11 قازان, 2023 news
فوتو: qamshy.kz
قوناەۆ قالاسىنىڭ اكىمى نۇرلان قۇماتاەۆ شەڭگەلدى اۋىلدىق وكرۋگى كەربۇلاق اۋىلىنداعى مەكتەپ اسحاناسىنىڭ جۇمىسىن تەكسەردى. شاھار باسشىسى, اسىرەسە, باستاۋىش سىنىپ وقۋشىلارىنىڭ تاماق ءمازىرىن قاراپ شىقتى.
«؛باستاۋىش سىنىپتار ىستىق تاماقپەن قامتىلعان. بالالاردىڭ ساپالى تاعامداردى پايدالانعانى دۇرىس. ءسىز جاس ديرەكتور رەتىندە وقۋ پروسەسىنەن بولەك, وسى ماسەلەنى ۇنەمى نازاردا ۇستاۋىڭىز قاجەت»؛, - دەدى اكىم.
مەكتەپ ديرەكتورىنىڭ ايتۋىنشا, 1-4-سىنىپتاردا 172 بالا ءبىلىم الادى. ولاردىڭ بارلىعىنا ىستىق تاماق بەرىلەدى.
اسحانا جۇمىسىنان باسقا, نۇرلان قۇماتاەۆ مەكتەپتىڭ جىلىتۋ ماۋسىمىنا دايىندىعىن, قاۋىپسىزدىك جۇيەسىنىڭ جۇمىسىن (بەينەباقىلاۋ كامەرالارى مەن ارنايى قوندىرعىلار), ىشكى دارەتحانالاردىڭ تالاپقا سايكەستىگىن تەكسەردى.
«؛كەلەسى اپتادان جىلىتۋ ماۋسىمى باستالادى. ماماندار قىسقا دايىنبىز دەپ مالىمەت بەردى. بارلىق مەكتەپتەر جىلى, بالالاردىڭ وقۋىنا ىڭعايلى بولۋى قاجەت. مەن بۇل سۇراقتى باقىلاۋدا ۇستايتىن بولامىن»؛, - دەدى نۇرلان قۇماتاەۆ.
قورىتا كەلە, قالا اكىمى باسقا دا مەكتەپتەردى ارالاپ شىعاتىنىن اتاپ ءوتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر