى ءبىر ەمتيحاندار ارقىلى قابىلداۋ ءۇردىسى بولسا, دۇرىس ەدى. ءقازىر مامان جەتىسپەيدى دەپ ءبىر سىنىپتىڭ بالالارىن 40-قا جەتكىزسە, ءبىلىم ساپاسى تومەندەيدى, دەدى ول.

زەينەتكەر ۇستاز مەيرامكۇل تۇرانوۆا ءار سالادا ءوز مامانى جۇمىس ىستەۋى كەرەك دەيدى. ويتكەنى مەديسينا قىزمەتكەرلەرى سەكىلدى ماۇعالىمدەرگە دە بولاشاق جاس ۇرپاقتىڭ تاعدىرى سەنىپ تاپسىرىلادى. جوعارى ءبىلىمدى كەز-كەلگەن مامان پەداگوگيكالىق قىزمەتتى ءاربىر ءپاننىڭ وزىنە ءتان قيىندىعى مەن مەتوديكاسىن مەڭگەرىپ كەتەتىنىنە كۇمان بار. قازىرگى زاماندا ديپلومدى ساتىپ الىپ, ساۋاتسىز, تاياز ءبىلىمدى تۇلەك دايىنداپ, ءوز ءپانىن جەتىك بىلمەيتىن مۇعالىمدەر قاتارى كوبەيىپ كەتتى.

بىلىم ساپاسى &ndash؛ ۇلت بولاشاعى. پەداگوگيكا ماماندارىن دايىنداۋدان بۇرىن ءمۇعالىمدى كوشەدەن اكەلۋ قاي ساسقانىمىز؟