دەپۋتات 2024 جىلدى زورلىق-زومبىلىقپەن كۇرەسۋ جىلى دەپ جاريالاۋدى ۇسىندى

دەپۋتات قاراقات ابدەن ءماجىلىس وتىرىسىندا 2024 جىلدى زورلىق-زومبىلىقپەن كۇرەسۋ جىلى دەپ جاريالاۋدى ۇسىندى. بۇعان ەلدەگى ايەلدەرگە قارسى زورلىق-زومبىلىق پەن حاراسسمەنت وقيعالارىنىڭ كوبەيۋى سەبەپ بولىپ وتىر. دەپۋتاتتىڭ ايتۋىنشا, سوڭعى 10 ايدا تۇرمىستىق زورلىق-زومبىلىقتان 85 ايەل قازا تاپقان. ؛

"مەملەكەت باسشىسى ءوز جولداۋىندا «؛تارتىپسىزدىك پەن قۇقىق بۇزۋشىلىققا مۇلدەم توزبەۋشىلىك»؛ قاعيداسىن قالىپتاستىرۋدى تاپسىردى. سوندىقتان قوعامدا ورىن الىپ جاتقان ىستەرگە ءبىرىمىز بىردەي اسەر ەتۋىمىز قاجەت. كورشىنىڭ ۇيىندەگى داۋ-دامايعا, ايەلدىڭ, ستۋدەنت قىزداردىڭ كومەك سۇراعان جانايقايىنا بەي-جاي قاراساق, ارىپتەس كەلىنشەكتىڭ بەت-الپەتىندەگى كوگەرگەن ىزدەرگە جاناشىرلىق تانىتپاساق, زاڭدا قۇدىرەت قالمايدى. ايتىلعان ويىمدى قورىتىندىلاي كەلە, كەلەر جىلدى زورلىق زومبىلىققا قارسى كۇرەس جىلى دەپ جاريالاۋدى ۇسىنامىن!!!", دەدى دەپۋتات. ؛

سونداي-اق قاراقات ابدەن حاراسسمەنتكە قاتىستى زاڭ قاتاڭ قارالىپ, زاڭ جوباسىنا تۇزەتۋلەر مەن وزگەرتۋلەر ەنگىزىلۋ كەرەگىن ايتتى. دەپۋتاتقا حاراسسمەنتكە ۇشىراعان ستۋدەنتتەردەن 100-دەن اسا حات كەلگەن. ؛

"جالپى زورلىق-زومبىلىقتىڭ قاي ءتۇرىن بولسىن, حاراسسمەنتتى دە قاتاڭ قاراپ, زاڭ جوباسىنا ءبىرقاتار وزگەرتۋلەر مەن تولىقتىرۋلار ەنگىزۋ قاجەتتىلىگى تۋىنداپ وتىر.

بۇل جولى ستۋدەنت قىزىمىز باتىل بولىپ شىقتى. ەش قورىقپاستان بولعان جاعدايدى جايىپ سالدى. ءتيىستى شەشىم قابىلدانىپ, الگى حاراسسەر جۇمىستان شىعارىلدى. ءبىراق, ءبىز &ndash؛ مۇنداي ماسەلەنى ءارقاشان ستۋدەنتتىڭ &ndash؛ باتىلدىعىنا, باسشىنىڭ &ndash؛ ادىلدىگىنە سەنىپ قويا المايمىز. جۇيەلى, كەشەندى شەشىمدەر كەرەك.

كەشە عانا مەكتەپ ءبىتىرىپ, اۋىلىنان شىعىپ كورمەگەن اقۇرپەك بالاپانداي جاپ-جاس قىزداردى قورعاۋىمىز كەرەك. يبالى, كەي-كەزى تىم ۇيالشاق, مۇمكىن, جاسقانشاق قازاق قىزى &ndash؛ ءوز باسىنان وتكەن وسىنداي جاعدايدى ايتا بەرمەيدى", دەدى قاراقات ابدەن. ؛