ميتينگ: "؛جاڭا ادامدار"؛ جاڭا تۇرىكمەنستان قۇرعىسى كەلەتىندەي...

«؛جاڭا ادامدار»؛ ميني-توقاەۆشىلار, كىشى-توقاەۆتار ۇرپاعىن قالىپتاستىرىپ جاتىر»؛.

بۇگىن الماتى قالاسىندا زورلىق-زومبىلىققا قارسى ميتينگ ءوتتى. ۇيىمداستىرۋشىسى توقاەۆتىڭ باتاسىن العان «؛جاڭا ادامدار»؛. بۇل قوزعالىستى ؛ «؛حايۋاندار الەمىندە»؛ نەمەسە «؛جوق»؛ دەپ ايتۋ قۇقىعى بار ادامداردىڭ مارشى دەپ اتاعان.

«؛جاڭا ادامدار»؛ سوڭعى ۋاقىتتا بولعان زورلىق-زومبىلىققا قاتىستى بارلىق جاعدايلاردى سانامالاپ ايتىپ ءوتتى. تانىمال نە قاراپايىم ازاماتتىڭ باسىنداعى اۋىر جاعداي, ۇستازدار مەن تاربيەشىلەردىڭ تاراپىنان بالاباقشا, مەكتەپ قابىرعاسىنداعى ۇرىپ-سوعۋ, زورلاۋ فاكتىسى دە ايتىلماي قالمادى. ورتاق شىعارعان ءتۇيىنى زورلىق-زومبىلىقتىڭ جىنىسى, لاۋازىمى, جاس ەرەكشەلىگى جوق. بۇعان اكەلەتىن باستى فاكتور &ndash؛ ؛ «؛جوق»؛ ءسوزىن ەستي الماۋ.

ميتينگىگە مارقۇم سالتانات نۇكەنوۆانىڭ اعاسى ايتبەك امانگەلدى دە كەلىپ قاتىستى. ءسوز كەزەگىندە بۇنداي اۋىر ازاپتى ەشكىمنىڭ باسىنا تىلەمەيتىنىن,

• سوڭعى ەكى اپتادا ءومىرىمىز تۇبەگەيلى وزگەردى. بۇگىنگى زورلىقشىل قوعامنىڭ سۇمدىعىن ەشقاشان ۇمىتپاسپىن. تۇرمىستىق زورلىق-زومبىلىقتان باستاپ زاڭ ورگاندارىنىڭ بەي-جاي قاراۋى, جابىرلەنۋشىلەردىڭ قورعانسىزدىعى بۇگىنگى قوعامنىڭ بەت-بەينەسىن كورسەتەدى. وسىنداي قوعامدى كىم جاساپ شىعاردى؟ بۇنداي زاڭداردى كىم جازدى؟ وسىنى جازعان ادامدار ءۇمىتىمىزدى اقتاي الماعانىنا كوز جەتتى. جاڭا زاڭ, جاڭا جۇيە كەرەك! اسىرەسە, تۇرمىستىق زورلىق-زومبىلىققا قاتىستى زاڭدى قاتاڭداتۋ كەرەك, &ndash؛ دەي كەلە ۋاقىتىلى زاڭعا جۇگىنۋ, جابىرلەنۋشىگە قول ءۇشىن بەرۋ ماڭىزدى ەكەنىن جەتكىزدى. &ndash؛ بۇل ءبىرىنشى قادام. كەلەسى كەزەكتە قوعام بولىپ توقتاۋ سالۋىمىز قاجەت. ءبىز وتباسىمىزبەن بۇل جولدى سانالى تۇردە تاڭداماعان ەدىك. ءبىراق ءقازىر اۋلەتىمىزبەن تۇگەل وسى ىسكە اتسالىسىپ جاتىرمىز. زاڭ سەنىمىمىزدى اقتامادى, ەڭ بولماعاندا بىر-بىرىمىزگە جاناشىر بولايىق.

قوزعالىستىڭ بەلسەندىلەرى: ء«؛بىز ءالى دە «؛حايۋاندار الەمىنىڭ زاڭدارى»؛ بويىنشا ءومىر سۇرەمىز. ؛ ءبىز ءبىر-بىرىمىزدى ۇرۋدى قاشان دوعارامىز؟ جانۋارلار الەمىنىڭ زاڭدارى بويىنشا ءارى قاراي ءومىر سۇرە بەرەمىز بە؟»؛ دەپ جينالعاندارعا ۇندەۋ تاستادى.

جينالعانداردىڭ باسىم كوپشىلىگى سول ۇيىم ادامدارى, جۋرناليستەر مەن بلوگەرلەر. سىرتتان كەلگەن ادام قاراسى از. حالىقتىڭ از بولۋى قوزعالىستىڭ اتاۋىنا بايلانىستى. شاقىرتۋ سالىنىپ, الەۋمەتتىك جەلىدە جارناما تاقتاسى ىلىنگەننەن ساتتەن-اق نارازى كوممەنتارييلەر كوپ جازىلدى. زورلىق اتاۋلى جانۋارلار الەمىندە جوق. وسىعان سۇيەنگەن كوپشىلىك جەر بەتىندەگى زۇلىمدىقتار حايۋاننىڭ ەمەس ادامداردىڭ كەسىرىنەن بولىپ جاتقانىن, جانۋارلاردى بۇلاي قورلاماۋىن سۇراپ, مارش اتاۋىن وزگەرتۋدى تالاپ ەتتى. سولاردىڭ ءبىرى جۋرناليست, قوعام بەلسەندىسى كاميلا ەنسەگەنوۆا. qamshy.kz حابارلاسىپ, بەلسەندىدەن ۇيىم مەن قوزعالىسقا قاتىستى پىكىر سۇرادى.

• مەندە بۇل ۇيىمعا ەكى سۇراعىم بار: ءبىرىنشى, نەگە تاقىرىبىن حايۋاندار الەمى دەپ قويدى؟ ءبىزدىڭ ەلدە كەي ەركەكتەر ءيتتى زورلاپ جاتادى, مىسىقتاردى قورلاپ ولتىرەدى. بايقۇس جانۋارلاردىڭ نە قاتىسى بار؟ ەركەكتەر دەپ ايتۋعا ءداتى جەتپەيدى, ويتكەنى «؛دايۋ پريكاز سترەليات نا پوراجەنيە»؛ دەپ بۇيىرعان سۇيىكتى پرەزيدەنتى توقاەۆ تا ەركەك قوي. سول ءۇشىن ءتىلسىز جانۋارعا جابا سالدى. تۇرمىستىق زورلىق-زومبىلىق, كىسى ءولتىرۋ سياقتى اۋىر قىلمىستاردى كوبىنە ەركەكتەر جاسايدى. نەگە: «؛ەركەكتەر, ايەلدەردى زورلاماڭدار, ۇرماڭدار!»؛ دەپ اشىق ايتپايدى؟ ەكىنشى ماسەلە, «؛جاڭا ادامدار»؛ اقشانى قايدان الادى؟ استانادان 500 ادام توپىرلاپ كەلدى. ءبارىنىڭ ۇستىندە ارنايى تىگىلگەن كۇرتەشە, شارف. بۇل اقشانى ولارعا كىم جانە نە ءۇشىن بەرەدى؟ مەملەكەتتىڭ نە حالىقتىڭ الدىندا قانداي دا ءبىر ەسەپ بەرە الا ما؟ «؛ەسكى قازاقستانداعى»؛ شەنەۋلىكتەر حالىققا اقشانىڭ قايدا كەتكەنى تۋرالى ەسەپ بەرمەيتىن, بۇلار دا ءدال وسىنى قايتالاپ تۇر, &ndash؛ دەپ ساۋال تاستادى.  ؛

ايگەرىم قۇسايىنقىزى, گەندەرلىك ەكونوميكانى زەرتتەۋشى زاڭگەر:

• «؛فەمينيتا»؛ ۇيىمى بۇل ميتينگىگە بىرنەشە شاقىرتۋ الدى. ءبىراق «؛جانۋارلار الەمىنە جوق دەپ ايت»؛ ۇرانىن جازىلعان ءسوزدى وقىعاننان-اق شوشىندىق. جانۋارلار تاقىرىبىن سالىستىرۋعا قارسىمىز. جابايى جانە ءۇي جانۋارلارىن جاپپاي ءولتىرۋ ورىن الىپ جاتقاندا, ولاردى زورلىقشىلدار, ابيۋزەرلەرمەن سالىستىرۋ قاتە. ال جالپى بۇل بۇقالار جەكپە-جەگىنە قارسى ناۋقانعا ۇقسايدى. ايتا كەتەيىك, باسىندا «؛جا»؛-دىڭ بەيبىن جيىن وتكىزۋگە رۇقساتى بولماعان, ءبىراقحالىقتى شاقىرۋ ناۋقانى الماتى قالاسىنىڭ اكىمدىگىنەن رۇقسات الماس بۇرىن باستالدى. ەگەر وسىلاي 2017-2022 جىلدارى جيىن وتكىزەتىن الماتى نە استانا ۇيىمداستىرۋ كوميتەتى جاساسا, بۇل اكىمشىلىك جاۋاپكەرشىلىككە تارتىلۋمەن اياقتالاتىن ەدى. سەلەكتيۆتىلىك, ءبىر بەلسەندىنى ەكىنشىنىڭ پايداسى ءۇشىن كەمسىتۋ &ndash؛ ءقاۋىپتى دابىل! اگرەسسيۆتى كوممۋنيكاسيا, ۆيجۋال جانە جاستاردى جەدەل جيناۋىنا قاراساق, بۇل توقاەۆقا جاقىن شەنەۋلىكتەردىڭ باسشىلىعىمەن ىستەلىپ وتىرعان كەزەكتى مەملەكەتتىك جوبا بولىپ كورىنەدى. «؛جا»؛ ميني-توقاەۆشىلار, كىشى-توقاەۆتار ۇرپاعىن قالىپتاستىرىپ جاتقانى تۇسىنىكتى.

شالقار نۇرسەيىت, ساياساتكەر:

• تۇرمىستىق زورلىق-زومبىلىق قازاقستاندا بارلىق الەۋمەتتىك توپقا ورتاق وتە وزەكتى ماسەلە. ازاماتتاردى, اسىرەسە ءىرى قالا تۇرعىندارىن موبيليزاسيالاۋعا, بيلىككە ساياسي تالاپتار قويۋعا جۇمىلدىرۋعا وڭتايلى ماسەلە. سوندىقتان اۆتوريتار رەجيمنىڭ وسى ماسەلە بويىنشا كۇن ءتارتىبىن ءوز قولىنا العىسى كەلىپ جاتقانى بەكەر ەمەس. ماسەلەن, پرەزيدەنتشىل &ldquo؛جاڭا ادامدار&rdquo؛ ۇيىمى 26 قاراشادا الماتىداعى &ldquo؛سارىارقا&rdquo؛ كينوتەاترى ارتىندا بيلىكتىڭ رۇقساتىمەن ميتينگى ۇيىمداستىرماقشى. باسىندا 25 قاراشادا قبتۋ الدىنداعى الاڭدا مارش ۇيىمداستىرۋعا قىسقا ۋاقىتتا وپ-وڭاي رۇقسات العان. كەيىن الماتى اكىمدىگىنىڭ ۇسىنىسىمەن ءبىر كۇن كەشىگىپ, قالانىڭ شەت جاعىندا ميتينگى وتكىزۋگە كەلىستى. مينيسترلەرگە ق.توقاەۆتىڭ قاناتتى سوزدەرى جازىلعان كۇندەلىك سىيلاعان جاستارعا قاراپ, ولار جاڭا قازاقستان ەمەس, جاڭا تۇرىكمەنستان قۇرعىسى كەلەتىندەي اسەر قالادى.
  
  بۇل ميتينگىنى ۇيىمداستىرۋ ارقىلى &ldquo؛جاڭا ادامدار&rdquo؛ كوپشىلىكتىڭ كوز الدىندا ساياسي ۇپاي جيناپ, پوتەنسيالى جوعارى ۇيىم رەتىندە كورىنگىسى كەلەدى. ال اقوردا ازاماتتىق قوعام وكىلدەرىمەن ديالوگتىڭ يميتاسياسىن جالعاستىرۋ ءۇشىن وسىنداي ءىس-شارالار ارقىلى گونگو ۇيىمداردى كوبەيتكىسى كەلەدى. تۇرمىستىق زورلىق-زومبىلىق ماسەلەسىن ساياسي شەشىمسىز شەشۋ مۇمكىن ەمەس. ءبىراق ول شەشىم &ldquo؛جاڭا ادامدار&rdquo؛ سەكىلدى ۇيىمداردىڭ ميتينگىسى سياقتى جاساندى ءارى ۋاقىتشا بولماۋى ءتيىس.
•