• usd 468.56

  • eur 497.56

  • rub 7.3

  • cny 67.18

25 اقپان, 12:11:13
الماتى
+35°
ء

"بىز قارا حالىقپىز, كوشىپ كەتەتىن باسقا جەرىمىز, باسقا ءۇيىمىز جوق" دەگەن ءسوزى ءۇشىن 4 جىل تۇرمەگە كەسىلگەن بەلسەندى فايل السىنوۆتى جاقتاعان 10 مىڭداي ادام بۇگىن بايماق قالاسىندا ميتينگكە كوتەرىلدى.

حالىق "بوستاندىق!" جانە "فاشيستەر!" دەپ ۇرانداتۋدا.

ميتينگتى تاراتۋعا تىرىسقان قارۋلى جاساققا قارسى جينالعاندار قار مەن مۇز اتىپ, تارقاۋدان باس تارتۋدا.

ينتەرنەت بۇعاتتالدى.

2020 جىلى ەكسترەميست دەپ تانىلىپ, رەسەيدەن كەتىپ قالعان باشقۇرت بەلسەندىسى رۋسلان عابباسوۆ بۇكىل باشقۇرتستان رەسپۋبليكاسى بويىنشا "باعىنباۋ شاراسىن" باستاۋعا شاقىردى.

باشقۇرتتار ءوز تاريحىندا وتارلاۋشى رەسەيگە قارسى بۇعان دەيىن بەس رەت كوتەرىلگەن.

ساياساتتانۋشى ابباس گاللياموۆ بۇل جولعى ەرەۋىلدى ۇلتتىق كوتەرىلىس دەپ باعالايدى. "كەزىندە ءدال وسىنداي كوتەرىلىس كسرو-نى كۇيرەتكەن" دەيدى.

رەسپۋبليكانىڭ باسشىسى حابيروۆتى باشقۇرت جۇرتى "ماسكەۋدىڭ قولى" دەپ قابىلدايتىندىقتان, بۇل تولقۋدان كەيىن حالىقتىڭ ماسكەۋ مەن پۋتينگە دەگەن قاھارى تەك كۇشەيە تۇسپەك.

سوڭعى اقپاراتقا ساي, ماسكەۋ بيلىگى بايماقتاعى نارازى حالىقتى تاراتۋ ءۇشىن "روسگۆارديا" اسكەرىن جونەلتىپ جاتىر.

باشقۇرتتار ؛&ndash؛ ؛ازاتتىقتى اڭساپ كەلە جاتقان رەسەي فەدەراسياسى قۇرامىنداعى بايىرعى حالىق. ولار وزدەرىن "باشكورت" دەپ اتايدى. وعىز-تۇرىك تىلىنەن العاندا, باش &ndash؛ باس, كورت &ndash؛ قاسقىر دەگەن ماعىنانى بىلدىرەدى. كەزىندە ولاردىڭ قيماق قاعاناتى دەگەن قۋاتتى مەملەكەتى بولعان. باشقۇرت تايپاسى التىن وردانىڭ قۇرامىندا بولعان. التىن وردا قۇلاعان سوڭ قازان, نوعاي جانە ءسىبىر حاندىقتارىنىڭ قۇرامىنا كىردى. تاريحي دەرەكتەردە, باتىس باشقۇرت تايپالارى شامامەن 1554 - 1555 جىلداردىڭ باسىندا رەسەيدىڭ قۇرامىنا كىردى دەلىنەدى. باشقۇرتتار وزدەرىنىڭ شىعۋ تەگى, تايپالىق قۇرامى, ءسالت-داستۇرى, ءومىر سالتى, مادەنيەتى جاعىنان قازاق حالقىمەن تۋىستاس حالىق. تاريحي تۇرعىدان قاراعاندا, قازاق حالقىنىڭ كوپتەگەن تايپالارى باشقۇرتتاردا دا بار: قىپشاق, تاما, تابىن جانە تاعى باسقاسى. باشقۇرتتاردىڭ ءدىني سەنىمى ؛&ndash؛ سۋننيتتىك مۇسىلمان.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر