• usd 468.56

  • eur 497.56

  • rub 7.3

  • cny 67.18

25 اقپان, 12:01:34
الماتى
+35°

مادەنيەت جانە اقپارات ءمينيسترى ايدا بالاەۆا ءماجىلىس وتىرىسىندا "ماسس مەديا" تۋرالى زاڭ جوباسىن تانىستىردى. جوبانىڭ تانىستىرىلىمىنان كەيىن دەپۋتات قازىبەك يسا مينيسترگە سۇراق قويدى. دەپۋتات قازاق تىلىندەگى حابارلار سانىن 70 پايىزعا كوبەيتۋ كەرەگىن ايتتى. ؛

"قازاق حالقىنىڭ سانى 70 پايىزدان اسىپ, قازاق ءتىلدى مەكتەپ بىتىرۋشىلەردىڭ گرانتى 70 پايىزعا جەتتى.ال قازاق ءتىلدى you tube ارنالاردىڭ جازىلىمى وزگە تىلدەرگە سالىستىرعاندا 10 ەسە كوپ. ءبىر عانا «؛ويان, قازاق!»؛ ءفيلمى رەكورد جاساپ, ميلليونداعان قارالىم جينادى. الايدا قازاقشا وقىمايتىن قازاق ۇكىمەتى قازاق تىلىنە دەگەن تالاپتىڭ وتە جوعارى ەكەنىن قايدان ءبىلسىن. قازاق ءتىلدى حابارلاردىڭ ءبارى ەل جاتىپ قالعان ءتۇن جارىمداردا كورسەتىلەدى. قازاقتار تۇنىمەن ۇيىقتامايدى دەپ ويلايسىزدار ما؟ بۇل قازاقشا حابارلار 70 پايىزدان كەم بولماي, ەل كورەتىن ۋاقىتتا كورسەتىلۋى ءتيىس. بۇل تالاپقا قالاي قارايسىز؟", - دەدى دەپۋتات قازىبەك يسا. ؛

ايدا بالاەۆا ەلىمىزدەگى باق وكىلدەرىنىڭ كوبى جەكەمەنشىك ەكەنىن ايتتى. جەكەمەنشىك باق-تىڭ قاي تىلدە حابار بەرۋىنە بايلانىستى مينيسترلىك تالاپ قويا ءالمايدى. ؛

"قازىر 5459 بۇقارالىق اقپارات قۇرالى رەسمي تىركەلگەن بولسا, سونىڭ 90 پايىزى جەكەمەنشىك. سوندىقتان بيزنەس سۋبەكتىلەرىنە جاتادى. سول سەبەپتى ۇلتتىق ەكونوميكا مينيسترلىگى ارنايى ساراپتاما جۇرگىزۋدە. سونىڭ ناتيجەسى شىققان سوڭ وزدەرىڭىزگە ايتاتىن بولامىز. ال قازاق كونتەنتىن كوبەيتۋگە كەلسەك, ماعان سالسا ءبارىن 100 قازاقشا قىلار ەدىم", - دەدى ؛ مينيستر.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر