01 جەلتوقسان, 2023 بارلىق ايماقتار
"؛جاڭا قازاقستان"؛. جاستاردىڭ قۇنى 1 ملن تەڭگە
ءوز ەلىنىڭ جاستارىنا ورىن تاۋىپ بەرە المايتىن ەلمىز ءبىز
![](/media/2023/12/01/crop-2_2_464x826_1701319631409.jpeg?width=600&height=480)
فوتو اشىق دەرەككوزدەن الىندى
تاعى ءبىر قايعىلى وقيعا قازاقتىڭ قابىرعاسىن قايىستىردى. قانشاما جاس قىرشىننان قيىلىپ, قانشاما وتباسى قارا جامىلدى. وبالى كىمگە؟ قاۋىپسىزدىككە كوز جۇمعان كاسىپكەر مە, ونى قاداعالاماعان جەرگىلىكتى بيلىك پە؟
الماتىداعى ستۋدەنتتەردىڭ جاتاقحانا ماسەلەسى &ndash؛ جىلدا الدىمىزدان شىعاتىن ماسەلە. ستۋدەنتتەردىڭ ساياباق جاعالاپ, كوشەدە تۇنەپ جۇرگەنى تالاي باق-تا جازىلدى. الماتىعا كەلىپ وقۋعا تۇسۋشىلەر كوپ, ءبىراق جاتاقحانادا ورىن جوق.
&ndash؛ وقۋ ورنى جاتاقحانا بەرە المادى, بالامدى حوستەل دەگەنگە جايعاستىردىم, امال جوق. ايىنا 40 مىڭ تەڭگە تولەيمىز. ستۋدەنت 40 مىڭ تولەيدى دەگەن نە سۇمدىق؟ ونىڭ وزىندە ورىندار تولىپ تۇر, دەپ شاعىمىن ايتتى ءبىر ستۋدەنتتىڭ اناسى الما تۇساۋباەۆا.
جاتاقحانانىڭ ازدىعى مەن قالاداعى پاتەرلەردىڭ قىمباتتىعىنان جاستار حوستەل جاعالايدى. كەشەگى ورتەنگەن حوستەلدىڭ جاعدايى ءتىپتى سۇمدىق. جەرتولە.
جەرتولەنى جاتاقحاناعا بەرۋ زاڭسىز. ول حالىق بانككە قاراستى «؛كۋسا حالىق»؛ ءجشس-ى ala hostel جشس-ىنە جالعا بەرگەن. بۇل عيماراتتىڭ ادام تۇرۋعا ارنالماعانىن, تەك زات ساقتايتىن قويماعا ارنالعانى انىقتالدى. سوعان قاراماستان, يەلەرى ول جەردەن حوستەل اشىپ, ادامداردى تەرەزەسى جوق, اۋاسى تار جەرگە تۇرعىزعان.
بەيرەسمي دەرەكتەرگە سەنسەك, الماتىدا 253 حوستەل بار. باعالارى تاۋلىگىنە 2 مىڭ تەڭگەدەن باستالادى. 2gis كارتالارى الماتىنىڭ حوستەلدەرىندە ءقازىر نەبارى 15-18 بوس ورىن تۇر دەيدى.
قازاقستاننىڭ ءار تۇكپىرى تۇگىلى, الىس-جاقىن شەتەلدەن كەلگەن جۇمىسشىلار مەن ستۋدەنتتەر جاتىر, نە سانيتارلىق تالاپقا ساي ەمەس, نە ءورت قاۋىپسىزدىگى ساقتالمايتىن جەرلەردە. ءبىراق ءبىزدىڭ قۇزىرلى مەكەمەلەر ادەتتە تەك قايعىلى وقيعا ورىن العاندا عانا قيمىلداي باستايدى.
بۇل جاعدايدا جەرگىلىكتى بيلىك كىنالى. جاۋاپتىلار جازالانۋى ءتيىس. ءبىراق ءبىزدىڭ بيلىك قايعىنىڭ ءبارىن اقشامەن جۋىپ-شايىپ ۇيرەنگەن. جۋرناليست گۇلميرا ءابىقاي جازعانداي, قايعىعا ادامشا قايعىرۋعا مۇرشا جوق, وقيعانىڭ بايىبىنا بارىپ, كىم كىنالى ەكەنىن انىقتاپ, زەردەلەۋدىڭ ورنىنا ولگەن ادامعا تولەنەتىن قۇن تۋرالى اقپاراتتى العا شىعارادى.
&ndash؛ 5 بالا ورتەنىپ كەتكەندە استانانىڭ ورتاسىنان ءۇي بەرىلدى دەپ باسۋ ايتتىق. كەيىن بوسانىپتى دەپ تاعى شۋلادىق. بۇنىڭ ءبارى 5 پەرىشتەنىڭ ورنىن باسا المايدى. اياگوزدەگى تراگەديانى ەندىگى ۇمىتتىق تا. وندا دا 4 بالانىڭ ولىمىنەن كەيىن ءۇي بەرەدى دەگەن اقپارات باسىم بولدى. ءبىراق ول ءۇي ءالى بەرىلمەدى. اي بۇرىنعى 46 شاحتەردىڭ ولىمىنە دە 10 جىلدىق جالاقى تولەۋ, نەسيە وتەۋ جانە جانازالىق وتەماقىمەن جىلى جابىلۋدا. بۇل جولى دا سولاي, حوستەلدەگى ورتتەن قازا تاپقان ءوز ازاماتتارىمىزدىڭ تۋىستارىنا ميلليون تەڭگەدەن ءبولىندى. 1 ميلليون تەڭگە عانا. مارقۇم ەگەر الماتىلىق بولسا, جەرلەۋىن ۇيىمداستىرامىز, وزگە ايماقتان بولسا, دەنەسىن تۋعان جەرىنە اتتاندىرامىز دەدى. قىرشىن كەتكەن جاستاردىڭ اراسىندا 15 جاستاعى كوللەدج ستۋدەنتى بار. 13 جاستىڭ ء12-سى الماتىداعى ءىرى 5 وقۋ ورنىنىڭ ستۋدەنتى. وقۋ ورىندارىنىڭ رەكتورلارى ستۋدەنتتەردىڭ حوستەل جاعالاپ جۇرگەنىنەن بەيحابار بولىپ شىقتى. ولار «؛بۇل ستۋدەنت بىزدەن جاتاقحانا سۇراعان جوق»؛ دەپ قۇتىلدى»؛ دەيدى.
بۇل ارينە, جاستاردىڭ, ستۋدەنتتەردىڭ جاعدايىنا ەشكىم الاڭدامايتىنىن بىلدىرەدى. كەشەگى ورىن العان قايعىلى جاعدايدان ەندى ۇكىمەت تە, وقۋ ورىندارىنىڭ رەكتورلارى دا ساباق الۋى ءتيىس.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر