ۇلىبريتانيا كورولى ءىىى چارلزدان قاتەرلى ىسىك انىقتالدى

العاشقى ساتىداعى دەرت بولعاندىقتان جاقىندارى كورولدىڭ اۋرۋىنان تولىقتاي ايىعىپ كەتەتىندىگىنەن ءۇمىتتى. ؛بۇل تۋرالى ۇلىبريتانيا پرەمەر-مينيسترى ريشي سۋناك مالىمدەدى, دەپ حابارلايدى reuters اگەنتتىگى.

«؛چارلز مونارح رەتىندە ءوز جۇمىسىن جالعاستىرا بەرەدى, ءبىراق كەيبىر مىندەتتەردى پاتشا وتباسىنىڭ مۇشەلەرى اتقارۋى مۇمكىن»؛, - دەدى سۋناك.

the times گازەتى ۇلىبريتانيا كورولى ءىىى چارلزدىڭ قاتەرلى ىسىككە شالدىعۋىنا بايلانىستى كەيبىر قوعامدىق مىندەتتەردى ۋەلس حانزاداسى ۋيليام اتقاراتىنىن جازادى.

امەريكالىق باسىلىمنىڭ مالىمەتىنشە, حانزادا وتا جاساتقان جۇبايى كەيتتىڭ جانىندا بولۋ ءۇشىن دەمالىس العان, دەگەنمەن اكەسىنىڭ جاعدايىنان حاباردار بولعان ول جۇمىسىنا شۇعىل كەرى ورالماقشى.

حانزادا ۋيليام ءوزىنىڭ بۇقارالىق مىندەتتەرىنەن بولەك ەندى اكەسىنىڭ ورنىنا قوسىمشا ءبىرقاتار شاراعا قاتىسۋعا دا ءماجبۇر بولادى.

ەليزاۆەتا پاتشايىم دۇنيەدەن وزعاننان كەيىن, جالپى چارلزدىڭ تاققا وتىرعانىنا 18 اي بولىپتى. ؛ ؛

ايتا كەتسەك, كەشە, 6 اقپاندا مەملەكەت باسشىسى قاسىم-جومارت توقاەۆ ۇلىبريتانيا جانە سولتۇستىك يرلانديا بىرىككەن كورولدىگىنىڭ كورولى ءىىى چارلزدىڭ تەزىرەك ساۋىعىپ كەتۋىنە تىلەكتەستىك ءبىلدىرىپ, جەدەلحات جولدادى