20 قاراشا, 2023 ساياسات
ەسكى قازاقستاننىڭ كورسەتكەن سەسى
نە بولدى؟ كىل "؛بۇرىنعىلار"؛ جينالىپ, بولاتتىڭ اسىن وتكىزدى...
![](/media/2023/11/20/crop-100_2_364x485_061902236700.jpg?width=600&height=480)
فوتو: matritca.kz
"ەسكى قازاقستانى قايسى, جاڭاسى قايسى" دەپ ۇقپاي جۇرگەندەر بار ما ەدى؟
وتكەن سەنبىدە استاناداعى "رەسپۋبليكالىق باس مەشىتتە" (ونداي دا بار) كەشەگى ەلباسىمىز نۇرسۇلتان نازارباەۆ مارقۇم ءىنىسى بولات نازارباەۆتىڭ اسىن بەردى.
بولات نازارباەۆتىڭ ولىمىنە ءالى سەنبەي جۇرگەندەردىڭ بار كۇمانى وسىمەن تىنسا كەرەك. ء ؛
بىر قىزىعى, بولات مارقۇمنىڭ اسى "جابىق جاعدايدا" ءوتتى. قاراپايىم حالىقتان ەشكىمدى كىرگىزبەگەن. ەسەسىنە "ەسكى قازاقستان" قاز-قالپىندا جينالدى. ماسەلەن, اسقا كەلگەندەر اراسىندا تۇڭعىش پرەزيدەنت نۇرسۇلتان نازارباەۆتىڭ ءوزىن ايتپاعاندا:
- ۇقك ەكس-باسشىسى نۇرتاي ابىقاەۆ ؛
- كونستيتۋسيالىق كەڭەستىڭ بۇرىنعى ءتوراعاسى قايرات مامي ؛
- تۇركىستان وبلىسىنىڭ بۇرىنعى اكىمى ءومىرزاق شوكەەۆ ؛
- ىشكى ىستەر ءمينيسترى بولعان قالمۇحانبەت قاسىموۆ پەن ەرلان تۇرعىمباەۆ ؛
- داريعا نازارباەۆا مەن ونىڭ كۇيەۋى قايرات شارىپباەۆ ؛
- بۇرىنعى باس پروكۋرور قايرات قوجامجاروۆ ؛
- پرەزيدەنت اكىمشىلىگىن باسقارعان ادىلبەك جاقسىبەكوۆ ؛
- وليگارح كۇيەۋ بالا تيمۋر قۇلىباەۆ ؛
- الماتىنىڭ ەكس-اكىمى جانە "سامۇرىق قازىنا" قورىنىڭ ەكس-باسشىسى احمەتجان ەسىموۆ ؛
- پرەزيدەنتتىڭ ەكس-كومەكشىسى ءھام كونستيتۋسيالىق كەڭەستىڭ بۇرىنعى حاتشىسى قايىربەك سۇلەيمەنوۆ ؛
- بۇرىنعى ءماجىلىس دەپۋتاتى قۋانىش سۇلتانوۆ ؛
- پرەزيدەنت اكىمشىلىگىندە ءىس باسقارعان اباي بيسەمباەۆ ؛
- شقو-نىڭ ەكس-اكىمى دانيال احمەتوۆ ؛
- ەلدىڭ بۇرىنعى باس يدەولوگى بولعان مارات ءتاجين ؛
- بۇرىنعى قورعانىس ءمينيسترى نۇرلان ەرمەكباەۆ ؛
- نازارباەۆ زياتكەرلىك مەكتەپتەرىن باسقارعان كۇلاش شامشيدينوۆا
- تاريحشى بۇركىتباي اياعان, نۇرسۇلتان مەن بولات نازارباەۆتاردىڭ تۋعان قارىنداسى ءانيپا نازارباەۆا, كەشەگى "ساراي بۇلبۇلى" ەرمۇحامەت ەرتىسباەۆ سياقتى تۇلعالار بايقالدى.
بۇلاردىڭ ءبارى &ndash؛ كىلەڭ بۇرىنعى باسشىلار بولعانىمەن, قولىندا ءالى دە بايلىعى, كەرەك دەسەڭ كۇشى, ارتىنان ەرەر رۋلاس-جىمداستارى بار, بىلايشا ايتقاندا جەردە جاتقان ادامدار ەمەس ەكەنى انىق. قازاقستانداعى ءالى تالاي جەرگە ىقپالى جۇرەدى, مەشىتتەگى وسى اس تۋرالى اقپاراتتى تاراتۋعا وزدەرىنىڭ باق-تارىنا پارمەن بەردى.
نازارباەۆ كوسىلە سويلەدى, ءوز ەڭبەگىن قازاق حالقى ەلەۋ كەرەكتىگىن جەتكىزدى. دانيال احمەتوۆ: "بولات نازارباەۆ ادال ادام بولدى" دەدى.
ايتپاقشى, كەي باسىلىمداردا كىلەڭ "بۇرىنعىلار" جينالعان بولاتتىڭ اسىنا "قازىرگى" ەنەرگەتيكا ءمينيسترى الماسادام ساتقاليەۆ قاتىسىپتى دەگەن اقپارات شىقتى. سول-اق ەكەن, مينيسترلىكتىڭ وكىلى جىلان شاعىپ العانداي جالما-جان "بۇل مالىمەت جالعان, مينيستر اتالعان ءىس-شاراعا قاتىسقان جوق" دەپ جانتالاسا اقپارات تاراتتى. ەگەر دانيال احمەتوۆ ايتقانداي, بولات ادال ادام بولسا, ونىڭ اسىنا بارۋدا تۇرعان نە بار ەدى, سونشاما؟
دەگەنمەن, قازىرگى بيلىكتە وتىرعان شەنەۋنىكتەردىڭ نازارباەۆتارعا قاتىستى ءىس-شارالاردان ات تونىن الا قاشۋى تەگىن ەمەس سياقتى. "جىلاندى ءۇش كەسسەڭ دە كەسىرتكەدەي كۇشى بار", ەسكى قازاقستان رەۆانش جاساپ, بيلىككە قايتا جارماسۋى مۇمكىن دەگەن كۇدىك بار ءالى قوعامدا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر