07 قاراشا, 2023 سۇحبات
الداعى 5 جىلدا تۇرمەدە بوس ورىن قالمايدى – زاڭگەر
بىزدە ۇلعا دا, قىزعا دا شەشەسى قارايدى. اكەلەردە ۋاقىت جوق.
![](/media/2023/11/07/crop-77_3_1784x2379_ispravitelnoe-uchrezhdenie-scaled-1.jpg?width=600&height=480)
acca.media
قازاقستاندىق زاڭگەر ءلاززات راقىشەۆا بالا كۇنىندە, بەس جارىم, التىعا تاقاعان جاسىندا زورلانعانىن ايتادى. 18 جاستاعى كورشى بالا زورلىق جاساعان ەكەن. ءقازىر ول قۇقىق قورعايتىن قوعامدىق قوردىڭ باسشىسى. زورلىق كورگەن, قورلىق كورگەن بالالار مەن ايەلدەردىڭ قۇقىعىن قورعايدى.
قازاقستاندا ءقازىر قىز بالاعا عانا ەمەس, ۇل بالاعا دا زورلىق جاساۋ جيىلەپ كەتتى. نە بولدى, ءمانى نەدە؟ ستاتيستيكادان بولەك, ۇندەمەي, ۇيات بولادىعا سالىپ وتىرعاندار وتە كوپ. مۇنى توقتاتۋ ءۇشىن جۇيەلى جۇمىس, بالالار قۇقىعىن قورعايتىن الگوريتم بولۋى كەرەك, دەيدى زاڭگەر qamshy.kz تىلشىسىنە.
&ndash؛ ۇيالاتىنى جوق. جىنىستىق ساۋاتتى ۇيرەتۋىمىز قاجەت. بالاباقشا, مەكتەپ پەن بالاباقشادان باستاپ جەكە شەكارانى قورعاۋدى, ءوز دەنەسىنە ەشكىمنىڭ قول سۇعۋعا قۇقىعى جوق ەكەنىن, ءوزىنىڭ قۇقىعىن بالا ءبىلۋى كەرەك.
بارى وتباسىنان باستالادى. ۇل بالاعا اكە تاربيە بەرۋى ءتيىس. بىزدە ۇلعا دا, قىزعا دا شەشەسى قارايدى. اكەلەردە ۋاقىت جوق, جۇمىستا. پسيحولوگيالىق قاتىناس جوق. بالامەن اشىق سويلەسۋ كەرەك. ۇلدارعا دا «؛مىناۋ سەنىڭ جەكە شەكاراڭ. سەنىڭ ءىش كيىمىڭە, دەنەڭە تيىسۋگە ەشكىمنىڭ قۇقىعى جوق. ءبىر جاعداي ورىن السا, ماعان ايت. مەنەن ەشتەڭە جاسىرما. مەنەن ەشقاشان قورىقپا. قانداي جاعداي بولسا دا سەنى قورعايمىن. سەنى جاقسى كورەمىن»؛, دەپ ايتىپ وتىرۋ كەرەك. بىزدە ونداي جوق قوي.
بالاعا كىشكەنتايىنان جىنىستىق تاربيە بەرۋ كەرەك. مەنىڭشە, ءۇش جاستان باستاپ ايتا بەرگەن دۇرىس. سەبەبى, بالاعا ءبارى قىزىق. ماسەلەن, كوپتەگەن حاتتار كەلەدى, 5-6 جاسىندا زورلىق قۇربانى بولعانداردان. مەندە 1200 ادامنىڭ حاتى جاتىر. ءبارى بالا كەزىندە قالاي زورلانعانى تۋرالى جازعان.
&ndash؛ پەدوفيلدەرگە بەرىلەتىن جازاعا كوڭىلىڭىز تولا ما؟
&ndash؛ ءبىز ءبىر ءىستى ۇتتىق. مامىر ايىندا ءبىر پەدوفيل ءومىر بويىنا باس بوستاندىعىنان ايىرىلدى. ءبىراق پەدوفيلدەرگە كوبىنە 15-17 جىل بەرىلىپ جاتادى. الداعى بەس جىلدا تۇرمەلەر تولىپ, ورىن بولماي قالادى-اۋ دەپ ويلايمىن كەيدە. ويتكەنى پەدوفيلدەر شىنىمەن كوپتەپ شىعىپ جاتىر. ولاردىڭ قايدان شىعىپ جاتقانىن زەرتتەيتىن جۇمىستار جۇرگىزىلمەيدى.
مىسالى, امەريكادا پەدوفيل بوستاندىققا شىقسا, ونىڭ بالالار تۇراتىن جەرگە, مەكتەپكە جولاۋىنا بولمايدى. قايدا تۇرىپ, نە ىستەپ جۇرگەنى تۋرالى دەرەكتەر جازىلىپ تۇرادى. بىزدەگىدەي جاسىرىلمايدى. بىزدە وسى زورلىق تۋرالى جاڭالىق شىقسا, جابىرلەنۋشىنىڭ ءتۇرى كورىنىپ قالادى. ءبىراق زورلىق جاساعان ادامنىڭ ءتۇرىن كوبىنە كورسەتپەيدى. نەگە ەكەنىن, بىزدە ءبارى كەرىسىنشە.
&ndash؛ پسيحيكالىق اۋىتقۋى بار ادامداردى تۇرمەگە وتىرعىزا المايدى. ءبىراق ولار دا ءبىر ادامنىڭ ءومىرىن قۇرتۋى مۇمكىن عوي. ولارعا قانداي جازا بار؟
&ndash؛ ءبىر مىسال كەلتىرەيىن. 2 قىركۇيەكتە ماعان الماتى وبلىسىنىڭ تۇرعىنىنان حات كەلدى. كومەك سۇرادى. ونىڭ كىشكەنتاي قىزدارى كورشىنىڭ قوراسىنان ەسەكتى الىپ شىعىپ, جانۋاردى زورلاعان بەيتانىس ەركەكتى كورگەن. بۇل ەندى پسيحيكالىق اۋىتقۋ عوي. ونى ون كۇنگە عانا قاماپ, جىبەرە سالعان. ول سوسىن باسقا ءبىر مالشىنىڭ مالىن باعۋعا كەتكەن ەكەن. ونى بىرەۋ تىركەۋگە الدى ما, بەلگىسىز. مالشىنىڭ مالىن زورلاعان ول ۇيدە كىشكەنتاي بالالار بولسا, ولارعا دا زورلىق جاساۋى مۇمكىن عوي. دەمەك, ول قوعامعا ءقاۋىپتى ادام. وندايلاردى تىركەۋگە الىپ, باقىلاۋدا ۇستاۋ كەرەك. ەرتەڭ كەش بولادى ايتپەسە.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر